الضمان

**ALMASHOR** · 15-08-2013 12:58 PM

يا جماعه هو ايه الى يثيت ان عربيتى فى الضمان هو انا اشتريت العربيه من الوكيل فى 6/3/2010 و لم ااخذ معاها اى شى عن الضمان لكن بعمل كل الصيانات فى التوكيل ف كدة فى حاجه ولا لازم يكون معايا حاجه تانيه للضمان و المفروض اعمل ايه مع التوكيل :p

**Lifz_Good** · 15-08-2013 02:27 PM

متابع للأهمية

**Deshahcoka** · 15-08-2013 02:30 PM

كتاب الضمان بتستلمه بعد العربية من فرع الصيانة !

بس اعتقد انتا ابضمان خلص مفروض ي 3 سنين او 100 الف كيلوا :)

بعدين فكك ضمان فكسان اخر حاجة ملوش لزمة و نصابين كل حاجة سوئ استخدام

**ALMASHOR** · 15-08-2013 04:48 PM

هو مش المفروض 100 الف كم او 5 سنين ولا ايه النظام و شكرا للرد

**Ahmed_Adham** · 15-08-2013 04:59 PM

الضمان 5 سنين أو 100 ألف كيلو وبتاخده من المعرض اللي اشتريت منه ومتقلقش كده كده التوكيل بيعرف من رقم الشاسيه حتى لو مش معاك الدفتر بس الافضل انك تسأل في المعرض اللي اشتريت منه ممكن تلاقيهم محتفظين بيه أو حتى رجعوه للتوكيل.

**ALMASHOR** · 15-08-2013 06:00 PM

ما انا اصلا مشترى من التوكيل و مستلم من ابو رواش :)

**Ahmed_Adham** · 15-08-2013 06:02 PM

المشاركة الأصلية كتبت بواسطة almashor

ما انا اصلا مشترى من التوكيل و مستلم من ابو رواش :)

خلاص لما تروح تعمل صيانه اطلب منهم دفتر الضمان.

**ibnmoaz** · 15-08-2013 07:12 PM

يا سبدي وﻻ تشغل بالك انت طالما روحت التوكيل ودخلو رقم الشاسيه علي السستم خﻻص عرفو ان العربية دي بتاعتهم يعني معاها الضمان غير كده مش هيستلمو العربيه اصﻻ غير بفلوس لوا العربيه خليجي مثﻻ ..... انا شاري عربيتي من سنتين ونص ضمان الوكيل وغيرت علبة دريكسيون و كباس تكيف في الضمان ومعيش الدفتر ده كله على السستم وﻻ تروح وﻻ تيجي ..انا عربيتي النترا 2012 .

**ALMASHOR** · 15-08-2013 08:48 PM

الف شكرا والله تعبتكم معايا

**MoH.SaLaDiN** · 15-08-2013 10:10 PM

بص يا باشا المفروض عربيات كيا ضمانها 5 سنوات او 100 الف كم ايهما اقرب بالنسبة للضمان المفروض انك بتستلم كتيب ضمان مع العربية وكده كده لو انت روحت تعمل صيانة فى التوكيل بيكشف على ال vin وبيعرف انها وكيل من رقم الشاسيه بس انا شايف انك من المهم تخلى الضمان معاك وياريت كل ماتعمل صيانة تخليه يسجلهالك فى كتيب الضمان هى حاجات بسيطة بس صدقنى ليها لازمة