الموضوع: اوبل كورسا سيدان

عربيه جميله وسعرها فى سوق المستعمل كويس جدا
مميزتها:
1- سحب رائع
2- ثبات ممتاز
3- قطع الغيار الاصليه شايفه معقوله جدا, ارخص من الكورى, مثلا عندك التيل الامامى ب 250 فى التوكيل
4- تكييفها جيد جدا
5- صاج قوى

عيوبها
1- استهلاك البنزين عالى نسبيا
2- عزل التراب مش كويس
3- ناس بتقول انها بتاكل اسطوانه دبرياج, بس انا قعدت معايا حوالى 110 الف
4- قطع غيار الصاج قليله وغاليه فى سوق الاستيراد, هتلاقيها بس غاليه فعلا
5-بيعها تقيل فى سوق المستعمل وخصوصا لو حالتها مش قد كده

العربيه مش بتسخن مع التكييف اطلاقا, بس شجره المياه لو لقيت الحراره عليت يبقى فى مشكله, حصل معايا لما شجره المياه ضربت

المشاركة الأصلية كتبت بواسطة ironhead

عربيه جميله وسعرها فى سوق المستعمل كويس جدا
مميزتها:
1- سحب رائع
2- ثبات ممتاز
3- قطع الغيار الاصليه شايفه معقوله جدا, ارخص من الكورى, مثلا عندك التيل الامامى ب 250 فى التوكيل
4- تكييفها جيد جدا
5- صاج قوى

عيوبها
1- استهلاك البنزين عالى نسبيا
2- عزل التراب مش كويس
3- ناس بتقول انها بتاكل اسطوانه دبرياج, بس انا قعدت معايا حوالى 110 الف
4- قطع غيار الصاج قليله وغاليه فى سوق الاستيراد, هتلاقيها بس غاليه فعلا
5-بيعها تقيل فى سوق المستعمل وخصوصا لو حالتها مش قد كده

العربيه مش بتسخن مع التكييف اطلاقا, بس شجره المياه لو لقيت الحراره عليت يبقى فى مشكله, حصل معايا لما شجره المياه ضربت

شكرا علي معلوماتك
طيب سهله ان اي مكانيكي يشتغل فيها ولا عايزه ميكانيكي متخصص

المشاركة الأصلية كتبت بواسطة meko0o

شكرا علي معلوماتك
طيب سهله ان اي مكانيكي يشتغل فيها ولا عايزه ميكانيكي متخصص

معلش مش هقدر افيدك عشان كنت بتعامل مع مركز معتمد وبشترى دماغى, بس اظن ان ليها ميكانيكيه متخصصين فيها

السلام عليكم ورحمة الله وبركاته
احب اعرض على حضرتك خبرتى فى السيارة انا معايا اوبل كورسا 1600 موديل 2007 يعنى بقالها معايا 7 سنوات تقريبا وان شاء الله اقدر افيدك فيها
1- السيارة بصفة العامة الحمد لله كويسة جدا بالنسبة للسيارات اللى فى فئتها زى الفيرنا والدايو
2- تسارع السيارة ممتاز الحمد لله وجراية وتجيب ال 160 مرتاح انا عن نفسي جيبت بيها 185 وكنت مرعوب بصراحة.
3- ثبات السيارة كويس لحد 125 تقريبا وبعد كده عادية جدا يعنى حاول متجريش بيها اوى خاصة انك معندكش فرامل abs ونظام التعليق عندك عادى مش متطور اوى
4- الفرامل كويسه لحد 120 برضه بعد كده بتبقي فيها شئ من الخطورة زى معظم العربيات اللى مفهاش abs انما طبعا فراملها احسن من الفيررنا والدايو
5- تكييفها ماشاء الله حلو اوى مش عايز كلام
6- قاعدتها مريحة فى الامام انما الكنبة ضيقة شوية
7- ناشفة شوية فى المطبات لكن ماشاء الله بتستحمل الطرق بتاعتنا
8- قطع غيارها معقولة طبعا فى التوكيل اغلب قطع الغيار مولعة انما فى المحلات معقولة جدا وحقولك بعض القطع اللى جبتها
تيل امامى 185 وده نوع نضيف وبيعد معايا حوالى 10 شهور او 9 الاف كيلو وانا فراملى وحشة جدا كمان وكل شوية بدوس فرامل فجأة ادعولى ابطل العادة دى / والتيل البرازيلى فى التوكيل 250 تقريبا والالمانى 375
طنابير امامى جبتها ب 350 الطنبورتين ونوعهم حلو ومفهمش مشاكل الحمد لله انت بس خد بالك ومتجيبش عليهم مايه وهما سخنين عشان حتى لو هما المانى حيبوظوا
فلتر هواء 55 فلتر بنزين 55 فلتر زيت 40 بيجوهات 130 ال gm بتوعها ويعدوا حوالى 20 الف كيلو
سلوك بيجوهات 200 وانا غيرتهم بعد حوالى 73000 كيلو عشان جيه عليهم ميه وبقوا يعملوا شرارة
طلمبة بنزين كورى 150 سير كاتينه 110 وتمنه فى التوكيل 185 تيل خلفى 190 ديسك واسطوانة 750 وممكن يكون فى ارخص
وجبت برضه قبل كده بطاحه وبيضة مقص وجلبه وكان سعرها فى الحنين مش غاليه يعنى
وش سلندر استيراد 1000 ماكينه كاملة حوالى 6000 او اقل شوية فلتر تكييف 70
وعايز اقولك ان فى حاجات كتير فى الدايو زى الاوبل كورسا منها وش السلندر وطلمبة البنزين وحاجات تانية مش فاكرها
9- العربية صاجها ماشاء الله قوى ومحمل
10- صوتها مش عالى
11- استهلاكها على الطرق السريعة كويس جدا انما داخل البلد استهلاكها عالى بس مش اوى يعنى مثلا اللتر داخل البلد يمشيك 7 كيلومتر وعالسريع من 10 الى 11.5 كيلومتر
12- العربية سهلة جدا اى حد يشتغل فيها مش معقدة وده لان التكنولوجيا فيها مش عالية
13- سعر اعادة بيعها مش حتخسر كتير فيها لانها اصلا مش غالية وبيعها حيبقي زى الالمانى تقيل شوية
14- العربية غيرت لها ديسك واسطوانة بعد 40 الف كيلو وده كان لخطأ منى لانى كنت بسند برجلى عالدبرياج غصب عنى
وان شاء الله لو افتكرت حاجة تانى حبقي اكتبها ليك واتمنى انى اكون افادتك كويس

