الموضوع: الداستر استفسارات بسيييطة

المشاركة الأصلية كتبت بواسطة eng.octooo

السلام عليكم واية الاخبار ؟

معلش انا عندى سؤال بسيط عن الداستر ال 2014 او ال 2013 ال2 واحد تقريبا

اية اخبار عزل الصوت فيها ؟ والسماعات الى فى الابواب مقاسها كام وهل فيها رف للشنطة يركب علية سماعات ولا مافيهاش ؟؟

اة معلش اخر حاجة هيا بتتلين اول الف كيلو ولا مش بتتلين زى معظم الاوروبى

بالنسبه للسماعات فهي كويسه قوي و مغطيه العربيه كلها و مفيش رف ورا طبعا لان ده من الفروق بينها و بين السيدان علشان يديلك مساحه شنطه كبيره و اللي بيكون موجود هي ستاره بتتركب بالعرض علشان تحجب الرؤيه عما بداخل الشنطه و بتتثبت و تتشال بسهوله و بالنسبه للتليين هي مش بتتلين زي الاوروبي و مفيش صيانه بعد الاف كيلو الأولي و ان كان يفضل برضه ما تقرصش علي الموتور في الاول احتياطي و اول صيانه ليها هي ال ٥ الاف كيلومتر و دي تربيط عفشه و كشف علي السوائل مش اكتر و بتكون مجانيه أما اول صيانه فيها تغيير زيت هي صيانه ال ١٠ الاف كيلومتر و عامه بالنسبه للصيانات بتبقي كل ٥ الاف كيلومتر إجباري علشان الضمان و الفرديه منها مجانيه بينما الزوجيه بفلوس ( يعني ال ٥ الاف مجانا أما ال ١٠ الاف بفلوس وآل ١٥ الف مجانا و هكذا ...)