كيفية التعامل مع الفتيس الاوتوماتك اثناء ركن العربية

**lol656** · 12-08-2013 06:24 AM

انا اول مرة اسوق اتوماتك .كنت عايز اعرف كيفية ركن العربية..مع الفتيس اتوماتك.هل انقل علي الباركنج وبعدين اشد فرامل اليد ولا انقل علي الان واشد الفرامل ولا وانا علي الدي اشد الفرامل وبعدين انقل ع البي.مع اشكر

**wama00** · 12-08-2013 06:35 AM

تجيب على البى وتشد فرامل اليد طالما باركينج,
على N هتبقى العربية مموره
على D لا طبعا خالص
هما وضعيع نتقدر توقف العربية عليهم P&N بس طالما باركينج يبقى P اختصار كلمة parking يعنى :)

**aldesha989** · 12-08-2013 06:37 AM

اعتقد ان كله واحد مدام انتا وقفت خلاص مش هتفرق وفى الغالب انتا مش هتجيب ال p الا لما تيجى تطلع المفتاح وبس لان دى اخر خطوه يعنى وانتا خارج من العربيه

**lad** · 12-08-2013 06:47 AM

اعتقد اضمن على الn لو فى مكان ممكن حد يزقها احسن يبوز حاجة فى الفتيس

**ALKareem** · 12-08-2013 07:17 AM

بص لو في مكان ممكن حد يزقها هاتها على ال n الي يعتبر اختصار للانها متمورة
لو راكن مستريح و مفيش حد هيحتاج يزق عربيتك سيبها على ال p و برحتك تشد فرامل اليد او لا انا عن نفسي مش بحب اشدها عشان متضعفش و مش هتفرق يعني في حاجة بس اهم حاجة لما تجيب العربية على p هتلاقيها رجعت لورة او قدام سنة بسيطة قوي متخفش دة عشان العجل بيكون رجع على ترس الوقوف
لما تيجي تنقل من d ل r عشان ترجع ورا او العكس لازم تكون عربيتك في حالة السكون متكنش دايس d و تروح فجاة جايب ال r كدة هتقصر عمر فتيس و ممكن تكسر تروس

العربية عمتا مش بتدور غير لما يكون الفتيس على n او p فاتاكد ان الفتيس عليهم عشان ممكن تنسي و تفتكر ان العربية بايظة ولا حاجة بس هي نفس فكرة المانوال مينفعش تدور و انت جايب الاول العربية هتنطر منك

**amr011111** · 12-08-2013 09:06 AM

الافضل علشان متحملش على الفتيس انك تركن وتشد فرامل اليد وبعدين تجيب الفتيس على ال p

**limo81** · 12-08-2013 09:23 AM

المشاركة الأصلية كتبت بواسطة amr011111

الافضل علشان متحملش على الفتيس انك تركن وتشد فرامل اليد وبعدين تجيب الفتيس على ال p

+1111111111111111111111

بالظبط كده
ثانياً المفتاح مش ح يطلع إلا اذ كان وضع الفتيس على p

**omar shaker** · 13-08-2013 11:42 AM

انا بركن وكله تمام اقوم جايب n وضع المور وبعدين اشد الهاند وابطل العربيه واجيب p واشيل المفتاح وتمام

كل ده عشان العربيه متباقش ممله على الفتيس

**khaledshaheen** · 13-08-2013 02:29 PM

تقف بدواسة الفرامل العادية وتشد الهاند بريك وأهم خطوة قبل ماتشيل رجلك تكون جايب الفتيس على ال p وتشيل رجلك خلاص لأن لو جبت الp من غير ماتشد الهاند بريك بتحمل العربية كلها على الp فلما تيجى تجيب ال d حتلاقى عضة جامدة جدا فى الفتيس وده أكبر خطأ (يارب أكون عرفت أشرح)

**sherifzein78** · 13-08-2013 11:02 PM

انا قرأت فى موقع اجنبى افضل طريقه للمحافظه على الفتيس الاوتوماتك

1-ماتجبش r الا ما العربيه تقف تماما

2-عند تشغيل العربيه دوس فرامل و هات ال n وبعدين دور العربيه وبعد كده شيل هاند بريك واخر حاجه هات D

3-عند الركن هات اول حاجه ال N وشيد الهاند بريك وبعد كده بطل العربيه واخر حاجه هات ال P

الموضوع: كيفية التعامل مع الفتيس الاوتوماتك اثناء ركن العربية

LinkBack

أدوات الموضوع

عرض

-

-

المواضيع المتشابهه

الفتيس الاوتوماتك

هل من الضروري ( فك وش الفتيس الاوتوماتك ) عند تغيير زيت الفتيس ؟

كيفية قيادة النوبيرا الاتوماتيك و التعامل مع الفتيس

كيفية التعامل مع الفتيس M-mt

كيفية التعامل مع العربية الزيرو اول 1500 كيلو ؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة