الموضوع: عربية في حدود 15000؟

هى موديل 79 وزى ماقولت لحضرتك هى رشه دواخل وخوارج ومتعدله (اللى هى فى الصور فى اول الموضوع)
يعنى ينفع اركبلها تكييف ولا هيتكلف جامد ؟

طب بالنسبه لورق العربية اعمل اية علشان ابقة فى السليم وخصوصا ان رخصتها منتهيه من 5 شهور

هى الصور اللى فى الاول ظاهرة ليك ياباشا ؟ وتقدر تحدد جنوطها ؟



ولو هجبها فبريكه دواخل اقدر اعمل نفس التعديل اللى فى الصورة ويتكلف كام تقريبا لو عملته انا ؟؟

يبقى ده الموديل العادى مش الطيارة هى العربية جميلة جدا وشكلها نضيف
بالنسبة لحوار التكيف راجع الموضوع ده هو للشاهين بس فيه ملخص رغى سنين
http://www.nilemotors.net/Nile/1343-1400.html
افضل انواع التكيف اللى بيركب ساندن اليابانى وده له فرع توكيل تركيبات
العنوان 62 شارع النصر المعادى الجديده ، بجوار سيراميكا كليوباترا
ممكن تبقى تاخد العربية دى وتروح تسال كده عن التكلفة والكمبريسور وكل حاجة هتركب
بالنسبة لحوار لوالرخصة منتهية ، هنا لازم البائع يحضر لك مع شهادة براءة الذمة شهادة بيانات حتى تتمكن من التسجيل ، وعندها ينبغي أن تقوم بإجراءات الفحص الفني ونقل الملكية على الفور .
مع العلم أن نقل الملكية يستلزم إبلاغ إدارة المرور التابع لها السيارة أولاً ، ثم إجراء الفحص الفني في المرور التابع له سكن حضرتك ، وينتقل الملف في حوالي يومين .
ملحوظة : لا تحاول شراء السيارة بتوكيل تحت دعوى عدم دفع رسوم التسجيل ، فالتوكيل يبقي السيارة في ملكية صاحبها ، وفي كل الأحوال ستضطر إلى دفع رسوم التسجيل مرة أخرى عند نقل الملكية ، وإذا دعتك الضرورة إلى التوكيل ، ينبغي أن تستلم السيارة بورقة استلام ، كما ينبغي أن تذكر في التوكيل عدم أحقية البائع في إلغاء التوكيل إلا بموافقة الطرفين
يعنى فى شوية تعريفات مهمة لازم تعرفها الاول
- عقد بيع ابتدائى :
مكانة : يتم شراءوة من احدى المكتبات و خاصة القريبة من المرور
وظيفتة : حفظ الحقوق المبدئية لكلا الطرفين البائع و المشترى
بياناتة : جميع البيانات الشخصية لكلا الطرفين بإلاضافة إلى بيانات السيارة موضوع العقد و المبلغ المتفق علية و طريقة الدفع

عقد مسجل فى الشهر العقارى :
مكانة : يتم شراءوة من الشهر العقارى فقط
وظيفتة : حفظ الحقوق الدائمة لكلا الطرفين البائع و المشترى وخاصة المشترى
بياناتة : جميع البيانات الشخصية لكلا الطرفين بإلاضافة إلى بيانات السيارة موضوع العقد و المبلغ التقديرى لبيع السيارة

توكيل بيع سيارة :
مكانة : يتم شراءوة من الشهر العقارى فقط
وظيفتة : : حفظ الحقوق الدائمة لكلا الطرفين البائع و المشترى وخاصة المشترى
يعتبر مستند ملكية للسيارة يجب على المشترى الاحتفاظ بة (حتى نهاية ترخيص السيارة بأسم المالك المثبوت عليها حالياً )
بياناتة : جميع البيانات الشخصية لكلا الطرفين بإلاضافة إلى بيانات السيارة موضوع البيع

طريقة الدفع
1- عربون و الباقى عند التخليص بدون استلام السيارة الان
2- تبقية مبلغ بسيط عند التخليص مع استلام السيارة الان
3-عمل توكيل للمشترى و استلام و تسليم سواء باستلام السيارة او تأجبل استلام السيارة مع استلام التوكيل

