خشونة الاوبل

**Tiar** · 13-08-2013 04:12 PM

السلام عليكم يا شباب
انا معايا فيكترا 94 مانوال 200سي سي فابريكا بره وجوه وحالتها ممتازة وكل ما حد يشوفها يشكر فيها جداُ
المقدمه دي عاشان عندي حاجه مش مريحاني وهي ان العربية وهي على السلانسيه وانت جوه العربيه بتحس بصوت الماتور ورجه خفيفه بتحس بيها رغم ان الاربم بيبقي واقف على 7 وطبعاُ بيزيد الصوت والرجه مع تشغيل التكييف
فى حين ان العربيات الياباني وانت جوه الصالون مبتحسش ان العربية دايره اصلا
يا تري ده عيب ايه ولا الاوبل كده
انا بقول يمكن قواعد الماتور فيه عيب وعاوزه تتغير
برجاء الافاده

طيار

**فادى محمد** · 13-08-2013 04:55 PM

وعليكم السلام ورحمه الله وبركاته..
-في فرق بين الرجه والخشونه
-رجه والعربيه واقفه وبتزيد لو دوست بنزين او شغلت المكيف = قواعد موتور
-صوت خشونه بنفس التفاصيل = كوستبانات او دلايل الشواكيش نتيجه تلف او تاكل او عدم تغيير الزيت لفترات طويله
-طبعا الاوبل صوته مش زي صوت الياباني ,في فرق بين ال2

**gomgom3** · 13-08-2013 07:55 PM

انا راي تراجع البلي بليه الكاتينه وبليه الشداد وطرمبه الميه لانهم لو حالتهم وحشه هيطلعوا صوت خشونه ده اكيد
الار بي ام عندك واطي المفرود يبئا علي ٩ مش ٧
لو لقيت الحاجات الي بقولك عليها سليمه يبئا كده زي ماستاذ فادي بيقولك ومتفتحش في حاجه في مثل اجنبي بيقولي ايه donont touch any running machine :D