المشاركة الأصلية كتبت بواسطة hammad2010

السلام عليكم ورحمة الله وبركاته
احب اعرض على حضرتك خبرتى فى السيارة انا معايا اوبل كورسا 1600 موديل 2007 يعنى بقالها معايا 7 سنوات تقريبا وان شاء الله اقدر افيدك فيها
1- السيارة بصفة العامة الحمد لله كويسة جدا بالنسبة للسيارات اللى فى فئتها زى الفيرنا والدايو
2- تسارع السيارة ممتاز الحمد لله وجراية وتجيب ال 160 مرتاح انا عن نفسي جيبت بيها 185 وكنت مرعوب بصراحة.
3- ثبات السيارة كويس لحد 125 تقريبا وبعد كده عادية جدا يعنى حاول متجريش بيها اوى خاصة انك معندكش فرامل abs ونظام التعليق عندك عادى مش متطور اوى
4- الفرامل كويسه لحد 120 برضه بعد كده بتبقي فيها شئ من الخطورة زى معظم العربيات اللى مفهاش abs انما طبعا فراملها احسن من الفيررنا والدايو
5- تكييفها ماشاء الله حلو اوى مش عايز كلام
6- قاعدتها مريحة فى الامام انما الكنبة ضيقة شوية
7- ناشفة شوية فى المطبات لكن ماشاء الله بتستحمل الطرق بتاعتنا
8- قطع غيارها معقولة طبعا فى التوكيل اغلب قطع الغيار مولعة انما فى المحلات معقولة جدا وحقولك بعض القطع اللى جبتها
تيل امامى 185 وده نوع نضيف وبيعد معايا حوالى 10 شهور او 9 الاف كيلو وانا فراملى وحشة جدا كمان وكل شوية بدوس فرامل فجأة ادعولى ابطل العادة دى / والتيل البرازيلى فى التوكيل 250 تقريبا والالمانى 375
طنابير امامى جبتها ب 350 الطنبورتين ونوعهم حلو ومفهمش مشاكل الحمد لله انت بس خد بالك ومتجيبش عليهم مايه وهما سخنين عشان حتى لو هما المانى حيبوظوا
فلتر هواء 55 فلتر بنزين 55 فلتر زيت 40 بيجوهات 130 ال gm بتوعها ويعدوا حوالى 20 الف كيلو
سلوك بيجوهات 200 وانا غيرتهم بعد حوالى 73000 كيلو عشان جيه عليهم ميه وبقوا يعملوا شرارة
طلمبة بنزين كورى 150 سير كاتينه 110 وتمنه فى التوكيل 185 تيل خلفى 190 ديسك واسطوانة 750 وممكن يكون فى ارخص
وجبت برضه قبل كده بطاحه وبيضة مقص وجلبه وكان سعرها فى الحنين مش غاليه يعنى
وش سلندر استيراد 1000 ماكينه كاملة حوالى 6000 او اقل شوية فلتر تكييف 70
وعايز اقولك ان فى حاجات كتير فى الدايو زى الاوبل كورسا منها وش السلندر وطلمبة البنزين وحاجات تانية مش فاكرها
9- العربية صاجها ماشاء الله قوى ومحمل
10- صوتها مش عالى
11- استهلاكها على الطرق السريعة كويس جدا انما داخل البلد استهلاكها عالى بس مش اوى يعنى مثلا اللتر داخل البلد يمشيك 7 كيلومتر وعالسريع من 10 الى 11.5 كيلومتر
12- العربية سهلة جدا اى حد يشتغل فيها مش معقدة وده لان التكنولوجيا فيها مش عالية
13- سعر اعادة بيعها مش حتخسر كتير فيها لانها اصلا مش غالية وبيعها حيبقي زى الالمانى تقيل شوية
14- العربية غيرت لها ديسك واسطوانة بعد 40 الف كيلو وده كان لخطأ منى لانى كنت بسند برجلى عالدبرياج غصب عنى
وان شاء الله لو افتكرت حاجة تانى حبقي اكتبها ليك واتمنى انى اكون افادتك كويس

واضح انك عشره قديمه معاها فعلا معلومات قيمه بس ليا سؤال ايه هيا عيوبها الي انت لاحظتها و ايه الي اخلي بالي منه وانا بشتري العربيه دي ة شكرا علي معلوماتك القيمه

المشاركة الأصلية كتبت بواسطة ironhead

معلش مش هقدر افيدك عشان كنت بتعامل مع مركز معتمد وبشترى دماغى, بس اظن ان ليها ميكانيكيه متخصصين فيها

ممكن تقلي اسم المركز و ايه الي انت روحت تعمله هناك و اسعار قطع الغيار الي غيرتها