الموضوع: كاسيت 2 din للبيجو ال301 .. ممكن نشوفة فى مصر؟

المشاركة الأصلية كتبت بواسطة goldfinger2

9
طبعا كلامك مفيش فيه حاجة غلط، بالنسبة بقى للاطار هو فعلا خامته فوق السئ بس بصراحة انا لو ركبت كاسيت بشاشة 8 بوصة اكيد منظر الشاشة هياخد العين بعيد عن الاطار وجودتة دة رايى الشخصى ، وغالبا فى كذا نوع للكاسيت بيز من غير سنسور وبيز بسينسور وهاى من غير سينسور وهاى بسينسور دة اللى انا فهمته من احد مصنعى الكاسيت
وبالنسبة للضمان ، انا سالت موظف فى التوكيل عن الكاسيت ودورلى على ال سيرفيس بوكس عن امكانية تركيبة وايه الكاسيت المتاح ،النتيجة انى لقيت كاسيت سواقين الميكروباصات يقرفوا يركبوه
ومالقيتش اى كاسيت متاح بصورة رسمية فاتاكدت من المهندس عن امكانية شراه من بره وتركيبة فى التوكيل ،قاللى مابركبش حاجة على الضفيرة ، مش عارف هو بيطفشنى وخلاص اعتقد الكاسيت بييجى بنفس السوكيت بتاعة الاصلى الا لو عايز تركب كاميرا بتخرم الاكصدام ويوصل كابل الكاميرا لحد الكاسيت بردو مش هاتلعب فى الضفيرة زى ماهو متخيل وفى فيديوهات على النت وشرح طريقة تركيبه ،
انا بفكر اركبه ويولعوا بقى وبعدين العربية لو هاتخرج من الضمان هيبقى على الضفيرة بس والكهرباء مش ميكانيكا وكله ولا ايه حد ياكدلى عشان انا ناوى اعملها

والله لو عملتها تبقي اجدع من السيسي ههههههههههه
جمد قلبك ياعم وانا اول واحد وراك والله العظيم
تصدق بالله قالولي في التوكيل انهم ممكن يجيبوا كاسيت الهاي لاين ويركبوه بس طبعا مستحيل لانك هتدفع فوق ال 5000

السلام عليكم
ياجماعة الفرق بين الكاسيت الاول والتانى ، الاول شاشته كبيرة 8 بوصة ، بيركب فيها كارت الميمورى بتاع برنامج الملاحة ، والدى فى دى روم بتاعته منفصلة عشان توفر مساحة للشاشة وغالبا بتركب فى درج التابلوة وممكن يركب فيها كارت ميمورى وفلاشة ،علشان حاجة اسمها virtual dvd rom ،
اما الفلاشة بتاعة العربية فى الهاى لاين فمكانها بيفضل زى ماهى والكاسيت بيقراها ، دة الكاسيت الاول
التانى ابو شاشة صغيرة ، 7 بوصة ، والدى فى دى روم بتاعته built in تحت الشاشة ( يعنى كله حته واحدة ) والاتنين فى منهم للهاى لاين وللبيز لاين ، يارب اكون وضحت
ابراهيم باشا بتاع البيز لاين ان شاء الله جايلى قريب لو عايز كلمنى
بالنسبة للوجو البيجو اللى فى ال boot بصراحة انا مجربتش اغيره للسيتروين