الموضوع: حادثة كبيرة بيجو 206 ارجو المساعدة

المشاركة الأصلية كتبت بواسطة leitosr

ممكن أعرف ليه العربية تتكلف 70 ألف جنية تصليح ؟
دانت بالمبلغ دا تجيب عربية بيجو 206 تانية موديل أعلي 2008 مثلاً ويتبقي لك كمان من 10 ل 20 ألف تصرفهم عليها.!
وأحسن حل تنزل وكالة البلح, وتشوف الناس اللي بتتعامل في البيجو هناك وبتجيب عربيات متقطعة نصين,
بس معتقدش موضوع أنك تنقل الورق من عربية لعربية دا قانوني,
في واحد أسمع الحاج إسماعيل في وكالة البلح, دا بتاع بيجو بس, هتلاقي عنده أنصاص عربيات بيجو كتير, أول ما تنزل الوكالة أسئل علي أسمه وأتكلم معاه في الموضوع دا وهوا هيفيدك وهوا راجل محترم ومهواش بياع كلام زي باقي البياعين اللي هناك.

ساباشا ربنا يكرمك على اهتمامك.
لكن تبقى المشكلة بعد ماتجيب النصين وتلزقهم. هتمشي بيها ازاي؟ وورق العربية القديمة هعمل بية اية؟
وبعدين العربية الملحومة هل هتبقى امنة فى الجري وكدا ولا هتبقى مش ثابتة وضعيفة؟؟

المشاركة الأصلية كتبت بواسطة leitosr

ممكن أعرف ليه العربية تتكلف 70 ألف جنية تصليح ؟
دانت بالمبلغ دا تجيب عربية بيجو 206 تانية موديل أعلي 2008 مثلاً ويتبقي لك كمان من 10 ل 20 ألف تصرفهم عليها.!
وأحسن حل تنزل وكالة البلح, وتشوف الناس اللي بتتعامل في البيجو هناك وبتجيب عربيات متقطعة نصين,
بس معتقدش موضوع أنك تنقل الورق من عربية لعربية دا قانوني,
في واحد أسمع الحاج إسماعيل في وكالة البلح, دا بتاع بيجو بس, هتلاقي عنده أنصاص عربيات بيجو كتير, أول ما تنزل الوكالة أسئل علي أسمه وأتكلم معاه في الموضوع دا وهوا هيفيدك وهوا راجل محترم ومهواش بياع كلام زي باقي البياعين اللي هناك.

ياريا لو معاك او تقدر تجيبلى رقم الحاج اسماعيل بتاع الوكالة يبقى جزاك الله كل خير

طب طلما يا باشا العربية القديمة مش نافعة يعني هتجيب نصين وتلحمهم خلاص شوف هيكلفوا كام ونسبة الامان هتبئا فيها كام ولو عوزت تبها والي هيشتريها عرف انها ملحومة هتتباع بكام نصيحة اشتري واحدة استعمال نضيف احلي

لو الحدثة جامدة, اعرف العربية تمنها كام سليمة و ثمنها كام بعد الحادث و تكلفة الاصلاح قد ايه.
نصيحة لو الفرق 10000 - 15000 اشترى خاجة تانية استعمال سليمة لان التصليح حينعبك و حيكلفك وقت و مصاريف و جهد
و غالبا العربية مش بترجع زى الاول و حجات كتير بتتركب غلط

لو رقم الشاسيه سليم في النص القديم بتقطعه وتحطه مكان رقم الشاسيه في النص الجديد وكدة كأنك ماجبتش نص جديد اصلا

والنص الخلفى يتلحم برضه
الفكرة عايزين نعرف ايه اللى سليم عندك في العربية اصلا ؟

هل الكابينة والسقف والقوايم سلام ؟
لو كدة ممكن تفكر في فكرة النص او النصين
انما لو الكابينة والسقف كمان مش نافعين يبقى استعوض ربنا واحمد ربنا انك طلعت منها سليم ، وانت كدة عايز عربية تانية ، او عربية كاملة بس مقصوصة وتتلحم تانى بدقة شديدة في حالة ان رقم الشاسيه بتاعك سليم وتلزق رقم شاسيهك عليها ...