انا عربيتى هيونداى اكسنت موديل 2000 1300 سى سى انا كنت بحط شيل الاحمر وساعات ما بمشيش كتير يادوب 500 او 600 كيلو ولاقى الزيت هباب لما اجى انزلة ناس قالولى حط شل الاصفر وفعلا حطيت شل الاصفر ما بقاليش اسبوعين ببص على مقياس الزيت كعادتى لقيتو اسود مع انى ما مشتش بيها غير من 60 - 130 كيلو بس مع العلم ان مقياس الزيت لما حطيتة هو هو نفسة بعد اسبوعين يعنى مش بتاكل زيت هو بيسود على طول لية مش عارف ؟ يمكن طرمبة البنزين بايظة اصلها ما بتنزلش عن النص خالص يعنى اجى افول المؤشر يفضل على الاخر وينقص حبة حبة لحد ما يقف عند النص وبكدة تكون العربية ما فهاش بنزين واطر اروح افول مع انى غيرت العوامة وبرضو مافيش كشفت على العداد زى الفل والمؤشر زى الفل فاراجل الكهربائى قالى عاوزة طرمبة بنزين كامل بالمتور مش عارف اية المتور دة ولا شكل بيشتغالنى ولا اية سالت الراجل بتاع الكمليات قالى متور فى تنك البنزين ازاى قصدك بقى طرمبة بنزين كاملة قولتلو معرفش فا حبيت اسال الاول قبل ما اروح اشتريها ,
وحاجة كمان لما اجى اسخن العربية الصبح وتك على دواسة البنزين عشان تسخن بسمع صوت كدة قولت اشوف اية فتحت الكبوت وببص وخليت واحد صحبى يدوس على الدواسة لقيت صوت زى صوت الى بيطل من ورشة الخراطة كدة المهم حبيت اتتبع مصدر الصوت لقيتو فى الحتة الى بيظبط منها كهربة العربية مش عارف اسمها اية بصراحة بس طالع منها سلوك كدة موصلة للبوجيهات فى المتور مع ان المكانيكى ظبطهالى الكهربة وانا مفول 92 مش عارف بقى العيب منين ؟
المهم العربية بطلع دخان ابيض من ورا فى ناس هنا فى المنتدى ربنا يجزيهم كل خير جوبو عليا وقلولى يمكن عاوزة طقم شنبر فانا حبيت اكتب كل المعلومات الى بتحصل عشان اعرف اخد خطوات واتجهاتى فى الصليح واشوف العربية عاوزة اية
معلش اعذورونى مرة تانية اصل معنديش خبرة فى الحاجات دى ومحتاج نصحتكم وخبرتكم فى ان المشاكل دى كلها من اية واية الى عاوز يتصلح بالظبط ومعلش على الموضوع الطويل دة ولكم جزيل الشكر