انت تفكيرك صحيح
انا سمعت كلام حضرتك وصرفت نظر عن العربية
صاحبتي بقى قالتلي اسالك عن العربيةااي هي شايفاها
هي شايفة 520 موديل 90 تعديل 94....ماشية 154000 كيلو....وفيها الاكصدام الامامي مكسر شوية،،،،
ايه رايكم فيها؟
عرض للطباعة
أولاً بهنيكي علي إنك صرفتي نظر عن العربية دي,, :tumb:
لأنها كانت هتتعبك وتقرفك مشاكل وأنتي مش وش تعب ولف علي الورش والميكانيكة, وأي عربية مسقطة ماتور بسبب أو من غير سبب مش بترجع زي الأول..
والعربية الجديدة اللي بتتكلمي عليها دي أنا مش شايف أنها مناسبة لبنت,
لأنها كحجم أكبر من الفئة التالتة والبلد بقت زحمة عموماً هتقرفك في المشي وفي الركنة وهتبقي تقيلة جداً وهتاكل بنزين أكتر,
وكا قطع غيار نادرة أكتر من الفئة التالتة اللي كنتي بتفكري تجيبيها وأغلي,,
وأي عربية قديمة في موديل ال تسعينات أو أول الألفينات هتطلب منك كل شوية شغل ومصاريف,,
وأنا مش شايف أن الموديلات دي مناسبة ليكي,,
وكمان لأن ال bmw محتاجة ناس فاهمة فيها, لو أي ميكانيكي لعب لك فيها ممكن يعمل لك مشاكل أكتر بدل ما يصلح..
بالنسبة للعربية ال 520 موديل 90 اللي بتتكلمي عليها في واحدة أختا علي كونتاكت كارز عاملة
75 ألف جنية,, بس دي 6 سلندر, يعني أستهلاك بنزين متعب للمحفظة,
وأي عربية أستعمال صاحبها عايز يبيعها بتبقي في الأعلان حمادة, وعلي الطبيعية بتبقي حمادة تاني خالص,,
يعني أنتي بتقولي إن الأكصدام مكسر شوية,, ممكن لما تكشفي عليها في مكان محترم تلاقي أنه كانت طالعة علي رصيف, والأكصدام متلحم بس العفشة عايزة شغل,
أنا كنت شوفت عربية تحفة علي كونتاكت كارز 318 E36
ولما روحنا شوفناها طلعت واخدة حكة في كل حتة, عايزة علبة دركسيون وجوز مساعدين واسطوانة دبرياج,,
فمحدش هنا هيقدر يفيدك للأسف بحالة العربية لأن الأعلان مش بيعبر عن حالة العربية الحقيقة,
ولو متمسكة بالعربية وعايزة تشتري نصيحة تطلعي علي التوكيل مش ميكانيكي وتكشفي هناك,
هوا هيبقي أغلي شوية, بس هيوفر عليكي ألافات هتصرفيها بعد كدا علي التصليح في حاجات مكنتش هتعرفي أنها موجودة عند أي ميكانيكي برة مشي حالك هييص علي العربية ويقولك تمام عشان ياخد منك 100 ولا 200 جنيه.
أنا حاسس أنك نفسك تركبي bmw وحابة الموديلات دي وكل دا جميل وحاجة ترجع لك,
بس أنتي كا بنت المفروض تركبي حاجة متقفش بيكي علي الطريق في الوقت الحالي وظروف البلد دي,
أو تعطل بيكي كل شوية وتدوخي علي ما تلاقي ليها قطع غيار..
ال 75 ألف أو ال 80 ممكن تجيبي بيهم حاجة هاتش باك, تعدي بيها 4 سنين عال أقل من غير ما تصرفي عليها ميلم غير تحطي لها زيت وبنزين وهيبقي علي القد مش زي ال BMW هتاكل بنزين وهتطلب كل شوية مصاريف زي أي عربية قديمة.
أو ممكن لو مش حابة الهاتش باك وعايز حاجة صالون, ممكن تبقي علي البيجو 301 أول فئة عاملة 107 ألف, عربية أوروبي زي ال BMW
الأمان والراحة والثبات فيها عاليين زي أي عربية أوروبي, مش زي الكوري والياباني والصيني,
وتدفعي فيها المقدم اللي معاكي وتقسطي الباقي علي سنة من غير فوايد.
