لا تحديدا بقي يا ستورم الاتنين كانوا بيزيقوا بس باب الالكسبلوجن كان بيطق و احنا بنفتحه:D:D:D:D:D والله العظيم حاجة مسخرة
عرض للطباعة
المصرية دي اساساً احد اكبر نصابي معرض السيارات
ويكفي خداعها للعملاء في الاقساط والعروض الوهمية.
الناس دى بتستهبل دة الواحد بيطلع عين اهلو على ما يجمع حق العربية
وكان ممكن بنص فلوس الزيرو يركب حاجة مستعلمة بس هو فضل يركب زيرو بئا يوم ما يروح يجيب الزيرو يلقيها مطبله ومخربشة والله انا لو هناك وحصل معاايا الحوار حبو يسلمونى عربية متبهدلها انا هنوط فى كرشهم وعملهم فضيحة هناك
انا من كام يوم كنت عند بتاع الدوكو بظبط حاجات بسيطة كدة قالى بس كنت ترش الشنطة قولتلو العربية بوية مصنع يا برنس قالى يا باشا انا بيجيلى عربيات زيرو ورقها عليها وبظبطها وارش جنب ارش كبوت وتروح توقف تانى زيو فى المعرض قولتلو زى اية قالى .................... ولا بلاش زكر اسماء احسن بس كدة انت لما تيجى تجيب زيرو تاخد معاك سمكرى وبالمرة ميكانيكى اهو دة الى ناقص انا برضو سمعت ان فى معرض ........... شال كل الكاوتش من اللبيرتى والسيفيك وركب كاوتش نصر بدل بريدج ستون ( معلوماتى اكيدة ) ....
ممكن يكونوا حاطين العربيات التعبانه للعرض فقط اما التسليم اما من التوكيل او المخزن
اللهم إني صائم بصراحة
هما مش عارفين الواحد علشان يروح عندهم و يشتري عربية جديده بيكون تعب في الفلوس دي قد ايه
بجد حسبي الله ونعم الوكيل فيهم و في اللي زيهم
ويا رجاله نصيحة متشتريش قسط من معرض.. خد قرض من بنك معروف بإن فائدتة كويسة وأشتري كاش من معرض أو توكيل
بدل المعرض فائدتة عاليه و مصاريف لإدارية و عمولة و تأمين إجباري و حظر بيع
أنا بقول الكلام ده لأني شغال في مجال مصرفي (بنك) وطبعا الكلام اللي بيقولوه بتوع المعارض ميدخولش دماغنا لأننا أصل الحاجات دي
aly zayo keda bardo, Samir Rayyan...bardo 3ando el-3arabyat btet5ebet we bysala7ha 3ady gedan we yrga3 ybe3a...lel asaf 3alam ma3andhash dameeeer. !!!! ma3lesh ba2a
استاذ محمد ابيزا انا كنت كتبت قبل كده عن الى بيحصل هناك وده عن تجربه لانى اشتغلت لمدة شهرين هناك
وكنت بروح اصلح سيارات زيرو عند السمكريه وقلت اقبل كده
المصريه شركه غير محترمه ولا يوجد عندهم بائع فاهم هو بيبيع ايه غير ان هما مهمليين جدا فى العربيات المعروضه اللى هي هتتباع بعد كدة للناس .
يعني اللي انا شفته كان صح
انا كنت عايز اشوف عربية رينو لوجان في جرين بلازا
قعدت ادور على واحد منهم لحد ما لقيت واحد اقسم بالله مكانش طايق اهلي
انا فعلا كنت عايز اشوف العربية كلها من ورا وادام والشنطة بس لما لقيت رد الفعل الغريب دا قلت اجربها في معرض تاني ودا فعلا اللي حصل
قلت يمكن عشان رمضان والموظف تعبان في الوقت دا ..يمكن
قلت له انا بستسفر على موديلات الرينو وخصوصا لوجان
بصيت على العربية والله العظيم حالها يحزن من كتر الخدوش انا حسيت ان واحد كان جايب موس وادوات حاد وتفرغ للعربية دي بس انا قلت في نفسي لا دي اكيد بس للعرض
والباب اللي من ادام مكانش عايز يقفل ...!! قلت يمكن عشان بس العرض
طبعا تقسيط بدون فوائد والحوارت اللي كاتبينها في الجرايد دي مجرد جذب ليك عشان تكتشف ما لذ وطاب هناك
دا كان انطباع اولي في زيارتي للمعرض دا وأكد لي انطباع كل الردود اللي هنا بس برضو رغم كل شئ اكيد المكان دا ليه مزايا كتير عشان ينجح واحنا مش عارفينها