مشكلة بسييطة بس مدوخخااني وقرفتني يااريت المساعدة ضروروي

**Mamoud salah H** · 14-08-2013 04:03 PM

يا جماعة انا عندي مشكلة سببها بسييييط بس دايخ وطالع عين اهلي بسببها
المشكلة بقي هي ان خرطوم البنزين الي راكب في الفلتر علي طوول الخرطووم الازرق دة بقي في كوعة بلاستيك كدة هي الي راكبة بين الفلتر والخرطوم وصلة بينهم حصل فيها خرم او شرخ كدة وطبعا كل ماادور العربية الشرخ دة ينط بنزييين روحت فكيته وروحت عشان اجيبة مش لاقيييه خاااااااالص ولا جديد ولا استيرااد فلييت الوكالة وشامبلييوون مفييييش خالص تار الجديد يقولي هاتو استيراد وتجار المستعممل يقولي هاته جديييد وانا مش لاقيييه ومش عارف اعمل اييه وعلي فكرة انا لحمته مرتيين وفك ولازم اغيره عشان انسااه بقي

ربنايكرمكوا يا جماعة اي مساعدة في الحوواار دة ضروري ونبي عشان موقف حالي ومش بحرك العربية بقالها 3 ايام

انا محتاج الخرططوم الازرق الي راكب في فلتر البنزيين وفييه كوع وصلة بلاستييك كدة يارييت حد يقولي فيين وانا اجيبه م اي مكاان

العربية اوبل فيكترا بي1 ايكوتك

**Mamoud salah H** · 14-08-2013 04:20 PM

,هل ممكن يكون العيب دة من فلتر البنزيين خاصة اني غيرته قبل حصوول المشكلة دي بقلتر دايو لانووس بس المشكلة حصلت بعدها بفترة كبييرة شوية وانا شفت الخرم بعيني ولحمته بالانبوبتين الي بيخلطوا علي بعض واشتغل حلو لفترة شهر ونص تقريبا ورجعت المشكلة تاني فا مش عارف بقي ارجو المساعدة

**فادى محمد** · 14-08-2013 05:13 PM

واضح من كلامك ان المشكله في الخرطوم الازرق نفسه او الكلبس اللي في نهايته..
ماتدورش عليه جديد..
شفته مره واحده استيراد عند واحد خلف توكيل مقار بالدقي من فتره كبيره اسمه طارق 01210466683
وممكن تجرب محمد قشطه01151112411 بالحي السادس
الخرطوم ده واصل من الفلتر تحت لطرمبه البنزين فوق بنفس الكلبس ..

**aldesha989** · 14-08-2013 07:19 PM

انا مش فاهم اوى بس بتهيئلى انك بتقول ان الخرطوم فى حته بلاستيك فى اخره ماسكه فى الخرطوم وفى الفلتر

ده لو حسب ما قدرت افهم

طب ليه ما تشيلش الحته دى وتحط الخرطوم على طول فى الفلتر ؟

**فادى محمد** · 14-08-2013 07:38 PM

المشاركة الأصلية كتبت بواسطة aldesha989

انا مش فاهم اوى بس بتهيئلى انك بتقول ان الخرطوم فى حته بلاستيك فى اخره ماسكه فى الخرطوم وفى الفلتر

ده لو حسب ما قدرت افهم

طب ليه ما تشيلش الحته دى وتحط الخرطوم على طول فى الفلتر ؟

تمام كده..
اخر حل ممكن نلجا له هو خرطوم ايطالي يمسك من رداخ البنزين فوق للفلتر تحت وطبعا هنخلع من الفلتر وبوز الرداخ الكلبسات البيضاء بتاعتهم والخرطوم يدخل فيهم شحط ونربط عليهم قفزان حديد..

**Mamoud salah H** · 15-08-2013 05:32 AM

المشاركة الأصلية كتبت بواسطة فادى محمد

تمام كده..
اخر حل ممكن نلجا له هو خرطوم ايطالي يمسك من رداخ البنزين فوق للفلتر تحت وطبعا هنخلع من الفلتر وبوز الرداخ الكلبسات البيضاء بتاعتهم والخرطوم يدخل فيهم شحط ونربط عليهم قفزان حديد..

والله انا فكرت في الحل دة النهاردة وانا نايم تحت العربية وبشووف التسرييب بس رجعت وقولت اكييد هيبقي في تاثيير سلبي لان القطعة البلاستيك فتحتها واسعة من ناحية الفلتر فا كمية البنزين الداخلة للخرطوم هتقل لو عملت الخرطووم حشر بكلبساات بس حل قايم ومازال موجود بس انا بحب اصلح الحاجة زي ما الخواجة عملها

**Mamoud salah H** · 15-08-2013 05:34 AM

المشاركة الأصلية كتبت بواسطة aldesha989

انا مش فاهم اوى بس بتهيئلى انك بتقول ان الخرطوم فى حته بلاستيك فى اخره ماسكه فى الخرطوم وفى الفلتر

ده لو حسب ما قدرت افهم

طب ليه ما تشيلش الحته دى وتحط الخرطوم على طول فى الفلتر ؟

ايوه تمام انت فهمت صح وانا مخلي الحل دة للاخر لو معرفتش اجيب البتاعة دي

**Mamoud salah H** · 15-08-2013 05:38 AM

المشاركة الأصلية كتبت بواسطة alkareem

في ميكانيكي في امبابة اول ما تنزل من الدائري نزلة القومية هتلاقية على ايدك اليمين لو انت جاي من ميدان لبنان و ماشي في اتجاة شبرا الخيمة اسمه محمد و شغال في الاوبل و الجولف و اسعارة كويسة المصنعية ربنا يكرمك و يكفيك شرها اسمة محمد اوبل

ربنا يكرمك يا باشا بس هو انا عندي الميكانيكي الي بيشنغلي في العربية بس الفكرة ني مش لاقي القطعة بس ممكن اعدي علييه لما الامور تهدي يمكن الاقيها عنده

-

الموضوع: مشكلة بسييطة بس مدوخخااني وقرفتني يااريت المساعدة ضروروي

LinkBack

أدوات الموضوع

عرض

-

-

-

المواضيع المتشابهه

برجاء المساعده ضروروي " ماروتي ام التو 2008"

افيدوني ضروروي لعربيتي الخليجي

عضو من مدينة الاسماعيليه عامل مشروع مغسله العربيات ضروروي

انا بشتري عربية من مرور بولاق-الجزيرة يااريت المشوورة علشان فيها تصريح

عايز اجيب زينون ومش عاارف هاايركب ولا لا يااريت الافادة

الكلمات الدلالية لهذا الموضوع

المفضلات

المفضلات

ضوابط المشاركة