معليش انا اسف : مين بيعمل كوباية عصير زي كدة في مصر !

**Y a r i s** · 16-08-2013 02:05 AM

المشاركة الأصلية كتبت بواسطة yasserelsayad

الدمشقى فى الامريكية 6 اكتوبر جنب سوبر ماركت مروش وقدام قهوة Non smoking
بيعمل زى الحاجات اللى فى الصور بالظبط ومعروف جدا فى سورية وتقريبا هو ابو عبدو اللى فى الصور دا

فين ده ياباشا ده على صف النوران للصرافة كده
اذا كده من بكره الصبح اول ما يفوكو الحظر. هرووح. اجرب. واعملكم تقريررر عنو

تحياتي لسكان اكتوبر جيرانا. واولاد حتتنا :)

**yasserelsayad** · 16-08-2013 02:19 AM

المشاركة الأصلية كتبت بواسطة Y a r i s

فين ده ياباشا ده على صف النوران للصرافة كده
اذا كده من بكره الصبح اول ما يفوكو الحظر. هرووح. اجرب. واعملكم تقريررر عنو

تحياتي لسكان اكتوبر جيرانا. واولاد حتتنا :)

لا يا باشا دا جوا فى الصف اللى كان فيه عمو حسنى .. اسأل انت بس هناك على سوبر ماركت مروش Merwesh وهتلاقى ناس تدلك كتير .. هو بين السوبر ماركت وبين بتاع الكبدة
والراجل زى الفل انا جربته كذا مره

**Y a r i s** · 16-08-2013 02:40 AM

المشاركة الأصلية كتبت بواسطة yasserelsayad

لا يا باشا دا جوا فى الصف اللى كان فيه عمو حسنى .. اسأل انت بس هناك على سوبر ماركت مروش merwesh وهتلاقى ناس تدلك كتير .. هو بين السوبر ماركت وبين بتاع الكبدة
والراجل زى الفل انا جربته كذا مره

ايوه ايوه انا كاني. لمحت واحد هناك كده
اصل كنت هناك نفسي هفتني على كنافة نابولسية من عند حبيبة ... حتى استغربت ان تالت تربع المطاعم كانت قافلة النهردة ... تمام كده ياباشا انشاء الله بكرة الصبح. هروح ادوق واشوف ايه الاخبار عندوا :)
صحيح في واحد قالي ان في بتاع عصير جامد فتح في دايموند مول ... وعمال يحلفلي بعصير البطيخ عندو ... جرب كده وادعيلي ... وتحياتي

**yasserelsayad** · 16-08-2013 02:44 AM

المشاركة الأصلية كتبت بواسطة y a r i s

ايوه ايوه انا كاني. لمحت واحد هناك كده
اصل كنت هناك نفسي هفتني على كنافة نابولسية من عند حبيبة ... حتى استغربت ان تالت تربع المطاعم كانت قافلة النهردة ... تمام كده ياباشا إن شاء الله بكرة الصبح. هروح ادوق واشوف ايه الاخبار عندوا :)
صحيح في واحد قالي ان في بتاع عصير جامد فتح في دايموند مول ... وعمال يحلفلي بعصير البطيخ عندو ... جرب كده وادعيلي ... وتحياتي

اكيد قصده على الراجل اللى عند المدخل بيبيع زلابية باردوا بس مجربتش العصير بتاعه بصراحة

**Elawany13** · 16-08-2013 03:04 AM

المشاركة الأصلية كتبت بواسطة secret-man

السورين مبيعرفوش يعملو حاجه غير الحلويات والاقمشه

اكلهم تحفة بصراحة عندهم شوية مكسرات تاخد العقل
البدنجان المخلل بيعملوه بالفسدق واللوز والفول السودانى
الفراخ بيشوها وبيحطوا عليها صنوبر بتبقى تحفة
نفسهم فى الاكل كله روعة
مش الحلويات بس