4- تخليص فورى بالكامل واستلام السيارة فور التعاقد

طرق البحث عن سيارة
تحدد طريقة البحث عن سيارة فى طريقة و مدى التمسك بدقة الاجراءات و توقيتاتها و ترتيبها ..فا بالطبع كل طريقة ولها ملابستها و ما تراة مناسباً لها من حيث الاجراءات و تتوقف ايضاً على ظروف الشراء و نمط البائع . كما يوصى بإتخاذ الحرص و تطبيق كافة الاجراءات مهما كانت درجة المعرفة او الصلة بالبائع او الثقة فى عملية الشراء.
اعلانات الصحف -السوق - اعلانات الانترنت -معرفة او صديق

حقوق البائع
1- يحق للبائع رفض اى نوع من الكشف على سيارتة بواسطة اى فرد غيرك سواء كان ميكانيكى او الذهاب الى محطة بنزين لرفعها او اختبار كبس الموتور او الذهاب الى التوكيل او غير ذلك ..دون ان ينقص ذلك من مصداقية البائع او جودة السيارة انما هى حرية شخصية فيما يراة البائع من محافظة على سيارتة التى مازالت فى حوزتة الى تلك اللحظة ... و ما عدا ذلك يتم بالاتفاق و التراضى بين الطرفين

2- يحق للبائع طلب السعر الذى يراة مناسباً لسيارتة مهما كان مرتفعاً وعلى المشترى ان يجد ذلك مناسباً او لا دون الاعتراض او التقليل من شأن التسعير الذى و ضعة البائع خصوصاً إذا اعلن البائع عن السعر النهائى فى سيارتة
3- يحق للبائع رفض تجربة السيارة (التحرك بها) من قبل المشترى ... ... و ما عدا ذلك يتم بالاتفاق و التراضى بين الطرفين
4- يحق للبائع اخذ نسحة (صورة ) من ورق انتقال الملكية و ايضاً البطاقة الشخصية للمشترى الجديد و خصوصاً فى حالة البيع بتوكيل

5-يحق للبائع تحديد طريقة انتقال الملكية للمشترى مع بيان ذلك وتوضيحة قبل المضى فى إجراءات المعاينة و المشاهدة للسيارة
6- للبائع الاولوية فى تحديد طريقة الدفع ما لم تختلف مع وجهة نظر المشترى وعلى كلا الطرفين رسم طريقة و خطوات عملية البيع من البداية و معرفة كل التواريخ و التوقيتات اللازمة و الالتزام بها


حقوق المشترى
1- للمشترى كل الحق فى مشاهدتة و فحص السيارة بالكامل و تجربة كل اجزاء و مكونات و كماليات السيارة (بدون تحريك السيارة )
و ما عدا ذلك يتم بالاتفاق و التراضى بين الطرفين
2- للمشترى كل الحق فى التأكد و مشاهدتة كل من

- البطاقة الشخصية للبائع (واضحة وسليمة )
- رخصة السيارة (تعتبر رخصة السيارة مستند ملكية للسيارة إذا كانت بأسم البائع )
- مستند اثبات الملكية للسيارة (فى حالة عدم وجود رخصة السيارة بأسم البائع )
ويكون هذا المستند اما (عقد بيع مسجل بأسمة ) او (توكيل بيع سيارة بأسمة )
خاص بنايل موتورز فقط
3- يحق للمشترى الانسحاب من عملية الشراء خلال هذة المرحلة دون اى مساءلة من قبل البائع
4- إذا وجد البائع اى تغيير سواء كانت (حالة السيارة العامة -عدد الكيلوات المقطوعة-نقص فى الاضافات و التجهيزات -خلل فى اى من الكماليات - نقص اى من المكونات حتى و لو كانت بسيطة - ......) لحظة استلام السيارة الاستلام النهائى

يحق لة إلغاء عملية البيع و الشراء و تنفيذ ما جاء فى (العقد الابتدائى ) بخصوص عملية الالغاء
5- طلب شهادة مخالفات من البائع حتى وقتة و تاريخة
6- إذا كانت الرخصة منتهية فيحق للمشترى طلب (شهادة بيانات ) من البائع
7- طلب اى اثبتات من البائع كانت بناء على معلومات ذكرها البائع خلال عرضة لسيارتة ..سواء إن كانت عمليات صيانة او اجزاء و مكونات تم استبدالها بجديد

8- جميع ما وجدة المشترى فى السيارة لحظة المعاينة داخل فى اطار ثمن السيارة الاجمالى ..ما لم يذكر البائع خلاف ذلك

