صحيح يامحمد باشا ... اكيد النزله بتاعة المصريه دى علشان موضوع التقييم الجزء الثانى
هيخلص امتى الموضوع ان شاء الله ؟؟
عرض للطباعة
صحيح يامحمد باشا ... اكيد النزله بتاعة المصريه دى علشان موضوع التقييم الجزء الثانى
هيخلص امتى الموضوع ان شاء الله ؟؟
دايما بنتقفش كده :) :) :)
ان شاء الله قريبا جدا
انتظرونا
قريبا يا حافظ باشا انتظرونااااااااااااااااا:) :)
على فكرة انا واولاد خالاتى كلهم بنشترى عربيتنا من المصرية وكلة تمام وانا بتعامل مع مندوب هناك اسمة احمد عفيفى المصرية الى فى المعادى بس كل حاجة عندهم بحسابة يعنى تمشوا اموكم ثم كل العضو الى مكتوب انا متأسفة معتقدتش انة مضبوط يعنى مش من المعقول شركة كبيرة زى دى يجيبوا عربيات مستعملة ومخبوطة ومتصلحة ويبيعوها على انها زيرو لية عاوز تفهمنى ان الشركة دى ازكى شركة فى العالم وباقى الناس والشركات والمعارض اغبية طبعا لاء كلامك غلط ولو عاوز رقم المدير شخصيا معنديش مانع اديهولك انا بتكلم عن تجربة شخصية
مصدقين حضرتك
بس برضه من هنكدب عنينا
محمد ابيزا مكنش لوحده
ده كنا مجموعه
و انا كنت معاه و شاهد علي كل العربيات المخبوطه دي
العربية دي بالذات روحت اتفرجت عليها ايام ما كنت حاشتري ..
ارضية العربية اللي ناحية السواق ( الفيبر و الموكيت ) كانت كلها مخلوعة و اتركبت تاني ...
بطارية العربية يا متغيرة .. يا اما اتشالت و ركبت مكانها واحدة قديمة ..
بلاستيك التابلوة مخربش من كل حته
شنطة العربية ..( مخزن ) لاوراق و ايصالات و هدوم بتوع المبيعات و بتوع النظافة ...
بصراحة ..قمة في قلة الادب
* اضف لذلك ( في فرع مصر الجديدة ) عربية اوبترا ( فزدقي )كان احد الواح زجاج الواجهة اتكسر و نزل بالكامل علي شنطة العربية - ايام ما كانوا بيحطوا العربيات بره
الشنطة بالكامل كلها خرابيش + الاكصدام ..
و برضه اتحطت في المعرض بغرض البيع ..
س سؤال حضرتك ليكي لو اتعلمتي او عاصرتي مراحل سمكرة السيارات و الدق و السحق و الرش الفرن والكلام ده ؟؟؟لو الاجابة لا يبقي حضرتك ازاي حكمتي علي كلامي بأنه غلط؟؟؟ هستفيد انا ايه لما اقول عليهم كده؟؟؟ انا مكنتش لوحدي كان معايا 3 اعضاء تانيين في المنتدي و كلهم فاهمين و مجربين و عارفين يكتشفوا الكلام ده ازاي؟؟؟مش عايز انا لا رقم مدير ولا رقم حد انا ليه عيني اللي بشوف بيها و اعرف اطلع العيب ازاي و لو بصيتي علش مشاركة حسن خليل هتلاقي الكلام متشاف في حته تانية كمان يا ريت بلاش تشكيك بدون ادلة و متقوليش كلامي غلط الا لما تتأكدي
ايمم مع احترامي الكامل لحضرتك و الشركة الي بتتعاملي معاها
بس دي من احقر و اردء شركات مبيعات السيارات في مصر .. مش علشان بتبيع بكم هائل تبقى هي احسن واحدة
و انا كنت متواجد مع الاخ محمد ابيزا و موبايلي مليان صور لسيارات مخبطة و مرشوشة و مفوكوك منها حاجات ميكانيكية و وبوجيهات مرمية في التابلوه الداخلي لنيسان صني و و و وو
تقريبا مفيش سيارة واحدة هناك مفيهاش عيب و في صور تثبت كدة احنا لا حنسفيد حاجة من اننا نقول كدة علي الفاضي احنا اكبر من كدة بكتير .
و لو حضرتك مش مصدقة - اتفضلي زوري المعرض بنفسك اليومين دول و عدي علي السيارات الاتية ان كانت موجودة اصلا :
- سيات كوردوب
- ستريون بيكاسو
- اكسبولجن
-نيسان صني
- فيات البيا
- فولكس فاجن باراتي
- ستريون سي ثري
- اسبرانزا A620
- دايهاتسو سريون
و اتفرجي علي المهازل من الوان دهان مختلفة عن بعضها - فرش داخلي في منتهى القذارة - بواقي اكل و شرب و ملابس الخاصة uniform بالمصرة في احد ادراج السيارة
علبة بويجهات Nissan مرمية في داخل تابلوه نيسان صني
اكصدمات مفارقة سيارات محكوكة و بها بروزات و و و
و تقولولي ناس كويسة ؟؟ دول يبيعوا طرشي احسن !
يا استاذه همسات
الناس اللي بتطلع من المنتدي تروح تتفرج مش غرضها انها تسوء سمعه اي مكان
غرضها انها توضح الصح من الغلط.
و الحمد لله بيبقوا عارفين الفرق كويس بين العربيه اللي معمول فيها شغل و العربيه اللي مش معمول فيها
و المصريه سمعته سابقاه فعلا في الحكايه دي.
و نسيت الابواب اللي بتزيئ
الاشانا بيني و الاكسبلوجن