**yasserelsayad** · 16-08-2013 03:07 AM

المشاركة الأصلية كتبت بواسطة Y a r i s

عارف ياسكرت باشا كلمتك دي خليتني اسرح وافكر
قلت هو فعلاً معاه حق السوريين. شاطرين في الاكل. والاقمشة والمفروشات والحلويات والمجففات والمخللات ... بس هنا سئلت نفسي سؤال ياترى احنا شاطرين في ايه !! اكيد حاجة. شاطرين فيها ... ومع الاستغراق في التفكير لقيت ان مصر. شاطرة جداً في انتاج. الكشري. اكبر تحية. لكشري زيزوو الي رافع راسنا هو ولهليبو وكشري منجها والتحرير :)

ياباشا ده على مستوى كوباية عصير قصب

كنت زمان بجبها شوووب كبير قاد كده ب ٢٥ قرش واقعد ئئربع فيها واسيب نصها واقول للراجل خلاص مش قادر يقلي حرام كملها علشان الكوباية تدعيلك :)
كان الشوب بربع جنيه والكوباية العادية ب ١٥ ساغ .
النهرده بيدحكو على الناس بكباية محمله متجيش ٣٣٥ ملي ويبعوها ب ١.٥ وياريت تكون ساقعه او حتى لسه معصورة الي تحس انو حط القصب. القديم على الجديد وقلبوا في بعض ويصبلك احلى كوباية. ... ده الي يشلك. مرات تيجي. تشرب الواد يكسل يقوم يعصرلك يقوم البتاعه الاستانليس الي معاه يقوم صاببلك كده القصب القديم. ويشوف هيكمل الكوباية ولا لأ ويقلك معليش بقه كوباية ناقصه بوق يبقالك عندنا بوق عصير قصب .

بس بجد بجد احلى تحيه احلى تحيه لمحل العسكري في امبابة. في شارع الوحدة
الصراحة الراجل عامل شغل ١٠/١٠ والناس برضو امم امم عليه انا بروح امبابة مخصوص بس علشان اشرب منو . راجل مكافح وبيعمل العصير بزمة وضمير .

العسكرى كويس فعلا .. ولو قصدك على لهليبو اللى هناك باردوا عالى اوى بالذات فى الطواجن
عندك اللى بيعمل كوبيات العصير القصب الكبيرة دى وفى نفس الوقت حاجة عالية باردوا واحد فى شارع ابراهيم متفرع من شارع دمشق فى مصر الجديدة الكوباية تقريبا اكتر من نص لتر واسمها كاس العالم :)

دا مكانه
https://maps.google.com.eg/maps?q=30...ed=0CCoQ8gEwAA

وفى واحد فى السوق فى الحى السابع باردوا العصير بتاعه حلو جدا

ودا مكانه
https://maps.google.com.eg/maps?q=29...ed=0CCoQ8gEwAA

**Elawany13** · 16-08-2013 03:07 AM

المشاركة الأصلية كتبت بواسطة #MAAM#

ياعم حرام عليك انا ريقي بيلعب دلوقتي ومش عارف اعمل اية ؟؟!! اتصرف

هههههههههههه
الموضوع ده صعب جدا فعلاً

**yasserelsayad** · 16-08-2013 03:08 AM

طيب عايزين نعمل دليل لـ 6 اكتوبر وننزل فيه المطاعم والمنيوهات .. انا عندى منهم كتير اوى وبيقى حاجة الواحد يقلب فيها لما يكون جعان ولا حاجة

-

الموضوع: معليش انا اسف : مين بيعمل كوباية عصير زي كدة في مصر !

LinkBack

أدوات الموضوع

عرض

-

-

-

-

-

-

المواضيع المتشابهه

كوباية المساعد

 معليش ممكن سؤال ؟ حد شايف الرموز دي 

معليش سؤال على السريع كدة

موقع بيعمل بيعمل براويز لصور الاطفال زى اللى فى الاستوديهات

الكلمات الدلالية لهذا الموضوع

المفضلات

المفضلات

ضوابط المشاركة