انا اول مرة اسوق اتوماتك .كنت عايز اعرف كيفية ركن العربية..مع الفتيس اتوماتك.هل انقل علي الباركنج وبعدين اشد فرامل اليد ولا انقل علي الان واشد الفرامل ولا وانا علي الدي اشد الفرامل وبعدين انقل ع البي.مع اشكر
انا اول مرة اسوق اتوماتك .كنت عايز اعرف كيفية ركن العربية..مع الفتيس اتوماتك.هل انقل علي الباركنج وبعدين اشد فرامل اليد ولا انقل علي الان واشد الفرامل ولا وانا علي الدي اشد الفرامل وبعدين انقل ع البي.مع اشكر
تجيب على البى وتشد فرامل اليد طالما باركينج,
على N هتبقى العربية مموره
على D لا طبعا خالص
هما وضعيع نتقدر توقف العربية عليهم P&N بس طالما باركينج يبقى P اختصار كلمة parking يعنى :)
اعتقد ان كله واحد مدام انتا وقفت خلاص مش هتفرق وفى الغالب انتا مش هتجيب ال p الا لما تيجى تطلع المفتاح وبس لان دى اخر خطوه يعنى وانتا خارج من العربيه
اعتقد اضمن على الn لو فى مكان ممكن حد يزقها احسن يبوز حاجة فى الفتيس
بص لو في مكان ممكن حد يزقها هاتها على ال n الي يعتبر اختصار للانها متمورة
لو راكن مستريح و مفيش حد هيحتاج يزق عربيتك سيبها على ال p و برحتك تشد فرامل اليد او لا انا عن نفسي مش بحب اشدها عشان متضعفش و مش هتفرق يعني في حاجة بس اهم حاجة لما تجيب العربية على p هتلاقيها رجعت لورة او قدام سنة بسيطة قوي متخفش دة عشان العجل بيكون رجع على ترس الوقوف
لما تيجي تنقل من d ل r عشان ترجع ورا او العكس لازم تكون عربيتك في حالة السكون متكنش دايس d و تروح فجاة جايب ال r كدة هتقصر عمر فتيس و ممكن تكسر تروس
العربية عمتا مش بتدور غير لما يكون الفتيس على n او p فاتاكد ان الفتيس عليهم عشان ممكن تنسي و تفتكر ان العربية بايظة ولا حاجة بس هي نفس فكرة المانوال مينفعش تدور و انت جايب الاول العربية هتنطر منك
الافضل علشان متحملش على الفتيس انك تركن وتشد فرامل اليد وبعدين تجيب الفتيس على ال p
انا بركن وكله تمام اقوم جايب n وضع المور وبعدين اشد الهاند وابطل العربيه واجيب p واشيل المفتاح وتمام
كل ده عشان العربيه متباقش ممله على الفتيس
تقف بدواسة الفرامل العادية وتشد الهاند بريك وأهم خطوة قبل ماتشيل رجلك تكون جايب الفتيس على ال p وتشيل رجلك خلاص لأن لو جبت الp من غير ماتشد الهاند بريك بتحمل العربية كلها على الp فلما تيجى تجيب ال d حتلاقى عضة جامدة جدا فى الفتيس وده أكبر خطأ (يارب أكون عرفت أشرح)
انا قرأت فى موقع اجنبى افضل طريقه للمحافظه على الفتيس الاوتوماتك
1-ماتجبش r الا ما العربيه تقف تماما2-عند تشغيل العربيه دوس فرامل و هات ال n وبعدين دور العربيه وبعد كده شيل هاند بريك واخر حاجه هات D3-عند الركن هات اول حاجه ال N وشيد الهاند بريك وبعد كده بطل العربيه واخر حاجه هات ال P