الحقونى....الفتيس مات

**rock82egy** · 17-08-2013 09:25 PM

السبلم عليكم ورحمة الله وبركاته

انا تقريبا عندى ماساه فى فتيس العربيه (فيكترا 97 اوتوماتيك)

ابتدت الحكايه النهارده كنت ماشى فى الخليفه المأمون وقلت اخش افول العربيه وكانت غلطه كبيره تقريبا

بعد مافولت ودورت العربيه وجبت ال d الاقى العربيه مبتتحركش لدرجة انى افتكرت انى مش مدور..

المهم اتاكدت انى مدور والعربيه مبتتحركش قمت مدى سنة بنزين لاقيت العربيه نطرت وبدات الحركه..

قلت يافتاح ياعليم وقمت راكن على جمب وقلت انضف فيشة الفتيس (لونها اخضر كده وجمب الموتور)..نضفتها بالاكاى ولا حياة لمن تنادى..

المهم كنت رايح مشوار خلصته وقلت ابص على زيت الفتيس ولاقيته كويس وانا اساسا لسه مغيره كله من شهرين بشل الاسود..

لعبت فى الفيشه دى تانى وهوب لقيت العربيه بقت تتحرك على ال d من غير ماحط سنة البنزين بس لمبة الفتيس نورت والعربيه زى ماتكون على التالت بتتتحرك ببطئ شديد جدا فى الطلعة عقبال مابتجمع ..

الصراحة خفت اقرص عليها فمكنتش بعدى ال 40..

شلت كبل البطاريه وحطيته خمسمية مره ومفيش فايده

انا حاطط ايدى على قلبى ليكون الفتيس طار

حد واجهته المشكلة دى؟؟

**gomgom3** · 17-08-2013 09:46 PM

اعتقد دة selector switch ألي علي الفتيس

**elghrbawy** · 17-08-2013 10:21 PM

انا والله عندى نفس المشكله عندى نتشه ف الغيار لما بجيب ال d او لما احول ع ال r ومش عارف ف اى بس اللعربيه ماشيه يعنى يااااااااريت لو حد عارف المشكله ف اى !! ؟

**Mustafa.moneim** · 17-08-2013 10:53 PM

طب احط مشكلتى على مشكلتكو يمكن حد يدخل يفيدنا احنا التلاتة
انا الفتيس عندى زى الفل على ال nو pو r وd بس لو جبت 1 او 2 او 3 لمبة الفتيس بتنور والعربية بتترج جدا وتبقى مخنوقة ولازم ابطلها وادورها تانى
يارب حد يفيدنا احنا التلاتة ف موضوع الفتيس ده

**rock82egy** · 17-08-2013 11:04 PM

ياريت فعلا حد يفيدنا علشان الواحد مش ناقص يغير فتيس دلوقتى خالص

**medo111** · 18-08-2013 04:10 AM

وانا معاكو ههههههههههههههههههه عندي نفس المشكله بس مع ال r بس لما اكون في مشوار سفر طويل واقف واجيب r احيانا تبقي طبيعيه واحيانا تاخدو بالبنزين نطر

**rock82egy** · 18-08-2013 12:47 PM

عاوزين حد من خبراء الاوبل يرد علينا

**medo111** · 18-08-2013 02:10 PM

واضح ان المشكله دي محدش يعرف حلها بس انا كنت غيرت زيت لنوع كدا تركي حطيته مكان موبيل المشكله تقريبا قلت بشكل كبير بقالي فتره الحمدلله مشفتهاش

**MaaM** · 18-08-2013 02:18 PM

نتشة ولا نطرة
لو العربية بتنطر أول ما تجيب ال d أو r يبقى قنطرة في الاغلب او قواعد موتور
لو العربية بتنطر لما تجيب الـ d أو r بعد سنة بنزين بسببب انها مارضتش تمشي من نفسها يبقى في الأغلب لمبة فرامل محروقة أو معلقة
اما لو لمض الفرامل كلها تمام ومافيهاش مشكلة يبقى معرفش !

الكلام ده بالنسبة لـ اوبل استرا 2003 - 2006

**medo111** · 19-08-2013 05:11 AM

المشاركة الأصلية كتبت بواسطة maam

نتشة ولا نطرة
لو العربية بتنطر أول ما تجيب ال d أو r يبقى قنطرة في الاغلب او قواعد موتور
لو العربية بتنطر لما تجيب الـ d أو r بعد سنة بنزين بسببب انها مارضتش تمشي من نفسها يبقى في الأغلب لمبة فرامل محروقة أو معلقة
اما لو لمض الفرامل كلها تمام ومافيهاش مشكلة يبقى معرفش !

الكلام ده بالنسبة لـ اوبل استرا 2003 - 2006

انت بتتكلم بجد ايه علاقتها انا اه عندي لمبه مش بتنور بس مش اكيد دا السبب