الموضوع: هااااام وعااااااجل : سؤال مهم الى ملاك الفانتازيا واساتذة السكودا

المشاركة الأصلية كتبت بواسطة amrelsaqqa

تمااااام

بالنسبة للفانتازيا بيتهيألى مش مشكلة خراطيم ولا حاجة ، هى دواسة البنزين كهربة (اوالبوابة كهربة ) وزي الـ a4 عادى بس هتلاقى الكمبيوتر بتاع العربية هو اللى عامل الديلاي ده ، وكمان مش عارف ليه حاسس ان فيه مبالغة في كلامك شوية بمعنى ان عندك المشكلة بزيادة، يعنى مفكرتش ان تكون العربية اللى انت جبتها فيها مشكلة فردية فعلا ؟ اصل غريب اوى موضوع انك تدوس كذا سنتى ع البدال على ما يبدأ الار بي ام يتحرك ! .. جرب اركب فانتازيا تانية وشوف كدة

انا فعلا فكرت زيك كدا وقلت يمكن العربية بتاعتي فيها مشكلة بس بسبب دخول رمضان والاحجاث السياسية والحوار دا كله مالحقتش اكشف عليها ف اي حتة ففكرت ان الافضل الفلا على المعارض اللى بتبيع مستعمل واعمل نفسي عايز اشتري وجربت كذا واحدة لقيتهم زي عربيتي بالضبط
موضوع الكام سنتي هي ممكن تكون حاجة نفسية وانا طبعا ماقستهاش انما ف الاساس لازم افعص الدواسة جامد عشان يا دوب تبتدي تتحرك اما موضوع الطلعات الامريكاني والكلام دا تنساه خالص مالا اذا طلعت على ال s ودا اللى انا باعمله دلوقت باطلع على ال S وبافضل ماشي عليها كتير بس صوت الموتور بيعلا وبحس ان دا علط بس عالاقل بيحل المشكلة شوية

المشاركة الأصلية كتبت بواسطة المنسي

دايما لما الواحد بينقل من عربية لعربية بيحس ان فى اختلاف سواء بالايجاب او السلب وعلى سبيل المثال انت جبت عربية a4 موديل 2008 فاكيد حسيت باختلاف بينها وبين اللى قبلها فمن الاخر حاول تستمتع بالعربية وشيل من دماغك وممكن تكون العربية كده فالاول علشان لسه معدتش 1000 كيلو

الاساتذة الافاضل اعضاء سكودا تيم لكم جزيل الشكر على الاهتمام والتوضيح وانا فعلا بحاول قدر الامكان انسى الموضوع لاني من الاخر جبتها ولازم اتعود عليها وزي ما قلت ف تعليق سابق فعلا العربية دي بتكيفني كل يوم اكتر من اللى قبله خصوصا في القعدة والصالون دا غير الفخامة والوقار بتاعها

انا حاليا باتغلب عالمشكلة اني معظم الوقت سايقها عال s او ال مانيوال مود بس مش عارف من الناحية الفنية الحكاية دي ممكن تعمل مشاكل وللا لا