أ- خطوات شراء سيارة مستعملة
بطريقة الدفع الاولى
عربون و الباقى عند التخليص بدون استلام السيارة

1- مرحلة الاتفاق على السعر النهائى للسيارة
- يتم الاتفاق على المبلغ الاجمالى للسيارة و يتم تحديد الاتى
- تحديد مبلغ العربون و هو ما يتم دفعة من قبل المشترى لحظة كتابة العقد الابتدائى
- تحديد ميعاد (وقت و تاريخ ) دفع الجزء المتبقى من المبلغ الاجمالى للسيارة . وذلك عند التسجيل الرسمى للسيارة فى الشهر العقارى
2- مرحلة كتابة العقد الابتدائى

يتم ملىء (العقد الابتدائى ) بكامل بياناتة
(اسم البائع و المشترى– العنوان لكلا منهم – رقم البطاقة الشخصية لكلا منهم – بيانات السيارة –رخصة-رقم شاسية-رقم موتور....)
يتم كتابة طريقة الدفع بالتفصيل كما اُتفق عليها مع ذكر التاريخ و المكان
- تم دفع مبلغ (كذا ) وذلك قيمة العربون
- على ان يتم دفع باقى المبلغ (كذا ) فى يوم (كذا ) الساعة (كذا ) – أو امام الشهر العقارى يوم ,,,,,- او عند الانتهاء من باقى الاجراءات

3- مرحلة الشهر العقارى
الذهاب للشهر العقارى فى الموعد المحدد و عمل اما (عقد بيع مسجل) او (توكيل بيع سيارة )
4- مرحلة الاستلام
بعد الانتهاء من اجراءات الشهر العقارى
يتم دفع باقى المبلغ المتبقى من ثمن السيارة الاجمالى
يتم استلام السيارة من البائع وتسليم رخصة السيارة و كامل المستندات الى المشترى الجديد ويفضا تبادل نسخ مصورة من هذة الاوراق لكلا الطرفين .


ملاحظات على هذة الطريقة
- من احدى اكثر الطرق الشائعة و التقليدية فى عمليات البيع و الشراء و تصلح لكافة الظروف
- يتم تسليم رخصة السيارة او (مستندات الملكية ) للمشترى حين تسلم السيارة
- هذة الطريقة مناسبة اكثر فى حالات الشراء من خلال الاعلانات أو عدم المعرفة المسبقة بالبائع

ب- خطوات شراء سيارة مستعملة
بطريقة الدفع الثانية
تبقية مبلغ بسيط عند التخليص مع استلام السيارة الان

1- مرحلة الاتفاق على السعر النهائى للسيارة
- يتم الاتفاق على المبلغ الاجمالى للسيارة
- يتم دفع معظم المبلغ الاجمالى لثمن السيارة
- يتم تحديد مبلغ بسيط للدفع عند الانتهاء من الاجراءات الرسمية لبيع السيارة (الف -اتنين -تلاتة -....)
يتم استلام السيارة فى هذة المرحلة من قبل المشترى
2- مرحلة كتابة العقد الابتدائى
يتم ملىء (العقد الابتدائى ) بكامل بياناتة
(اسم البائع و المشترى– العنوان لكلا منهم – رقم البطاقة الشخصية لكلا منهم – بيانات السيارة –رخصة-رقم شاسية-رقم موتور....)
يتم كتابة طريقة الدفع بالتفصيل كما اُتفق عليها مع ذكر التاريخ و المكان
- يتم كتابة انة تم دفع مبلغ (كذا) فى ساعتة و تاريخة (اليوم )
- على ان يتم دفع باقى المبلغ (كذا ) فى يوم (كذا ) الساعة (كذا ) – أو امام الشهر العقارى يو ,,,,,- او عند الانتهاء من باقى الاجراءات

- يتم كتابة انة تم تسليم المشترى السيارة فى ساعتة و تاريخة
3- مرحلة الاستلام
يتم الاستلام فور توقيع العقد الابتدائى اى بعد معاينة السيارة و الموافقة على الشراء فوراً
4- مرحلة الشهر العقارى

الذهاب للشهر العقارى فى الموعد المحدد و عمل اما (عقد بيع مسجل) او (توكيل بيع سيارة )

