عندي 206 2001 عاملة حادثة كبيرة عشان تتصلح عايزة بتاع 70 الف وطبعا مش هترجع زي الأول.. ف أعمل فيها اية؟؟؟؟ حد يفيدنى فى مسألة نقل ورق العربية على عربية تانية نكون نصين وملحومة...هل دا قاتوتي؟؟؟ ولا لأ؟
سكرا للمساعدة خضراتكم
عرض للطباعة
عندي 206 2001 عاملة حادثة كبيرة عشان تتصلح عايزة بتاع 70 الف وطبعا مش هترجع زي الأول.. ف أعمل فيها اية؟؟؟؟ حد يفيدنى فى مسألة نقل ورق العربية على عربية تانية نكون نصين وملحومة...هل دا قاتوتي؟؟؟ ولا لأ؟
سكرا للمساعدة خضراتكم
ممكن أعرف ليه العربية تتكلف 70 ألف جنية تصليح ؟
دانت بالمبلغ دا تجيب عربية بيجو 206 تانية موديل أعلي 2008 مثلاً ويتبقي لك كمان من 10 ل 20 ألف تصرفهم عليها.!
وأحسن حل تنزل وكالة البلح, وتشوف الناس اللي بتتعامل في البيجو هناك وبتجيب عربيات متقطعة نصين,
بس معتقدش موضوع أنك تنقل الورق من عربية لعربية دا قانوني,
في واحد أسمع الحاج إسماعيل في وكالة البلح, دا بتاع بيجو بس, هتلاقي عنده أنصاص عربيات بيجو كتير, أول ما تنزل الوكالة أسئل علي أسمه وأتكلم معاه في الموضوع دا وهوا هيفيدك وهوا راجل محترم ومهواش بياع كلام زي باقي البياعين اللي هناك.
طب طلما يا باشا العربية القديمة مش نافعة يعني هتجيب نصين وتلحمهم خلاص شوف هيكلفوا كام ونسبة الامان هتبئا فيها كام ولو عوزت تبها والي هيشتريها عرف انها ملحومة هتتباع بكام نصيحة اشتري واحدة استعمال نضيف احلي
الشكر لله, وأكيد العربية مش هتبقي أمنة في الجري لو فكرت تلحمها وهيا جاية نصين,
هوا اللي بيتعمل أنك بيكون عندك هنا شاسية عربية سليم, بس العربية متدغدغة ومقلوبة مثلاً
وبتاخد النصين اللي جاين من برة دول بيكونو نضاف أووي, وبتركبهم علي الشاسية السليم هنا.
غير كدا عشان تجيب نصين وتلزقهم دا مش حل, ومش أأمن,,
وخد رقمة أهو وكلمه برضه وهوا هيفيدك أكتر مني, 01005293860
عنوان المحل في وكالة البلح ورا مبني الخارجية,
أبقي عرفنا هتعمل أيه وهيقولك أيه,
لو الحدثة جامدة, اعرف العربية تمنها كام سليمة و ثمنها كام بعد الحادث و تكلفة الاصلاح قد ايه.
نصيحة لو الفرق 10000 - 15000 اشترى خاجة تانية استعمال سليمة لان التصليح حينعبك و حيكلفك وقت و مصاريف و جهد
و غالبا العربية مش بترجع زى الاول و حجات كتير بتتركب غلط
لو ناوى تجيب نصين يبقى من بور سعيد احسن ويفضل تعمل زى الزميل ماقال تاخد الشاسيه بتاعك وتركب كل حاجه عليه علشان تبقى العربيه تمام لكن نظام التلحيم ده مش عملى وهايخسرك فى البيع كتير
لو رقم الشاسيه سليم في النص القديم بتقطعه وتحطه مكان رقم الشاسيه في النص الجديد وكدة كأنك ماجبتش نص جديد اصلا
والنص الخلفى يتلحم برضه
الفكرة عايزين نعرف ايه اللى سليم عندك في العربية اصلا ؟
هل الكابينة والسقف والقوايم سلام ؟
لو كدة ممكن تفكر في فكرة النص او النصين
انما لو الكابينة والسقف كمان مش نافعين يبقى استعوض ربنا واحمد ربنا انك طلعت منها سليم ، وانت كدة عايز عربية تانية ، او عربية كاملة بس مقصوصة وتتلحم تانى بدقة شديدة في حالة ان رقم الشاسيه بتاعك سليم وتلزق رقم شاسيهك عليها ...
من رأيي تبيع الورق بتاع العربية وتجيب واحدة تانية لانها عمرها ماهترجع تاني زي الاول
متشكر جدا لأهتمام جضراتكم بالمشكلة بتعتي.
شاسية العربية للأسف مش سليم وكمان السقف والكابينة. اللى سليم وش العربية من قدام والموتور وشنطة العربية. (العربية مقطومة من النص) لأنها مخبوطة من الجنب الأيمن بين البابين. زى ماهو فى الصورة
https://mail-attachment.googleuserco...lko6-amIA34Wak
ايوة تمام كدة
انت عندك رقم الشاسيه هو اللى سليم مش قصدى الشاسيه ككل
الرقم بس اللى هو في الغالب بيبقى موجود في سدر العربية قدام ورا التابلوه بالظبط بس في الحوض
الرقم ده لو سليم ممكن السمكري يقطع الجزء الصاج بتاعه ويلحمه في شاسيه تاني استيراد اللى هو هيبقى عبارة عن عربية استيراد مقصوصة 3 حتت وتلحمها
وبكدة مش هيبقى عندك اي مشكلة في الورق لانك هتلزق رقم الشاسيه القديم ع الشاسيه الجديد ويبقى الشاسيه الجديد ده كأنه هو هو القديم قدام المرور
او ممكن تقطع شاسيه عربيتك من قدام (النص القدمانى عندك لو كله سليم مية في المية)
وتركبه على كابينة ونص خلفى استيراد برضه
وكدة هتوفر في الفلوس لانك هتجيب نص خلفى وقوايم وسقف فقط ومش هتقطع وتلحم عند منطقة رقم الشاسيه وهنا وضعك هيبقى اكتر قانونية شوية
مفيش صور ظاهرة على فكرة
حاول ترفع الصور تانى عشان نقدر نساعدك اكنر
وخير ان شاء الله
شوف العربية على كده تجيبلك كام الاول
وشوف العربية على حالتها الاولى كانت تجيب كام علشان تعرف الموضوع له فايدة ولا تخلص منها على حالتها احسن
علي وصفك دا متهيألي وأنها مقطومة من النص أن أفضل الحلول أنك تبيعها لبتوع الأستيراد وحوادث التأمين,
هما بيقطعوها وبيشوفو أيه سليم بينزل تاني السوق علي أنه قطع غيار أستيراد.
لأن بالشكل دا التصليح هيبقي مكلف جدً ومش هيديك نتيجة مرضية في الأخر,, ولا أمان,,,
والأحسن أنك تبيعها علي حالتها دي, واللي هتجيبه تزود عليه وتجيب حاجة تانية بدل ما تصرف عليها فلوس تصليح من غير ما تاخد نتيجة مرضية.
بيع كل الحاجات السليمة في وش العربية بأحسن سعر, وبالتمن اللي كنت قولت هتصرفة علي التصليح هات بيه عربية تانية بعد ما تزود عليه المبلغ اللي هيجي لك منها.
thanksssssssssssssssssssssssss
اقتراح
ايه رأيك لو تبيع الأجزاء السليمة لأعضاء المنتدى بسعر وسط
أنا مبدئياً عندى مشكله فى عربيتى ممكن تخلينى أحتاج لوحدة الكونترول
راي تبعها افضل