الموضوع: احتاج سيارة في حدود 25000

ماشاء الله ده حضرتك انتشرت ف المنتدى كل ماافتح الاقى حضرتك عامل موضوع جديد هههههههههه
هو ممكن تجيب ف حدود 25 الف
فيات اونو
دايو ماتيز بس هتزيد برده عن 25 الف
ممكن تشوف الريجاتا
أو لادا 2107 تسعينات رغم أني لا أؤيد أبداً إختيار اللادا عشان خشنة ومتعبة ف السواقة
يا إما تشوف 131 نظيفة تقوم بالواجب
مازدا 323 لو نضيفة برده مش عارف ان كان ممكن تجيب تمبرا ولا لا
برده مش عارف ان كانت الكيا برايد هاتش باك تيجى ولا ازيد
سنة صغيره
ممكن ماروتى الفينات ودى اعتمادية بس صغيره شوية
ممكن تجيب 127 ودى بتبقى مضمونة عن 128 واهى برده قطع غيارها ببلاش ولو تبيعها بعد سنتين ولا حاجة تكون فلوسك زادت شوية يبقى خير برده ولو مستصغرها هات بلونيز بس هتبقى خشنة شوية والدركسيون تقيل زى اللادا بس جرار لو نزلت بيها البحر ماتقولش لا
خلاصة الليلة دى عايز عربية صغيرة معاك البرايد والماروتى و ال127
عايز اكبر معاك المازدا وال 131
المازدا موتورها 1300 سى سى وعلى كبالن
ال 131 موتورها 1600 سى سى وعلى كورونة يعنى استحمال رهيب .تحس انك سايق شاهين بس قديمة شوية ..
رائى الشخصى 131 ان لم يكن لادا .... او بولونيز حالة نضيفة
صلى صلاة استخارة وربنا يقدم اللى فيه الخير ...

عندك حجات كتير فى السعر ده بس المهم انت تحدد عاوز عربيه ل ايه ؟ ( يعنى شبابى ولا عائلى ) (جوه البلد ولا سفر )
على العموم دول تقريبا اغلب العربيات فى السعر ده

سيات ابيزا 93
سكودا فيفورت
سكودا فليشيا
فورد فيستا
فولكس جولف 1 و 2
لادا
شاهين
ريجاتا
فيات اونو
سوزوكى ماروتى( هيكون موديل حديث 2007 - 2008)

تقريبا دول اغلب العربيات ال فى حدود 25 الف وحاله ممتازه

اهم حاجه الاول تحدد انت عاوز العربيه ل ايه

بالتوفيق ان شاء الل

وانا كمان
الفورد فيستا ايه اخبارها ؟؟؟

شوف هيونداى اكسيل هاتش باك ممكن تزيد شوية لو فيها تكييف

ممكن شاهين عائلية
وممكن ماروتي لو عربية جوا البلد
مجرد رأي ..

شاهين هى الاختيار المناسب فى هذه الفئه السعريه

زي ما قلت اني عايزها نضيفة تسافر
و الكل بيقوللي الشاهين في السعر ده تبقي واقعة او يا دوب ماشية و انا محتاج حاجة نضيفة مصرفش عليها

بالنسبة للمازدا قطع غيارها نادرة شوية و انا بدأت احصر الاختيارات بين 131 او ريجاتا او شاهين لو حاجة لقطة ممتازة و جاهزة للسفر بدون مصاريف

حد يقدر يفيدني في الفرق بين 131 و الريجاتا ؟