الموضوع: ظظانــــا محتاج رايــــكم فى الشارك؟؟

المشاركة الأصلية كتبت بواسطة ahmed travco

العربية بتاعتي فيها الاتي:
جنوط اسبور مقاسها 205/60 r16... والمقاس ده ممتاز وهتلاحظ ان الغالبية العظمى في العربيات التانية بيكون 205/55 r16... المهم ان الجنوط شكلها اتغير من اول 2012 وشكلها تحفة طبعا...
الكاوتش نوعه دانلوب... هوه راااائع في التراكشن والفرامل بصراحة... صناعة ياباني... بس عيبه القاتل بالنسبة لي انه مزعج وصوته عالي خصوصا لو الاسفلت خشن...

نوع العفشة... مالتي لينك خلفي مع عمود اتزان ومقصات كبيرة الحجم... بصراحة الجزء ده احلى ما في الشارك... ثبات وهمي بالنسبة للفئة دي... زائد الراحة في الكنبة الخلفية مع المطبات بسبب ان كل عجلة بتتحرك بشكل مستقل...

الفرامل ديسكات امامي... والفرامل الخلفية طبل drums مش عارف ليه الصراحة... اكتر حاجة مضايقاني رغم عدم شعوري لحظة بان الفرامل اقل من الممتاز... بس لما بشوف كارينز ولا سيراتو مثلا ديسكات ورا والشارك لا بتنرفز... انما باختصار فرامل العربية ممتازة جدا ومحسيتش بتفوق واضح لحاجة تانية غير الفانتازيا بصراحة... لكن برضه اديها 9 من 10.... طبعا العربية فيها abs/ebd/bas
[gdwl]

بالنسبة للاوبشنز...
فتحة سقف... اسبويلر... مفتاح بصمة للابواب والشنطة... تشغيل وايقاف المحرك بدون مفتاح... فرش بيج.... الابواب الامامية مبطنة بالجلد... ابانوس في التابلوه والابواب الامامية... راديو سي دي ماركة rockford fosgate مع 6 سماعات زائد صب ووفر في الشنطة... طبعا صوت خرااااافي بمعنى الكلمة... حتى لما صديق ليا باع الكورولا وجاب فانتازيا وقعد ييوللي شعر في الساوند سيستم بتاعها.... اتعقد لما جرب الساوند سيستم بتاع الشارك... في برضه فتحة usb وهتلاقيها في درج التابلوه (مكانها غريب شوية)...
[/gdwl]
دريكسيون وفتيس وهاند بريك جلد طبيعي... مالتي فانكشن... كمبيوتر رحلات يعرضلك استهلاك البنزين ومواعيد الصيانة ودرجة الحرارة خارج العربية ومؤشر حرارة ومعدل سرعة العربية...
تكييف اوتوماتيك مع حليات نيكل لفتحات التكييف...مسند يد امامي وحامل اكواب خلفي... مساند راس خلفية... امكانية طي الكنبة الخلفية بالكامل (مش تلت وتلتين)... مقابض الابواب نيكل من الداخل...
فوانيس شبورة... الشبكة الامامية محاطة بالنيكل...

الاختلافات عن ال1500 اللي انتهت في 2011 كالاتي:
الموتور طبعا بقى 1600cc وبيدي 117 حصان بدل ال1500 اللي كان 109 حصان...
رجعوا الساوند سيستم مع الصب ووفر لانهم كانوا اتشالوا في 2011/2012
للاسف... شالوا العتب والكساحات... وده من 2012... وكمان شالوا الزينون وعدسات التوجيه afs
علبة الشكمان بقت بالطول (كانت بالعرض في ال1500) وبيتهيألي ده خلى صوت العربية اهدى شوية (انا ما سقتش ال1500)... بس بخمن..
للاسف برضه... شالوا الفاميه من اول 2012 مش فاهم ليه...

ملحوظة اخيرة... العربية بنزل مواصفات خليجي سعودي زي ما هو مكتوب عندي على قايم باب السواق... زائد ان رقم الشاسبه محفور في التابلوه من قدام خااالص ناحية الريكسيون كده (زي الخليجي)...
العربية دي ممتازة ومعمرة جدا (إن شاء الله) لدرجة ان دايموند بينزلوها في الكويت بضمان 5 سنين... وفي اوروبا وامريكا بتنزل بضمان 10 سنين!!!!

اسف جدا للاطالة...

طبعا انا شاكر ليك على الرد الوافى والشرح المفصل
بس هل الاوبشنز بتاع الهاى لاين هو بتاع البيز لاين ولا فى اختلاف

المشاركة الأصلية كتبت بواسطة ahmed travco

البومة فيها اموبيلايزر على فكرة....

المشاركة الأصلية كتبت بواسطة ahmed travco

من اسبوع كدة عرفت ان الهايلاين بقت ب170000 فالاغلب ان الفئة اللي قبلها زادت الفين تلاتة برضه

انا لسه سائل عليها الهاى لاين 168000 ج والبيز لاين 154000 ج فى دايموند ابورواش

المشاركة الأصلية كتبت بواسطة ahmedtalat

يا ترى فين توكيلها و هو مين و اخبار خدمة ما بعد البيع بتاعته ايه ؟؟

انا اتعاملت قبل كده مع غبور و بصراحه معاملتهم جيده جدا

توكيلها الحالى هو دايموند فى ابو رواش طريق مصر-الاسكندريه الصحراوى
وهما ممتازين