ملاحظات على هذة الطريقة
- تستخدم هذة الطريقة احياناً عندما تكون السيارة ذات العديد من التجهيزات و الكماليات سهلة الفك و التركيب و ذلك لضمان عدم تغيير حالة السيارة التى تمت مشاهدتها لحظة البيع و الشراء الاولى
- عندما تكون الفترة كبيرة بين العقد الابتدائى او لحظة (البيع و الشراء الاولى ) و بين الميعاد المتفق علية للآنتهاء من بقية الاجراءات الخاصة بالشهر العقارى وذلك لضمان ثبات الحالة التى تمت مشاهدة السيارة عليها

- تَسلُم العربية لا يعنى ملكيتها و لكن ضمان و تأكد من بقاء الحالة و قت المعاينة فقط لا غير
-يمكن للبلئع الاحتفاظ برخصة السيارة أو شهادة المخالفات لحين الانتهاء من بقية الاجراءات ..تحسباً لأى تغيرات غير متوقعة
-يجب احتفاظ البائع بنسخة مصورة من العقد الابتدائى وفية امضاء المشترى على وقت التسلم للسيارة ونسخة مصورة من البطاقة الشخصية للمشترى

ج- خطوات شراء سيارة مستعملة
بطريقة الدفع الثالثة
عمل توكيل للمشترى و استلام و تسليم

1- مرحلة الاتفاق على السعر النهائى للسيارة
يتم الاتفاق على المبلغ الاجمالى للسيارة
يتم تحديد المبلغ المدفوع الان على اساس
- عربون صغير ….إذا كان التسليم بعد الانتهاء من عمل التوكيل
- معظم المبلغ …...إذا كان التسليم فى هذة اللحظة (الان)

2- مرحلة كتابة العقد الابتدائى
يتم ملىء (العقد الابتدائى ) بكامل بياناتة
(اسم البائع و المشترى– العنوان لكلا منهم – رقم البطاقة الشخصية لكلا منهم – بيانات السيارة –رخصة-رقم شاسية-رقم موتور....)
يتم كتابة طريقة الدفع بالتفصيل كما اُتفق عليها مع ذكر التاريخ و المكان وطريقة التسليم و موعدها

3- مرحلة الشهر العقارى
يذهب البائع للشهر العقارى و معة بطاقة المشترى ولا يشترط وجود المشترى فى هذة المرحلة ..ويقوم البائع بعمل (توكيل بيع سيارة ) للمشترى مع تحديد و مراعاة نمط التوكيل كما سيتم ذكرة لاحقاً .
4- مرحلة الاستلام

- إذا كان (العربون صغير) ... يتم استلام السيارة مع التوكيل اللذى قام بعملة البائع
- إذا تم دفع (معظم المبلغ) ... يتم استلام السيارة الان .......على ان يتم استلام التوكيل لاحقاً و اللذى سوف يقوم بعملة البائع

ملاحظات على هذة الطريقة
يفضل البعض احياناً هذة الطريقة خصوصاً فى حالة البيع (بالتوكيل) وذلك لسهولة خطواتها و عدم اشتراط و جود الطرفين اكثر من مرة
- هذة الطريقة مناسبة فى معظم حالات الشراء و المرتبطة بعمل توكيل

د- خطوات شراء سيارة مستعملة
بطريقة الدفع الرابعة
تخليص فورى بالكامل

1- مرحلة الاتفاق على السعر النهائى للسيارة
يتم الاتفاق على المبلغ الاجمالى للسيارة بدون الحاجة إلى تقسيم المبلغ الى جزئين
2- مرحلة كتابة العقد الابتدائى
يتم ملىء (العقد الابتدائى ) بكامل بياناتة
(اسم البائع و المشترى– العنوان لكلا منهم – رقم البطاقة الشخصية لكلا منهم – بيانات السيارة –رخصة-رقم شاسية-رقم موتور....)

