الموضوع: تعديلات الاسترا 2013

المشاركة الأصلية كتبت بواسطة Mohamed_Nour

احب اقول كل سنه و انتم طيبيين و لو جت متاخر شويه يا جماعه الموضوع البسيط ده انا عاملو علشان تسارع الاسترا الجديده و الموضوع ده مكنش حيتم الا بمساعدة العضو m.farouk



انا حدخل في الموضوع علي طول ببعض التعديلات الي متخلكش تخرج من الوكيل زي مثلا فلتر الهواء من k&n و ده ريبلاسمنت بيركب مكان الاديم و يتقفل عليه و ده سعره 420 جنيه من عند محل اسمو طوكيو في شارع دمشق و ممكن تشتريلو المنظف بتاعو الفلتر بيفضل العمر كلو + انو بيدي العربيه تقريبا 8 حصان و كمان تغيير زيت الموتور من موبيل 1 الي هو ميعتبرش زيت اصلا ههههههه الي زيت كاسترول ايدج و العربيه بتحتاج 4لتر و نصف و سعر ال5 لتر 383 جنيه تقريبا و ممكن تطلبه للبيت عندك بدون مصاريف زياده و ده اللينك بتاعهم علي الفايس و فيه النمره في ال about و الزيت بيبعتوه مع Aramex
https://www.facebook.com/CastrolEgypt

و كدا بيكون ده اول تعديل و ده حيخلي العربيه تقريبا من 123 ل 125 حصان تغيييير جذري ولاهي يا جماعه بس انا حسييت ان استهلاك البنزين بقي عالي شويه يعني 7 لتر في مسافه تقريبا من 80 ل 100 كيلو علما اني كنت ماشي 150 -190 تقريبا علي الطريق الدائري و كان فاضي مفيهوش عربيات يعني نعتبره طريق سفر

ندخل في الي بعديه و ده انا مش مجربو شخصيا و يا ريت لو حد عندو معلومات يفيدنا
التعديل في البجوهات و سلوك البجوهات في مشكله مع البجوهات مع التوكيل قالك البجوهات البلاتنيوم من NGK بتعمل Error مع الكمبيوتر و لسه مش عارفين ايه حلها
الحاجه التانيه ان احنا نغير في نسبة البنزين مع الهواء و دي بطريقتين يا اما عن طريق البرمجه في الكمبيوتر و دي الموقع الرسمي بتاعها Evolution Chips. Europes Premier ECU Recalibrating Company.
و مش متاكدين من النتائج خصوصا انها حتزود 8 حصان حسب كلام الموقع الرسمي

او ان احنا نغير سنسور الاكسجين و حجيب السنسور الجديد من NGK بس ده مش عارف بينزل مصر و نجيبو عن طريق النت و في الحالتين في نسبة خطوره في الموضوع
بس كل ده لو حصل حتبقي العربيه من 135 ل 138 حصان
ده كلو شغل بسيط علشان التوكل و نسيت اقولكم موضوع الشيب او البرمجه ده تقريبا بتبقي undetected يعني علي حسب الكلام ان التوكيل مش حيعرف لاكن بالنسبه للسنسور ممكن لو شافو يقولو عليه حاجه و ده فيديو توضيحي للسنسور How to Change an Oxygen Sensor - YouTube

و دي معلومات عنه حساس الأكسجين - ويكيبيديا، الموسوعة الحرة

و شكر للعضو m.farouk هو جايب معلومات و حط ملاحظات كتيير و تعب في الموضوع خصوصا موضوع البوجيهات دي بس للاسف احنا موصلناش لحاجه لسه الموضوع ليه تكمله ان شاء الله لو وصلنا لاي معلومه او أي تجربه جديده و يا رب اول موضوع ليا في المنتدي يكون عجبكم

لا شكر على واجب احنا هنا كلنا علشان نفيد بعض والموضوع انتا كتبة بطريقة حلوه ومنظمة ومرتبة انا معنديش الموهبة دى انا اقول على الموفيد وبس بس معرفش اكتب بالجمال ده ربنا يكرمك علشان كده ناس كتير هتستفيد من الموضوع
لو وصلت لحاجة فى موضوع البوجيهات ده اكيده هبلغكم بس انا لسة موصلتش لحاجة ولو حد جرب موضوع الEvolution Chips ياريت يبلغنا
بالنسبة لموضوع البوجيها ت البلتنيوم انا قلت الاريديوم الى التوكيل قالى ممكن تعمل مشكلة البلتنيم لسة منعرفش هنجرب ونشوف هو قالى العربية دى بتحتاج بوجيهات معينة علشان الكمبيوتر بياخد منها معلومات وممكن الngk البلتنيوم يكون مفيهاش الموضوع ده والبوجيهات بتعتها ال ngk مش موجوده ولا بتيجى مصر ولا الخليج التوكيل هنا وفى دبى بلغنى انها بتنزل فى اوربا بس ولو عرفت جديد اكيد هبلغكم

