فين نيسان سنترا الجديده في مصر؟؟

**devil_storm** · 15-08-2013 12:47 PM

كنت في قطر و شوفت موديل جديد نازل من نيسان بينافس الكورلا اسمه نيسان سنترا، فين دي في مصر و منزلتش ليه لحد دلوقتي؟
العربيه شكلها حميل جدا و شبها المكسيما الجديده علي صغير و مبقلهاش كام شهر في قطر و حققت انتشار جامد هناك في وقت قليل جدا
حد يعرف حاجة عن العربيه دي هنا في مصر و هل الوكيل حينزلها في مصر ولا لا و مارهي الاسعار؟

**wella3330** · 15-08-2013 02:09 PM

موجودة شفتها من شهرين في معرض كانت ب 165000

**Haitham G** · 15-08-2013 09:48 PM

يااااااه يا راجل انا كنت بدور انى الاقى عنها اى حاجة خالص مفيش عشان كان لى واحد صاحبى بيفكر يشتريها بس هى مش موجودة غير قليل وخليجى بس منزلتش فى التوكيل ومعرفش ليه وتقريبا سعرها من 165000 الى 170000 ولو حد يعرف تقفيلها ايه ياريت يقولنا

**devil_storm** · 15-08-2013 10:00 PM

العربيه شدتني جدا لما شفتها خصوصا انها شبه المكسيما الجديده معرفش ليه التوكيل منزلهاش مع انها كانت حتبقي منافس قوي في السوق بجد خساره ان توكيل نيسان مجبهاش
في كمان نيسان ميكرا عربيه هاتش صغيره شفتها هناك بس دي معجبتنش مقارنتا بسعرها و مكنتش منتشره هناك
شكل توكيل نيسان في مصر اي كلام و امكانياته علي اده

**Haitham G** · 15-08-2013 10:58 PM

تقريبا زى ما حضرتك بتقول كده هو صاحبى كان معاه التيدا وكانت مريحاه والسينترا امتداد ل البلوبيرد واعتقد عربية كويسة و حضرتك مشفتش القشقاى ولو شفتها ايه رأيك فيها وياريت باقى الأعضاء يفيدونا

**yasserelshakwe** · 22-02-2014 09:55 AM

أنا شفت النيسان سينترا 2014 في السعودية
وعربية كويسة وجيدة وليها سوق جيد جداً هنا
يا ترى العربية دي موجودة في مصر ولو موجودة اخبارها ايه والتوكيل اخباره ايه
برجاء الافادة عاجلاً
والشكر والتقدير للجميع على سرعة الإجابة

**saint2011** · 22-02-2014 11:17 PM

لسه منزلتش وكيل ونتمنى نزولها بسعر معقول ومقبول وهذا غير متوقع عشان توكيل نيسان فى مصر مش فاهم حاجة ولا حاسس بالسوق خالص مبيعات النيوصنى عميت أعينهم فربنا وقعهم فى شر أعمالهم فى تسعير التيدا 165000 جنية مش عارف ليه وأزاى والعربية رقدت ركود السنين تقريبا معدوم وجودها فى الشوارع الحمد لله فنصيحة لحضرتك غيرمفضل أن حضرتك تنزلها مصر مادام التوكيل مش هينزلها عشان الصيانة وقطع الغيار