الموضوع: كيف تنظف زيت المحرك من الرايش

طبعا بعد لما عملت قبل كدة موضوعين في قسم المحركات
وكنت زعلان اني نشرتة بعيد عنكم
حبيت اعرض عليكم الاول هنا موضوعي الجديد
وبعدين انشأة في قسم المحركات
وسوف اعرض عليكم ان شاء الله فكرة شوفتها علي النت
وهيا وضع مغناطيس علي فلتر الزيت لجمع الرواسب الحديدية
من ناتج الاحتكاك


وشوف الفديو دة
http://www.youtube.com/watch?feature...&v=CCimcP-i7bY
وبقالي فترة بحاول اتواصل لوضع المغناطيس علي الفلتر
حتي ألهمني الله عز وجل علي هذة الطريقة
وطبعا خلينا متفقين الفلتر اساسا وظيفتة جمع جميع انواع الشوائب مش بس برادة الحديد
بس اكيد في نسبة صغيرة بتعدي من الفلتر
بس الي عاجبني في الفكرة دي هيا تجميع البرادة في مكان واحد مما يجعل الفلتر دائما نظيف
وفكرة التصنيع بسيطة جدااااا وحتكلفك 5ج بس
الادوات المستخدمة
1:مغناطيس سماعة قديم
2:صفيحة منشار
3:قفيز
خطواط التجميع
1:حتفك قلب المغناطيس من السماعة حتجد علي المغناطيس طبقين حديد
حنشيل واحد وحنخلي التاني هما ملزوئين براحة كدة حيفك معاك
2:صفيحة منشار حنضع المغناطيس في منتصفها ونتنيها الي اعلي
وبعدين عند اي سمكري حنلحم صفيحة المنشار في الطبق الحديد الي احنا سبناة علشان تكون العملية محكمة
بس ياريت وانت بتلحم شيل الطبق دة كمان علشان النار حتتلف المغناطيس
3:حنتني طرفي المنشار من الاعلي بحيث انهم يحكمو القفيز مايخرجش
وبعدين توكل علي الله واربطة واتاكد انه محكم وبعيد عن اي مصدر حركة ويكون القفيز في متناول اليد
ونصيحة عامة ياريت تغير الفلتر كل غيار زيت وسيبك من كلام الصنيعية في السوق
وكل فترة هات نوع زيت ذو لزوجة قليلة امشي علية غيار وارجع لنوعك المفضل
وان شاء الله حتنسي صوت الكوستبنات خصوصا والعربية باردة
ودي صورة للحامل بالمغناطيس

ودي صورة وهوا راكب علي عربية اوبل فيكترا

وكل عام وانتم بخير وان شاء الله صحبة عند نبينا محمد صلي الله علية وسلم
ودعواتكم لنا ولكم ولمصرنا الحبيبة