المشاركة الأصلية كتبت بواسطة m.farouk

لا شكر على واجب احنا هنا كلنا علشان نفيد بعض والموضوع انتا كتبة بطريقة حلوه ومنظمة ومرتبة انا معنديش الموهبة دى انا اقول على الموفيد وبس بس معرفش اكتب بالجمال ده ربنا يكرمك علشان كده ناس كتير هتستفيد من الموضوع
لو وصلت لحاجة فى موضوع البوجيهات ده اكيده هبلغكم بس انا لسة موصلتش لحاجة ولو حد جرب موضوع الevolution chips ياريت يبلغنا
بالنسبة لموضوع البوجيها ت البلتنيوم انا قلت الاريديوم الى التوكيل قالى ممكن تعمل مشكلة البلتنيم لسة منعرفش هنجرب ونشوف هو قالى العربية دى بتحتاج بوجيهات معينة علشان الكمبيوتر بياخد منها معلومات وممكن الngk البلتنيوم يكون مفيهاش الموضوع ده والبوجيهات بتعتها ال ngk مش موجوده ولا بتيجى مصر ولا الخليج التوكيل هنا وفى دبى بلغنى انها بتنزل فى اوربا بس ولو عرفت جديد اكيد هبلغكم

دي شهاده اعتز بيها و فعلا موضوع البجوهات ده حيقلل استهلاك البنزين علي قدر محيخلي العربيه صاحيه و ممكن بردو ندور في سلوك البجوهات زي سلوك ال msd بس عايزين ندور في حاجات كلها تكون غير مضره بالعربيه و في نفس الوقت سهلة التركيب لاني حسيت ان تركيب السلوك صعب بس مش عايز افتي هههههههه

المشاركة الأصلية كتبت بواسطة k.ossama

كلام جميل
وفكرة حلوة الموضوع المنفصل علشان نركز على التعديلات بس

دي فكرتك يا باشا ههههههه و فعلا لو ركزنا في التعديلات ممكن نعمل شغل هايل مع العربيه دي

سنسور الاكسجين بردو يا جماعه ممكن تكون نتايجو هايله ده بجانب ان تركيبو سهل انا حاحاول ابعت e-mail ل ngk او احاول اتصل مع أي موزع ليهم عشان موضوع السنسور ده بس لو منفعش يبقي مفيش ادامنا الا الشيب

مجهود ممتاز والله
الواحد بيطمن بوجودكم ودعمكم الدائم وبيحاول يساعدكم فى اى معلومات لكن الواحد معلوماتو على قدو

كل سنه وانتو طيبيين

المشاركة الأصلية كتبت بواسطة omar-saad

معلش مع احترامى لك اراء الاعضاء التعديلات دى كلها
مش هتزود اكتر من 5 حصان
لان اولا الفلتر اللى راكب مكان القديم كل وظيفته انه بيخلى العربرية تتنفس احسن على االrpm العالى
فاتحس ان العربية بقى سحبها احسن مع صوت الفلتر اللى بيخليك تتمتع بصوته فابتحرق اكتر
تانى حاجة الاسلاك والبوجيهات هايحسنو الحرق والاشتعال فى الموتور ولكن بفرق مش زى ما انتوا متخيلين لان اصلا الموتور مش هئ لكدة
وبعدين لو فعلا التعديلات دى بتطلع الارقام دى ماكنش حد غلب
ولا سقط موتور ولا ركب تيربو !

مشكور يا باشا علي مرورك الكريم و المشاركه بتساعد ان الواحد يتعلم و يعرف اكتر
هو الفلتر ريبلاسمنت بيركب مكان القديم و هو علي قد مقاسه بظبط فهو مش بيعمل صوت خالص و كمان الفلتر تقريبا بينزل علي جميع موديلات السيارات في العالم ممكن يزود لعربيه 25 و 20 حصان و ممكن لعربيات تانيه يزود 3 حصان بالعافيه عمليه نسبيه هي العربيه حلوه مفيهاش كلام خصوصا ان ال 1.6 المفروض بينزل معاها تربو و ده بيدي 180 حصان فهي ممكن تجري في امل يعني ههههههههه و موضوع الزيت ده طبعا كل ما لزوجته تبقي احسن كل ما البساتن و اجزاء الموتور تتحرك بحريه اكتر و كمان حتقلل قوة الاحتكاك المتولده في اجزاء الموتور و ده يحافظ علي عمر الموتور و يدي اداء احسن بدل ما العربيه بتطلع 115 حصان 5 او 10 حصان متولدين في الاحتكاك و الحراره بس لاء دا احنا حنوفرهم و حنحولهم لقوة تساعد العربيه في السحب و في كلتا الحالتين احنا كسبانين و حيزيد السحب موضوع ان العربيه بتسحب او تهيئات انا بحب احسبها بالعداد يعني مثلا التالت علي 4rpm العداد بيزيد بمقدار اد ايه و ان شاء الله حاحاول احط فيديو سحب العربيه قبل و بعد التعاديلات انا كمان حاططلها اوكتان بوستر مفوق العربيه شويه لان اصلا العربيه بتاخد بنزين لحاد 98 يعني الي احنا بنحطو في مصر ده مش بيظهر قوة الموتور الحقيقيه موضوع التربو ده طبعا محدش يقدر يتكلم بس ده ليه حوارات في التركيب و ليه مشاكل كتيييير بعد التركيب الا لو العربيه نازله بيه او واحد محترف بقي هو الي مركبو بس و بردو في عربيات متحسش عليها التعديلات الي بقولك عليها دي و في عربيات تحس عليها يعني في عربيات مثلا تقيله علي الموتور بتاعها مع ان موتورها قوي و لو اتحطلو مثلا الفلتر حيزود 10 حصان و عربيه تانيه خفيفه و و موتورها قوي علي البودي بتاعها ممكن لما تحط الفلتر يزود حصانين بس دي بتختلف من عربيه ل عربيه احنا عندنا العربيه فارقه جامد