واللي هتدفعيه قسط دا, صديقيني هيطلع نفس المبلغ اللي هتصرفيه علي ال BMW لما تفتح بوقها, وتطلب منك حاجات تتغير كل شوية,
ميزة أي عربية جديدة أنك هتدوريها وتطلعي بيها كل يوم لمدة 4 ل 5 سنين قدام من غير ما تحتاجي تروحي لميكانيكي ولا سمكري ولا عفشجي ولا تعطل بيكي بسبب إن في حاجات عمرها أنتهي فيها زي ما هيحصل مع الموديلات اللي بتدوري عليها.
بص يا افندم انا اصلا بركب بي ام يعني ركبت من اول الفئه 3 لحد فئه 7 سواء موديل قديم او جديد
وركبت كوري وياباني
بس ما لقيتش اي حاجة في ثبات البي ام،،،،دي اول حاجة
بالنسبة لاعطال البي ام والكشف انا عارفاها،،،بس طبعا مش لادق التفاصيل
غير كده انا فلوسي ث70000 ومش عايزة اقسط ولا اربط نفسي باقساط ومش هلاقي غير عربيات تعبانه ومش الماني..وقسط ووجع قلب.
وللاسف لظروف شخصية مش هقدر ازود الفلوس عن كده...ففكرت في البي ام...لحد ما ربنا يفتكرنا بقى
طيب مبدئياً كويس وتمام أنك عندك خبرة فيهم وركبتي كذا موديل,
وأكيد موضوع الثبات في البي أم لا يعلي علية,
بس أنتي لو جربتي عربيات أوربي تانية زي الجيتا والباسات هتلاقيها متقلش حاجة عن الBMW ف الثبات,
وأنا دلوقتي فهمت إن المبلغ اللي معاكي هوا اللي عايزة تشتري بيه, ومش عايزة تقسطي ودا كلام زي الفل,
هقولك علي حجاة تانية في نفس رينج المبلغ دا, وأوروبي وهتديكي نفس ثبات الBMW وراحة الأوروبي وأنتي لما تجربيها هتقدري تحكمي بنفسك بما أنك مجربة كذا فئة من ال BMW
عندك البيجو 307 هاتش بالك, ممكن تجيبي منها حاجة بالمبلغ اللي معاكي وتكون موديل 2007 أو 2008,,
يعني عربية لسه الكابينة بتاعتها وطابلوها وكراسيها بحالتهم, وأدائها وموتورها وسواقتها عمتاً,
علي عكس مانتي هتجيبي حاجة موديل 20 سنة ورا في التسعينات زي ال 520 أو ال 318 ال E36
البيجو 307 بتنزل بكاوتش 205/55R16 وقاعدة العجلات ال Wheelbase بتاعتها صغيرة يعني عاملة زي البطة وثباتها مش هيقل سنة واحدة عن ال بي أم.
غير أنها بتنزل بمثبت ومحدد سرعة, وعربية زي ما قلت لك أحدث موديل 2007 و 2008, ومش هتحتاج شغل كتير لو جبتي حاجة نضيفة, مش هتخسري حاجة لو بصيتي عليها وهيا أشيك وأحلي للبنات, وفي نفس رينج المبلغ اللي معاكي.
http://img2.netcarshow.com/Peugeot-3...llpaper_04.jpg
http://img2.netcarshow.com/Peugeot-3...llpaper_06.jpg
http://img600.imageshack.us/img600/7405/lfhv.jpg
http://img2.netcarshow.com/Peugeot-3...llpaper_10.jpg
http://www.peugeotclub.eu/graphics/g..._2005_02_b.jpg
وقطع غيارها مش غالية فلتر الزيت ب 49 جنية, سير المجموعة ب 113 جنية
التيل قدام ب 400 وشوية, والتيل ورا أخر مرة جبتة كان ب 380 تقريباً من غير الضريبة,
والأسعار دي كلها من التوكيل,,,
ولو مش عايزة هاتش باك, ال SW الكبيرة منها سعرها قريب من دي.
