اشتري كورولا ٢٠١٤ الشكل الجديد ام اوكتافيا a7

**khaled_afandy** · 14-08-2013 11:45 PM

المشاركة الأصلية كتبت بواسطة mohamed ezeza

شكرا لاهتمامكم جدا انا رغم اني بحب فخامه الالماني لكن مصر محتاجه عربيه عمليه ذي الكورولا وانا شايف انها احسن اللى موجود في السوق خصوصا بعد غزو الكوري واسعارها المبالغ فيها ومع تجربتي في الجيتا فانها لا تتميز سوا في المتانه والتوازن العالي اما نعومه المكنه والتكييف واعاده البيع وقطع الغيار ومراكز الخدمه فهي لصالح تويوتا ده غير كمان مشاكل الفتيس اللي ممكن تظهر في الاوكتافيا
شكلي كده حستقر علي الكورولا

كورولا بدون تفكير بس خلى بالك الموديل الجديد الإرتفاع عن الأرض 13 سم يعنى مشكلة فى شوارعنا الجميلة
الأوكتاقيا الجديدة غالية جدا و عندك مشكلة ال DSG و المحرك 1400 cc توربو يعنى لازم بنزبن 95 علشان يعمر معاك

**mohamed ezeza** · 15-08-2013 03:12 AM

طيب ارتفاع تويتا الشكل القديم كان كام اصل انا عاندي عقده من الجيتا في موضوع المطبات بس مش فاكر ارتفاعها قد ايه ياريت حد ياكدلي علي موضوع الارتفاع بتاع الكورولا ده اد ايه

**mohamed haggag** · 15-08-2013 03:22 AM

ع فكرة التويوتا خلاص نزلت وانا شايف انها هتبقي اوفرلك دة غير الأعتمادية والمتانة واعادة بيعها وسعر قطع غيارها وبالنسبة للأرتفاع عن الأرض انا شايف ان 13 مش واطية اووي يعني خصوصا ان ركبت النترا وارتفعها كان 15 ومكنتش بتحك غير لما تكون مليانة جدااا

**mohamed ezeza** · 15-08-2013 03:53 AM

شكرا عاي النصيحه برضو انا شايف انها افضل عربيه في السوق حتي الان وكفايه انها كورولا اكيد متانه واستحمال واشغال شاقه واقل نسبه اعطال

**Ahm662** · 16-08-2013 09:09 PM

اكيد اوكتافيا طب ليه ؟؟؟

فئة اعلى وامكانيات اعلى من الكورولا وشكلها جميل جدا دا غير الموتور الجبار1.4tsi بيطلع140 حصان وعزم 250 نيوتن وبالنسبة للفتيس دا الجيل الرابع ما ظهرش فى مشاكل حتى الان اما الاعتمادية فالموتور بيستهلك 4.9 لتر /100 كم ودا استهلاك افضل من الممتاز وموضوع ال95 فدا كلام مش اكيد وحتى لو95 فاستهلاك العربية يعوض الفارق فى سعر البنزين (مش البيجو 508 استهلاكها داخل فى 10لتر/100 كم و95 كمان) اما الثبات والاتزان وقوة الصاج فدا بالتاكيد للاوكتافيا بلا شك واسعار قطع الغيار مش فارقة كتير عن اليابانى والكورى الجديد وبالنسبة للاعطال ما فيش حاجة اسمها اعطال فى الالمانى الا لو اهملت فى الصيانة.................... صفقة رابحة جدا انك تشترى اوكتافيا والقرار ليك

**mohamed ezeza** · 17-08-2013 01:12 AM

والله انا محتار كمان الكورولا تقفيل تركي وبكده التجار المصريين حيطلعوا عليها افلام واغاني وانا كمان مجرب الالماني وعارف ايه معني الثبات والقوة والمتانه
بس بالنسبه لسعو اعاده البيع الاسكودا كويسه ولا حتخسر جامد كالعاده ويا تري التجار حيطلعوا علي الفتيس افلام ولا لقه كمان مكتوب في كتالوجها ان ممكن استعمل في الاسكودا بنزين ٩٢ في حاله الطورائ عموما انا حسنتي شهر كمان لغايه ما يبان اي حاجه
ادعواي اخد قرار صح في الموضوع ده

**mohamed haggag** · 18-08-2013 05:17 PM

انا شايف احلي فئة ام 185000
abs
ebd
نظام ثبات الكتروني
طارة مالتي
امكانية طي الكنبة الخلفية
مثبت سرعة
فوج لايت
6 سماعات
حساسات امامية وخلفية
اوتو بارك
7 ايرباج
تكييف اتوماتيكي
جنووط
مريااات ضم

اوبشن كويس جداا مع الأهتمام الواضح بعوامل الأمان
وحاول تاخد القرار بسرعة عشان اكيد سعرها هيزيد عن كدة بكثير

**khaled_afandy** · 18-08-2013 08:51 PM

المشاركة الأصلية كتبت بواسطة mohamed haggag

انا شايف احلي فئة ام 185000
abs
ebd
نظام ثبات الكتروني
طارة مالتي
امكانية طي الكنبة الخلفية
مثبت سرعة
فوج لايت
6 سماعات
حساسات امامية وخلفية
اوتو بارك
7 ايرباج
تكييف اتوماتيكي
جنووط
مريااات ضم

اوبشن كويس جداا مع الأهتمام الواضح بعوامل الأمان
وحاول تاخد القرار بسرعة عشان اكيد سعرها هيزيد عن كدة بكثير

فعلا مواصفات هايلة، هو مواصفات كل فئة فين؟ هل فيه موقع على النت بالتفاصيل؟ موقع تويوتا إيجيبت مش مفصل قوى

**mohamed haggag** · 18-08-2013 09:16 PM

المشاركة الأصلية كتبت بواسطة khaled_afandy

فعلا مواصفات هايلة، هو مواصفات كل فئة فين؟ هل فيه موقع على النت بالتفاصيل؟ موقع تويوتا إيجيبت مش مفصل قوى

والله دي مواصفات قالها عضو معانا قال انو راح وشافها دي مواصفات الفئة ام 185
والصراحة انا شايف ان سعرها حلو جدا مع مواصفتها خصوصا لو شوفت منافسيها زي الألنترا والسيراتو
وواضح الأهتمام بعوامل الأمان والفرامل

بس انا متوقع تمنها هيزيد عن كدة الفترة الجاية

**khaled_afandy** · 18-08-2013 10:10 PM

المشاركة الأصلية كتبت بواسطة mohamed haggag

والله دي مواصفات قالها عضو معانا قال انو راح وشافها دي مواصفات الفئة ام 185
والصراحة انا شايف ان سعرها حلو جدا مع مواصفتها خصوصا لو شوفت منافسيها زي الألنترا والسيراتو
وواضح الأهتمام بعوامل الأمان والفرامل

بس انا متوقع تمنها هيزيد عن كدة الفترة الجاية

لا يوجد تنافس مع الألنترا و السيراتو، لأن الكورولا تدوب اثنين سيراتو فى الأستعمال و التحمل. انا ممكن افارنها بالجيتا و الفوكاس و السفيك مثلا بس طبعا السوق العظيم بتاعنا بيحب الكورى المناظر طبعا

فعلا السعر معقول بس باربت لو حد يقول لنا الفرق بين ال ب 185 و ال ب 165