يتم كتابة طريقة الدفع بالتفصيل كما اُتفق عليها مع ذكر التاريخ و المكان و التى سوف تكون دفع المبلغ الاجمالى دفعة و احدة فى ساعتة و تاريخة من نفس اليوم
ويفقد العقد الابتدائى كثير من اهميتة فى هذة الطريقة ...حيث يمكن البداية من الخطوات التى تلية مباشرة ..ولكن بالطبع يفضل عملة اضمن
3- مرحلة الشهر العقارى

الذهاب للشهر العقارى فوراً و عمل اما (عقد بيع مسجل) او (توكيل بيع سيارة )
4- مرحلة الاستلام
بعد الانتهاء من اجراءات الشهر العقارى يتم استلام السيارة من البائع

ملاحظات على هذة الطريقة
هى طريقة نادرة الحدوث احياناً حيث يكون التوقيت احياناً غير مناسب لمواعيد الشهر العقارى الا لو كانت فى الفترة المسائية لة كما انها تتطلب و جود كامل المبلغ مع المشترى لحظة مشاهدة السيارة ...إلا انها من اقصر الطرق بالطبع و اضمنها فى البيع و الشراء لسرعتها و انجازها للعملية كلها خلال و قت قصير .
- هذة الطريقة مناسبة اكثر فى حالات الشراء من خلال السوق او معرفة (صديق)


ملاحظات عامة هامة جداً
العــــقد الابـــــتدائى
1- احياناً يتم إغفال اهمية (العقد الابتدائى ) او عدم اهميتة إلا انة المستند الوحيد الذى يدل على انة كان هناك عملية بيع و شراء تمت او كانت ستتم بين الطرفين (البائع و المشترى ) ولذلك قد يكون لة دور مهم جداً احياناً و خاصة عند حدوث اى مشاكل قبل الانتهاء من الاجراءات الرسمية النهائية

2- من اهم بنودة المبلغ المدفوع و المتبقى
3-يجب كتابة تاريخ و وقت استلام السيارة على ظهر العقد و امضاء كل من الطرفين على هذا الاستلام
4-يفضل تصوير العقد و احتفاظ كل طرف بنسخة منة
5- يمكن وضع شرط جزائى فى العقد موضوع البيع وذلك فى حالة إلغاء عملية الشراء من قبل المشترى فى اى وقت قبل اكتمال بقية الاجراءات وقد يكون هذا الشرط

-إما عدم استرجاع العربون المدفوع مسبقاً
- او دفع مبلغ معين منصوص علية فى حالة عدم إتمام البيع .
رخصة السيارة

تعتبر الرخصة مستند ملكية للسيارة عندما تكون الرخصة بأسم مالك السيارة و يكون هو البائع ..وفى كل الاحوال يجب على المشترى التأكد من كل بيانات الرخصة
- يفضل طبعاً ان تكون الرخصة سارية وذلك من خلال التأكد من تاريخ الفحص المثبوت فى الرخصة

- مطابقة اسم البائع للآسم اللى فى الرخصة فى حالة (رخصة مالك)
- نوع السيارة -موديل سنة - لون - السى سى للموتور
- إذا كانت الرخصة منتهية فيحق للمشترى طلب (شهادة بيانات ) من البائع
- الرخصة المنتهية لها فترة سماح شهر فقط لتوفيق الاوضاع ولا يفضل التنقل بركاب
- إذا كانت هناك توكيلات فى السيارة فيجب ان يتأكد المشترى من الاسم فى الرخصة مطابق لأول اسم فى أول توكيل

- عدم وجود حظر بيع على الرخصة من اى جهة ..وإلا يشترط موافقة هذة الجهة
عقد البيع المسجل فى الشهر العقارى
- يتيح عقد البيع المسجل فترة شهر للمشترى يتم من خلالة نقل الملكية و الترخيص للمشترى الجديد

حالاتة
- إذا وقع المشترى ما يعرف ب ( توقيع مشترى ) يلتزم بهذة المدة (الشهر) لنقل الملكية فى المرور و الترخيص
- إذا لم يوقع المشترى ما يعرف ب ( توقيع مشترى ) يحتفظ بالرخصة الاصلية من البائع لحين قيامة بالتوقيع فى الشهر العقارى (كامشترى ) ويأخذ نفس الفترة السابقة (شهر واحد) ينفذ فية نقل الملكية و الترخيص فى المرور التابع لية . وعلى المشترى فى هذة الحالة حمل هذا العقد مع الرخصة لآثبات ملكيتة للسيارة خلال التنقل بها .


