http://dl101.ot2.com/83673d370651d8e...ea5d82d/00.jpg
عرض للطباعة
ممكن تدلونى على حل جذرى لمشكلة الفرامل فى ال ax وكمان عايز اعرف البلية بتاعت العجله الأماميه بكام ؟وايه هو افضل نوع عشان بسمع صوت قدام وقالولى دى البليه
وشكرا
استاذ hinrey_2 استخدم موقع 4شايرد لرفع الصور لانه ممتاز
استاذ santos egypt
فرامل الax خرافيه وقويه جدا ومناسبه للعربيه انت عندك مشكله اكيد
فانت تاسسها من الصفر حتلاقيها ودى فرامل يعنى متتسبش الا لما تتعمل صح
تبدء بالاجهزه تروح لمتخصص يفك ال4 اجهزه وينضفهم ويشوف لو عايز تيل او خرط طنابير اوتغيير طنابير
بعد ظبط الاجهزه تفك الماستر والسيرفو وتنضفهم وتغير جلد الماستر نضافه وتغير زيت الفرامل بالكامل من اول العلبه حتى الاجهزه وتنزل اللى فى المواسير
حتاخد فرامل ملهاش حل
بليه العجل مش متزكر تعمل كام لانى مغيرتهاش بس مش حتكون رقم كبير متقلقش
http://www.4shared.com/download/4U2c....bmp?lgfp=3000
خالص الشكر للاستاذ المحترم روتانا على الاهتمام والرد لان للاسف مفيش تعاون من الزملاء بالمعدل المأموللو سمحت ممكن تعرفنى ايه هيا وظيفة المواسير المرقمة فى الصورة المضغوطة الملحقة .
وشكرا على النصيحة الخاصة برفع الصورة
واكرر الاستفسار
_بالنسبة لرقم اربعة دول حديدتين زي الفيشة الدكر فى المكان ده ومش متوصلين بحاجة وعايز اعرف وظيفتهم .اما رقم 5 فعايز اعرف اسمها لانى باقول عمة من عندي وما اعرفش اسمها ايه .
ملحوظة : التكييف عندي ملغي
وعارف ان حضرتك شكرت قبل كده ونصحتنى بزيت شل الاصفر بس ممكن اسالك عن زيت توتال الفرنسي مقارنة بشل .كمان فيه نوع المانى اسمه رافينول نصحنى به الاستاذ فريد شوقى وكنت عايز مناقشة من حضرتك للمفاضلة واعذرنى لكثرة الاسئلة بس انا عايز احافظ على الموتور خصوصا انى جديد فى السواقة وباحرق على الغيارات وعايز احمى الموتور وزيت ما يتحرقش بسرعة
1-خرطوم الفايص من المكنه للعمه(بتجيب خرطوم طويل وتخليه يرمى على الارض لانه بيبرجل الكاربراتير)
2-خرطوم بين الكاربراتير وعمه الهوا
3-مش واضح تقصد ايه
4- دول فى الفبريكا بيتوصلو بخرطومين بمكان ادام باين فى الصوره بيشدو بوابه بتتحكم فى غلق الهوا من جنب الرداتير او من عند الشكمان(هوا سخن)
5-العمه مظبوط
وبسم الله ما شاء الله الحوض عندك حالته ممتازه
اما الزيت فانا قولت اللى بستعمله والتوتال منصوح بيه فى الكتالوج يعنى مفيش اى مشاكل من التوتال
متشكر جدا يا استاذ روتانا على كرم اخلاقك واستجابتك السريعة
وللامانة صورة الحوض جبتها من على النت وليس لسيارتى لان موبايلى من سنة الديناصور :grin54:
وكاميرته رديئة وكنت محتاج اجيب صورة واضحة
اكرر شكري واحترامي لشخصكم الكريم
عندى صوت خبط فى العربيه ساعة الطلعه شكيت فى الشكمان انه بيخبط فى المصفحه وروحت لبتاع الشكماان رفع العربيه ونزل تحتهااو طلعت بالعربيه وقالى مفيش حاجه بتخبط فى االمصفحه وقالى غالبا دى من قواعد الموتور فكنت عاايز اعرف اجيبها جديد ولا مستعمل وبتعمل فى حدود كام
وشكرا
دايما صوت الخبطة مع الحركة المفاجأة لما بارفع رجلى عن الدبرياج فجأة ولما بارجع للخلف برضه .ولما بارفع رجلي بالتدريج مباسمعش الصوت او بتبقى الخبطة بسيطة .
وبتاع قطع غيار الستروين قالى روح للميكانيكي خليه يراجع على قواعد الموتور .
وفيح عندي حاجة تانى لما باكون دايس بنزين وارفع رجلى عن دواسة البنزين من غير ما كون دايس دبرياج باسمع خبطات ودربكة ومش عارف بسبب القواعد برضه والا ايه ؟
ا
دى قاعده الموتور الوسطى ودى بتبوظ من عزم الموتور وبتعمل المشاكل دى ويزيد عليها وره على السرعات العليه(بتظهر عند الدوس على الدبرياج) هبلتنى بصراحه لحد ما عرفتها
القاعده جزئين جزء مدورحديد بداخله كاوتش (موجود ويعمل 50 جنيه)وجزء دراع بيمسكه ويثبته فى الشاسيه وده ملاقيتهوش خليت السمكرى يعملى زيه