الموضوع: سكودا رابيد...ما عليها

المشاركة الأصلية كتبت بواسطة elmkaneeki

كل مشكلتها شكل الكونسول فقط
انما مش هندي...الهندي 2011 فقط واعلي فئة فيها ايرباج واحدة وشكل مختلف خالص
وسائل امان ....موجود
شكل خارجي.....روعة
موتور...ولا كلمة
كروز كونترول....موجود
تلاجة في التابلوه....موجود
شاشة دوت ماكس....موجود
باركينج سنسور....موجود
جنوط سبور...موجود
العربية دي هتنجح وهتركن عربيات كتير اوي علي جنب ان شاء الله
ارخص عربية كوري فاضية ب 115 الف ..الا لو السنتر لوك كماليات ممكن نتكلم فيها.بتتكلموا في ايه وبتقارنوا ايه بأيه
لو مش عاجبك اعلي فئة...هات اول فئة وبردو فيها شوية وسائل امان ....وب 140 باين

السلام عليكم ياسيدى الفاضل
احنا مش قولنا بلاش تحيز لماركة معينة ونبقى موضوعين
اسم الموضوع سكودا رابيد.....ما عليها وكل مشكلتها كونسول بس!!!!!
وبعدين كل اللى حضرتك كاتبو ده فى اعلى فئة ب 160 الف
العربية مانيوووووووووووول
شكل خارجي.....روعة (من قدام شبه الفابيا ومن ورا فانتازيا )لقد هرمنا من الشكل ده
تابلوه مفهوش اى حاجة قديم جدا
وكل ده لسه ماحدش اشتراها نصبر شوية لغاية من شوفها ماشية فى الشارع ولو انى اشك انها هتعمل مبيعات جيدة
اجو تقبل تعليقى بصدر رحب

المشاركة الأصلية كتبت بواسطة elmkaneeki

تعليق حضرتك حيادي فعلا ...
الاوبل حلوة لو الكلام حز في نفس حضرتك عشان راكب اوبل(مش تريقة للعلم)
الشكل اذواق وكلامي مش فرض رأي
الكلام هنا للمقارنة بعربيات كوري فاضية تفتقر اي عوامل للامان ب 115 و 120 الف ومانيوال بردو
وللعلم محدش له حق يراجع حد في اراءه ومش من حق حضرتك تكلمني عن التحيز والموضوعية
وللعلم معنديس سكودا والله
نورت

انا مجبتش سيرة الاوبل خالص
وانا مقولتش ان شكلها وحش انا قولت شكل اتعاودنا عليه
بالنسبة للمقارنة مع اى عربية تانية معظم العربيات فيها 2 ايرباج
ما ينفعش تقول ان محدش من حقة يراجع حد فى اراءه لان ده منتدى تبادل اراء
انا عارف ان حضرتك معندكش سكودا عشان قريت المعلومات اللى مكتوبة
وانا طلبت من حضرتك انك تاخد تعليقى براحبة صدر

المشاركة الأصلية كتبت بواسطة elmkaneeki

شكرا علي رد حضرتك المحترم واسف لو في كلمة زعلت حضرتك
وان كان بداية كلام حضرتك ضايقني
رأي حضرتك مرحب بيه بدون مهاجمة الرأي الاخر
وشاكر مرة اخري اسلوب حضرتك الراقي

صدقنى انا ماقصدتش انى اضايقك
وبعتذر لحضرتك بشدة على التعليق

المشاركة الأصلية كتبت بواسطة elmkaneeki

لا والله بس الواحد هنا في المنتدي الناس عودته ياخد حقه الاول وبعدين يتفاهم...عشان معظم الناس مش بتوع حوار محترم....علي عكس البعض الي حضرتك منهم.
حصل خير يا فندم والله...قلبك ابيض

حصل خير

1. عربية نازلة بـ option ضعيف جدا بالنسبة لسعرها
2. سعر مبالغ جدا فيه
من 146-160 وكمان مانيوال
ليه يعني
دي فئة الريو وال 301

أُمال الأوتو هتبقى بكام ؟!!!!!!!!!!
هتعدي ال 180 بقى أكيد

3.تابلوه من التسعينات
4.شكل عادي , مش جذاب يعني
5.تكنولوجي قديمة جدا
دي بواقي ال fantasia ,اللي هي أصلا قديمة
الكلام ده كان يبقى مقبول لو سعرها رخيص
بس مش بـ 160 ومانوال