التوكــــــيلات
التوكيل يتم من طرف اول الى طرف ثانى وذلك فى بيع السيارة موضوع التوكيل ..و يمكن ان يتكرر التوكيل من طرف الى طرف اخر بالتتابع بحد اقصى ثلاث توكيلات على ان يتم الترخيص من قيل المشترى الاخير فى هذة التوكيلات

و على هذا على المشترى ان يتأكد من الاتى
- مطابقة الاسم فى التوكيل من البائع الاول مع الاسم فى الرخصة
- فى حالة وجود عدد من التوكيلات يجب مطابقة الاسامى كما هى مذكورة فى تتابع التوكيلات
طرف اول باع للطرف الثانى ...ثم .. نفس اسم الطرف الثانى باع لطرف ثالث ...وهكذا
- مطابقة تواريخ كل التوكيلات و تتابعها

- مطابقة اول اسم فى التوكيل مع رخصة السيارة
- عدم وجود احد الاطراف المذكورة فى التوكيلات ( بسن قاصر) و إلا يشترط تواجد الوصى علية و موافقتة على البيع
- حالة التوكيل او التوكيلات (الورقية ) يجب ان تكون سليمة جداً .. وإلا فى بعض الاحيان قد يطلب موظف الشهر العقارى وجود احد الموكلين السابقين و الحضور ببطاقتة الشخصية
-إذا كان مستند الملكية للسيارة سواء كان ( رخصة السيارة أو توكيل او عقد مسجل) بأسم احد الورثة فلابد من موافقة كل الورثة على البيع وذلك من خلال عمل توكيل لواحد منهم ببيع السيارة

- على المشترى ان يأخذ كل التوكيلات فى العربية من البائع الاخير لة و الاحتفاظ بها لحين و قت الترخيص
-على المشترى ان يحمل على الاقل اخر توكيل فى السيارة لة حيث يعتبر مستند ملكية معة خلال تنقلة بالسيارة

-إذا لم يذهب المشترى مع البائع خلال عمل التوكيل لة ..على المشترى ان يكون على دراية كاملة ببيانات وطريقة اختام و امضاءات التوكيل حتى يضمن سلامة التوكيل المعمول لة من قبل البائع
-المتعارف علية فى توكيل السيارات انة غير قابل للإلغاء إلا بحضور الطرفين .. ولكن يفضل كتابة وربط التوكيل حسب حالتة كالاتى

1- غير قابل للإلغاء إلا بحضور الطرفين
2- يحق لة (المشترى ) البيع لنفسة أو للغير ...يعتبر توكيل مفتوح يحق للمشترى التصروف و البيع كما يشاء فى اى وقت
3- يحق لة (المشترى) البيع لنفسة فقط ...إذا رغب البائع فى ذلك نظراً لطول فترة سريان الرخصة المتبقية و تحديد المسئولية فى شخص واحد بتوكيل واحد ..وذلك بعد موافقة المشترى على هذا الشرط

مرحلة الشـــهر العقـــارى
1- إذا كان المشترى ينوى نقل الملكية الترخيص باسمة بعد الشراء

- يجب عمل عقد مسجل فى الشهر العقارى + امضاء المشترى (شارى )
-إذا تم الشاء بتوكيل يجب على المشترى عمل عقد بيع مسجل لنفسة فى الشهر العقارى
-يجب حضور كلا من الطرفين لمقر الشهر العقارى و تخليص الاجراءات معاَ
2- إذا كان المشترى لا ينوى نقل الملكية فى المرور و الترخيص بأسمة بعد الشراء
يتم ذلك عن طريق الشراء بهذة الطرق

أ- شراء بتوكيل من البائع
ب- شراء بعقد مسجل ولكن دون امضاء المشترى (كاشارى ) خلال مرحلة الشهر العقارى
-وفى هذة الطريقة من الشراء يجب الاحتفاظ بمستند الملكية للسيارة سواء كان
(عقد بيع مسجل ) او (توكيل ) او (عدة توكيلات ) لحين الرغبة فى نقل الملكية فى المرور و الترخيص لنفسة ..مع ضرورة مراعاة فترة سريان الترخيص للسيارة وذلك قبل ميعاد انتهاء الرخصة المملوكة الان

-ليس من الضرورى وجود المشترى مع البائع خلال انهاء الاجراءات فى الشهر العقارى

المستندات المطلوبة من المشترى و التى تتيح لة انتقال الملكية فى المرور و من ثم الترخيص
1- رخصة سارية بأسم المالك الاصلى للسيارة
2- مستندات إثبات الملكية للسيارة