واللي أنا شايفة دلوقتي الصح لو عايزة BMW ولازم هيا,
أنك تدوري علي حاجة فابريكة, أو أستعمال أسرة,, هتتعبي وتغيبي شوية بس هتاخدي حاجة نضيفة مش حاجة تكفرك,
يعني تكون عربية بنت ناس كانت عند أسرة مش بتاعت لعب وتخميس وحركات,
أكيد لو أنتي مجربة بي أم كتير هتبقي عارفة إن العربية المتبهدلة هتتعبك وتبهدلك مصاريف كتير وتفتح بوقها أكتر من العربية اللي كانت بتتعمل زي بنات الناس,
دا رأيي الشخصي, وربنا يوفقك في الأختيار,
ممكن كل يوم تتابعي كونتاكت كارز قسم العربيات المستعملة,
وموقع دوبيزل وإن شاء الله تلاقي الحاجة اللي تناسبك من العربيتين دول,
ربنا يسهل شكرا لردك بس البيجو فرنساوي ومش اد كده..
لو حضرتك لقيت حاجة ابعتلي اللينك
اولاً انا من رأيي بلاش العربيات دي وخليكي في حاجة صغيره وجديدة فعلاً وانا موافق جداً على موضوع الاعطال وخصوصاً في الايام دي
تخيلي لو عطلت بيكي في نص الطريق هتعملي ايه ؟؟؟؟؟؟
لما 2 بلطجية من يومين طلعوا على واحد اعرفوا وسرقوه هو وعربيته وموتهم ورموهم على الطريق !!!!!!!!
شوفي اي حاجة صغيره كده وجديدة او كسر زيرو هتبقى تمام اوي
طبعاً كـHandling الـBMW رقم 1 والموضوع ده قتل بحثاً خصوصاً في الموضوع ده
http://www.nilemotors.net/Nile/373329-bmw-2.html
ثم ان لو هنقارن البي ام بثبات مش هنقارن الا مع اتنين بس "Mercedes و Audi"
واللي ركب الـBMW "خصوصاً لو ربنا كرمه بـSport Line" او ربنا نعم عليه وركب حاجة //M هيعرف الكلام ده خالص في Handling الـBMW فهي رقم 1 بأكتساح على المرسيدس والاودي
انا موافق لو هتشوفي البيجو او الـi10 او picanto او اي عربية صغيره حريمي ظريفه خصوصاً هتعرف تمشي في الزحمة كويس - مش هخاف منها في المطبات لان قاعدة العجلات صغيره ..... الخ
وبعد كده غيري في اي وقت منين ما ييسر الله الامور
انما لو غاوية ثبات وسرعات عالية هم 3 معروفين منهم واحده على جنب رقم 1 وهي BMW وبعدين عندك الاتنين الباقيين Mercedes و Audi ومفيش وجه مقارنة للثبات BMW خصوصاً اللي جرب اللي قولت عليه فوق او ركب حاجة 2013 من البي ام او شاف الـSport Line موديلات 2014 هنا في البافارية في مصر هيتعقد فعلاً :beeangel::beeangel::beeangel::beeangel:
هما عربيتين..الفا روميو ١٥٦ ٢٠٠٣ الفا روميو ١٤٧..ولا بي ام..ولا ثبات ولا االكلام دة...ال٥٦كانت معايا..بعلم بيها علي بي امات ٣١٦ بقي ٥٢٠ ايا كان.!!! وعربية موديل حديث وشيك قوي
اادخلي على .......cars و دوري
بعد ما قريت التعليقات كلها .....
العربية ال 520 ديه من جيل الفئة الخامسة اسمها في عالم البي ام E34 520i
العربية ديه من موديل 87 الي 95 و ما شاء الله تحفة التحفة
عربية عملية جدا من اقوي ما انتجت بي ام دابليو و التكيف بتعها مختلف تماما
عن تكييف الفئة الثالثة --- انا اعرف بنت معاها نفس العربية و مستريحة فيها جدا
ناهيك عن الثبات و القوة و سرعة اعادة البيع
انا شايف ان ده اختيار موفق جدا لان العربية دي لو حالتها كويسة مشكلها بتباه قليلة جدا
نظرا لقوة القطع الخاصة بها سواء في العفشة او في الميكانيكا و ده طبعا ينطبق علي جميع موديلات الفئة الخامسة ....
المبلع الموجود مع حضرتيكم انسب عربية ليه اكييييييييييييييييد ال 520 ديه
و بالمناسبة استهلاك البنزين مرنبط بحالة العامة للسائق و ده لكل موديلات بي ام
سعر العربية ديه لو حالتها كويسة من صاج لصالون ....
موديل 90 - 520 يعني 2000 سي سي من 60000 الي 65000 مش اكتر و لو الماتور 2500 السعر هيزيد
اي استفسار اخر انا تحت امريك