سعر كاوتش Run Flat 225/45/17

**novo** · 18-08-2013 10:57 AM

المشاركة الأصلية كتبت بواسطة generalx

يا شباب انا محتاج اشتري طقم run flat 225/45/17 حد عدة فكرة الفردة تعمل كام تقريبا و اشتريها منين بسعر كويس و هل اجيبها كونتينينتال زي الاصلية ولا في انواع تانية ارخص و نفس الجودة؟

أنا اشتريت الفردة بريدجستون 16 رن فلات بس h مش v ب800جم
خد بالك ان الفرق كبير فى السعر بين الv و الh فياريت تتأكد انت بتشتري ايه و سعره فى كل حته كام

**GeneralX** · 18-08-2013 03:05 PM

و الله انا اصلا قرفان من الرن فلات و نشوفيتها و صوتها المزعج علي الطرق المكسرة بس للاسف مفيش مكان للاستبن و الشنطة صغيرة اصلا و مش مستحملة فخلاص امري لله رن فلات و خلاص و كفايه راحة البال لو حصلي اي مشكلة في الطريق.

انا محتار بين الكونتينينتال زي الاصليه او اجرب البيريللي.لو حد جرب البيريللي رن فلات بقولنا تجربتة :)

و شكرا علي تعاونكم يا شياب :)

**Ahmed Amin** · 19-08-2013 04:55 AM

المشاركة الأصلية كتبت بواسطة maskeen

صدقنى فكك من رن فلات ده خالص
ماينفعش ف مصر خالص الا لو كل سواقتك ع السريع وطرق نضيف
وناشف وبيتعب العفشه

ركب كاوتش عاى ووفر 2000 جنيه ف الطقم

فعلاً الرن فلات مش مناسب لطرق مصر,
من ناحية إن الاسفلت جوا البلد وحش, بمعني مش ناعم زي اللي عال سريع, وحتي اللي عال سريع مش كله ناعم دي حاجة,
والحاجة التانية أن طرقنا معظمها غير نضيفة, مسامير حفر بلاعات نقر خوازيق مطبات.

هتبقي تكلفة عالية عليك أنك تجيب رن فلات عن العادي + قلة راحة عن الكاوتش العادي
أنا من رأيي ممكن تيجيب ال Spare wheel اللي بتبقي رفيعة أوي دي وتحطها في الشنطة حتي لو شايف أنها هتاخد مساحة من الشنطة ومش عملية,
بس هيا في كل الاحوال هتبقي أضمن لك لو حصل حاجة للفردة الرن فلات وكنت في مكان مفهوش محلات تصليح كاوتش او تشتري منه كاوتش,

لازم في ظروف جو وطرق مصر أستبن من الرفيع أوي دا للناس اللي معاهش أستبن بحجم الجنط العادي,
واللي أخرة تمشي بيه بسرعة 80 كيلو مش زي الجنط العادي

**massoh** · 19-08-2013 12:47 PM

F30 Tire Mobility Set
لو مش حتركب رن فلات ممكن الحل ده افضل من الأستبن المضغوط اللى مالوش مكان

**GeneralX** · 19-08-2013 12:54 PM

المشاركة الأصلية كتبت بواسطة massoh

F30 Tire Mobility Set
لو مش حتركب رن فلات ممكن الحل ده افضل من الأستبن المضغوط اللى مالوش مكان

انا سمعت عن الحل دة برضة.و اشتري ال Mobility set دي منين و تعمل كام تقريبا, و هل حد جربها شغالة يعني ولا كلام نظري و وقت الجد لو الخرم كبير متلحقنيش :)

**GeneralX** · 19-08-2013 12:57 PM

duplicate

**Ahmed Amin** · 19-08-2013 09:16 PM

المشاركة الأصلية كتبت بواسطة GeneralX

و الله فكره تستحق الدراسة.المشكلة ان BMW مصممة العفشة علي Run Flat اصلا فمش عارف اذا كان التبديل لكتوتش عادي مضر ولا لأ,لو كان عادي يبقي اكيد اريح كنير

من رأيي الشخصي أنك تفكر في الموضوع, والأستبن دا رفيع جداً وخفيف, ومش هتحتاج Mobility Set

وعلي كلام أستاذ maskeen وهوا معاه BMW ومجرب,
العفشة سواء متصممة علي Run Flat أو كاوتش عادي, مش هتفرق معاك ف مصر,,

لأن الكاوتش العادي بتاعنا بطبعه أريح من الRun Flat في السواقة عليك وعلي العربية, دي حاجة,,

والحاجة التانية أحنا طرقنا مش مناسبة لل Run Flat من ناحية سوء جودة الأسفلت, اللي هيأذي العفشة لو راكب لها رن فلات,, وكتر الحفر والنقر والمسامير والمطبات,, كلها مش هصيب في مصلحتك ولا مصلحت العربية..

فأنت كدا هتدفع أكتر,, وتاخد راحة أقل, ومخاطر أعلي, وتأذي العفشة مع الوقت بما أن الكاوتش ناشف والعفشة ناشفة وطرقنا مش مناسبة للأتنين, وأخيراً تكلفة أعلي لما تيجي تصلح وتغير الكاوتش.

أنت لو جبت أربع فرد بريدجستون تورانزا ب 4000 وشوية, ومعاهم أستبن رفيع في الشنطة,

أحسن من ما تجيب 4 فرد ب 8000 او 10.000 وتبقي ماشي قلقان من أنك يحصل لك موقف أو تاكل حفرة تبوظ الفردة أو الجنط,,
وميبقاش معاك أستبن تغير وميكونش في محل قريب يصلح لك أو علي سفر زي طريق سريع او صحراوي.

لأزم جنط صغير في الشنطة,, ولو هتجيب جنط خات الكاوتش الأريح للعربية والأوفر.

وممكن الفترة دي تبدأ بأنك تجيب فردتين عادين دلوقتي وتسيب فردتين Run Flat من اللي عندك معاهم,, وتجيب الأستبن الرفيع دا في الشنطة وتدرس أيه الأحسن ليك بنفسك.