- عقد بيع مسجل بأسمة فى الشهر العقارى
- كل التوكيلات السابقة فى السيارة فى حالة وجود توكيلات
3- شهادة مخالفات حديثة من المرور التابع لية السيارة
4- شهادة بيانات حديثة من المرور التابع لة السيارة فى حالة انتهاء رخصة السيارة
5- صورة البطاقة الشخصية للمشترى

هذه كانت معظم الطرق والاجراءات الشائعة فى خطوات البيع و الشراء بالنسبة للسيارات المستعملة و التى تحتوى قواعد وثوابت غير قابلة للتعديل فيما يختص بالنواحى و الاجراءات القانونية ..اما بقية الاجراءات و الخطوات و اولوياتها او اهميتها او تمسك احد الطرفين بيها هى عملية يحكمها العُرف و التقاليد المتبعة فى عمليات البيع و الشراء و تتم موازنة الامور فيها و تحديدها على حسب ظروف عملية الشراء و نمط كلا من الطرفين و مدى تمسكة بأحد الاجراءات او اهمية و اولوية خطوة عن الاخرى ..

ويتم ذلك كلة فى خلال إطار من الاتفاق و التراضى بين الطرفين على كل خطوة او إجراء دون المساس او التفريط فى حقوق اى من الطرفين

اللى ف الصور مافيهاش جنوط بس شكلها نضيف اهم حاجة خد ميكانيكى وكهربائى وروح افحصها اما حكاية التعديلات دى بسيطة دول شوية اكصدامات وعتب وخلص الحوار اى حد ف الحرفيين او بتاع فايبر يعملهملك وبالشكل اللى انت عايزه والصالون اى سروجى يعملهولك او تروج للجماعة بتوع جينز كار لوطلعت نضيفة يبقى اتوكل على الله فيها

تسلم يااستاذنا ومعلش تعبك معايا وانت بجد انسان محترم جدا جدا

طب حضرتك بالنسبه لانها رشه جوا فيها مشكله اوى ؟ ولازم اعيانها اوى صح ؟
ولا الافضل انى اجيبها فابريكه دواخل بس هل اقدر اعمل نفس التعديل فى شكلها زى الصور ولا مكلف جامد

هو طالب فيها فى حدودا 14 الف فاية رايك فى سعرها ؟ وفى رايى حضرتك هى تساوى كام

ربنا يخليك ياباشا ده من زوقك والله الرش بتاع الدواخل لو طلع على نضافة عشان كان فيها بارومة يبقى خير طلع فيها سمكرة ف الدواخل ورش حوادث يبقى سيبك منها عامة الحوار مش مكلف اوى ف التعديل بس زى ماقولت لمعاليك لو طلعت نضيفة يبقى قشطة اوى على كده عامة التمن ده اللى انا قولته لحضرتك فوق اهه لما قولتلك اخصم اخصم وصلنا لرينج 14 صح بس شوف برده الميكانيكى هيقولك ايه هو الكهربائى وياريت كمان لو معاك فنى دوكو او سمكرى وهو يطلعلك تاريخ العربية دى

المشكله بس انه فى محافظه وانا فى محافظه تانية فالافضل اخد معايا اية فى الاول سمكرى ؟ يشوف الدواخل والرش ولو طلعت تمام اخد تانى يوم ميكانيكى وكهربائى صح ؟
علشان مخدش كله وتطلع مش تمام واخسر فلوسهم لان كل واحد اكيد هياخد مبلغ محترم علشان يجى معايا المشوار دة ويبص على العربية

فاية رايك

اساسا حضرتك مش محتاج الا السمكرى وده المهم المكنة حضرتك ممكن تجربها بنفسك هى والكهربا بس الاضمن هاتهم معاك برده ال 14 الف دول مش قليلين

هو حضرتك عندك حلين اما انك ممكن تطلع على وجيه اباظة توكيلها يدولك تقرير مفصل من يوم ما خرجت من المصنع او تطلع بيها على ا ى بنزينة بترفع زى شل فى الهرم ...كالتكس عند المطار... وفى واحد فى الحى العاشر مدينة نصر عند سوق العربيات
هيدولك تقرير مفصل عن حالة العربية من الدهان للموتور للفتيس للعفشة كل حاجة عن العربية وبتدفع حوالى من 100 الى 150 جنية بس مش عارف ان كانت مضمونة ولا لا اصل ماشفتش الحوار ده عندنا ف المنصورة
وراجع ده ياباشا هيفيدك جدا
http://www.nilemotors.net/Nile/20244-a.html