السلام عليكم ورحمة الله وبركاته
انا كنت بدور علي تكييف واحد ونصف حصان يكون بالتقسيط وياريت لو بدون مقدم او بمقدم بسيط
ياريت لو حد يعرف شركة او رقم تليفون شركة ياريت يقولي والشروط بتاعتهم ايه
وشكرا مقدما يارجالة
عرض للطباعة
السلام عليكم ورحمة الله وبركاته
انا كنت بدور علي تكييف واحد ونصف حصان يكون بالتقسيط وياريت لو بدون مقدم او بمقدم بسيط
ياريت لو حد يعرف شركة او رقم تليفون شركة ياريت يقولي والشروط بتاعتهم ايه
وشكرا مقدما يارجالة
بلااش احسن هيعملو معاك تعاقد ورسوم وهيقولولك ريجكت وشكرا
اغلب الشركات نصابه كبر دماغك وهاته كاش وريح دماغك
إعمل credit card البنك الأهلى و قسط من خلاله فيه 6 شهور بدون فوايد و فيه سنة بدون فوايد حسب اللى بتجيب منه
اشرف باشا ... كلم 140 الدليل وخد منهم رقم شركة شارب و يونيون اير و كارير وكلمهم وشوف نظامهم ايه !!! انا بصراحة عملت كدة وجبت تكييف شارب بس كنت جايبه كاش كان عامل 4400 هوا انظف حاجة بصراحة وتسقيعه ثلاجة ماشاء الله بس 2 وربع عشان الاوضة عندى كبيرة شوية لان ال 1.5 بياخد مساحة من 12 : 15 متر وال 2 وربع بياخد من 16 : 22 متر فا خد مقاسات الاوضة الاول عشان لو كبيرة متجبش تكييف صغير عليها ... عشان الكومبريسور بتاعه ميبوظش منك بسرعة متعملش زى ناس مسمعتش كلامى وجابت 1.5 حصان فى اوضة20 متر مكملش سنتين وبدأ يضعف دلوقتى ومبقاش يسقع زى الأول ، وخلى بالك قبل ما تتصل حدد انت عاوز نوع ايه وخلى جنبك ورقة وقلم واعمل جدول اكتب فيه الانواع وتحت كل نوع اكتب بارد / بارد وساخن لأن ده سعر وده سعر وتحت كل واحدة اكتب الاسعار وبعد ما تقفل قارن وشوف الاريحلك وربنا يكرمك
الف شكر يارجالة والله ربنا يكرمكوا
انا قررت اصبر شوية واجيبه كاش احسن والف شكر مرة تانية
انا فعلا ياسامح عايز اقيس الاوضة الاول لانها مش صغيرة اوي واشوف كدة وتسلم ايدك ياكبير
انا بصراحة حسبتها لقيت القسط هياخدو فلوس زيادة كتيير عشان القسط طبعاً فا قولت بدل كده دخلت جمعية وجبت بيها التكييف كاش وريحت دماغى ... اتصلت بكل شركات التكييف وخدت من كل شركة اسعارها ومميزاتها ولقيت بصراحة شارب ارخص واحد بالنسبة للسعر وغير كدة قبل ما اجيبه ناس كتير كانت بتشكر فيه وهوا بصراحة كفأة عن كارير ويونيون اير وميراكو وكل الكلام ده والناس جابوهولى لحد البيت وركبتهولى كمان وادتلهم 30 جنيه كدة جدعنة هما اصلاً مطلبوش فلوس وساعتها كان رمضان اللى قبل اللى فات ده فا قولت حرام الدنيا صيام والناس تعبت وشالت وحطت ... اهم حاجة زى ما قولتلك خد مقاسات الاوضة كام متر × كام متر وجهز الورقة والقلم قبل ما تتصل عشان تكتب الاسعار وتقارن وشوف اقل سعر وغالباً ممكن تلاقي شارب هوا ارخص حاجة هيفرق 200 او 300 جنيه او اكتر او ممكن تسأل عند اقرب موزع معتمد منك بس بلاااااااااااش بلااااااااااااش شارع عبد العزيز ايااااااااك تفكر تجيب منه . ولو محتاج اى خدمة يا صاحبى انا تحت امرك يا معلماقتباس:
المشاركة الأصلية كتبت بواسطة ashraf_sms
تسلملي ياحبي بس اشمعني شارع عبد العزيز بلاش نصابين يعني ولا وحشين ف الخدمة بس انا لو جبت هجيب من الشركة نفسها احسناقتباس:
المشاركة الأصلية كتبت بواسطة sam4ever2010
من ناحية نصابين فا هم نصابين وكمان الاجهزة بتبقى مضروبة وسكة وملهاش ضمان كمان ... اشترى من الشركة احسن طبعاً وافضل وأأمن ... والف مبرووك مقدماً وربنا يقدملك الخير يا صاحبىاقتباس:
المشاركة الأصلية كتبت بواسطة ashraf_sms
الله يبارك فيك ياسموح وان شاء الله هظبط كدة واجيبه من الشركة افضل