انا قصدي مش بيفضل على 7 بينزل ويطلع
عرض للطباعة
انا قصدي مش بيفضل على 7 بينزل ويطلع
آه يا باشا وده نفس اللي بيحصل معايا فـ مازدتي اللي فـ مصر ,, وده جانني ,, يعني قبلها بـ سنتين كان معايا الخليجي من الخليج ,, ولم عملت حادثة , جبت التانية من مصر صاحبي بيقولي ما تسمعنا يا عم ,, فـ دست اكسلاتير ,, مع فرق الصوت لقيته قعد يضحــــــــــــــك :36_1_1[1]:
بجد قهرني الموضوع ده
وبصراحة اقصى سرعة جبتها بـ المازدا الخليجي الاوتوماتك كانت 190 على طريق الغردقة وده كان آخرها معايا ,, اخويا بالمانوال جاب 195 بصراحة طرق السعودية تساعدك لحد 250 <<-- طبعا تخص عربيات تانية غير المازدا3
يا راجل التقطيع دة بسب ال cut-off على 7200 و دة حماية للموتور و يمكن مش موجود فى الموديل القديم 2003-2006 و حطوة فى ال facelift 2006 >> الله اعلم ... بس هو موجود عندى فى موديل 2008 و دة لا يعبر باى شكل من الاشكال عن فرق فى قوة الموتور
وللامانة موديل لغاية 2006 كان accelaration from 0-100 --> 11 sec لكن مع ال موديل ما بعد 2006 facelifted عملولوا more restriction for better fuel economy و دة خلاه اقل فى التسارع = 11.2 ث
انت عارف كل شيء قضاء وقدر ,, بس برضه من خاف سلم حرص على نفسك والله ما تستاهل الجري ده كله
ولعلمك انا يوم ما عملت الحادثة العربية اتدمرت تماما ايرباج وكبوت وشنطة وجنب العربية وكانت ليلة والحمدلله اني طلعت سليم لانها من جوا كأمان ماشاء الله
عارف كنت ماشي كام يوميها ؟؟؟؟؟ من 70 الى 80
فـ خلي بالك على نفسك يا بيدو وربنا يديلك خيرها ويكفيك شرها
موضوع التقطيع بتاع الموتور ده لحمايته
أنا معرفش أي حاجة عن المازدا بهذا الخصوص .
و لكن عندي في الجين 2
الموتور بيفصل عند 7500 ......... يعني لو دوست
الموتور يفضل يعلى .......... و يفصل عند 7500 ................... حماية للمحرك علشان ما يدخلش المنطقة الحمراء كتير .
و بعدين يا جدعان أيه الأرقام دي
205 و 190 ...........
أنتو مش خايفين على أرواحكم ؟؟؟؟
أحنا كسبنا أيه لو العربية طلعت حتى بتجيب 500 كم - س ؟؟؟؟؟؟
و لا حاجة إلا أننا :
أستهلكنا بنزين على الفاضي .
بندمر الكبالن .
بنقلل العمر الأفتراضي للزيت و الزيوت عموما داخل المحرك .
بنقلل العمر الأفتراضي للمحرك نفسه بزيادة نسبة التآكل فيه نتيجة للسرعات العالية .
تقليل عُمر أجزاء العربية الميكانيكية بطريقة أسرع .
وضع حياتكم في خطر داهم نتيجة للسرعات دي .
و في النهاية تذكر أن فيه ناس مستنياك تروح البيت ( والدتك - زوجتك - أولادك - أخواتك )
القيادة بالطريقة دي هو أنتحار ........... غير مقصود
تخيل معي سؤال الملى عز و جل لك ............. أنت متهور و قتلت نفسك بإستهتارك ....... ليه ؟؟؟ علشان تثبت ان العربية قوية ؟؟؟ !!!!
ربنا يهدينا جميعا
على فكرة ياجماعة كلام الاستاذ sH@FT مظبوط عن الSIR لانها معايا وعايز اقولكوا الارقام دية عادية جدا بالنسبة ليها يعنى انا قبل طريق المحور مايبقى علية رادار كنت بجيب على الرابع بس 200 كيلو بمنتهى السرعة والسهولة ولما بنقل الخامس وصلت ل265 كيلو والار بى ام كان على 7200 ,فدة عادى جدا وماتستغربوش ,لا الهوندا الsi العادية بتجيب ال220 كيلو واتوماتيك يبقى الsir مانيوال 175 حصان هاتجيب كام ,
يعنى على المحور انا بهدلت جيب شيروكى ليميتد 2009 وفضل يجرى ورايا لحد مااختفى تماما فى المرايا عندى ,وكان فية مية على جانب الطريق هديت من كتر سرعتة اللى جاى بيها دخل فى المية العربية كلها اتغرقت ,وكان واحد واحد بنيو اكسنت كنت بلعب بية على الطريق يعنى كنت اسيبة يعدى اروح جايبة تانى ,وغير بى ام دبليو كان كاتب عليها 325 كانت موديل تسعينات ,وبردة ماعرفش يعدينى ولا شافنى اصلا ,فامحدش يتكلم عن الsir ويصدق عليها اى حاجة تتقال واللى عايز يتاكد يدور ويركب ويشوف ,
وريكورد لسة جايبة من يومين فى نفق الازهر الساعة 1:15 وماكنش فية غيرى انا وعربية واحد بس ,المهم كنت سايق والله على سرعة 180 بالرابع بس طول النفق مانزلتش عن ال180 حتى فى ملفاتة الا عند اخر ملف خدتة بس على 80 وكان اتجاة اللى رايح لوسط البلد ,المهم خدت النفق كلة فى زمن 50 ثانية وحسبناها على الستوب وتش بس الصراحة كنت داخل النفق بسرعة 100 كيلو ومعرفتش انة طولة تقريبا حوالى 3 كيلو ونص الا تانى يوم
المهم بقى المازدا 3 دية تعتبر من اضيق السيارات ال1600 وابطئهم عن تجربة واحد كان فاحت ال1مازدا ماعرفش يعدى من اية تخيلوا .............فيرنا اسرع سيارة فئة ال1600 ممكن تحرج اى عربية حتى لو اغلى منها فى السرعة بس لكن اى حاجة تانية رايحة النار
وعلى فكرة فعلا اخر المازدا فى طريق عادى مستقيم هيبقى 185 ,190
انا ماقارنتش خالص انا برد على الناس اللى شككوا فى كلام sh@ft
وانا عارف طبعا انى لايمكن اقارن مازدا بفيرنا ماينفعش دية حاجة ودية حاجة وانا عارف طبعا ان المازدا ثباتها كويس جدا بس انا بتكلم فى نقطة الماتور بس
والفيرنا بعتبرها عربية بماتور بس من غير اى حاجة تانى
ياباشا ماتغلاش عليك العربية وصاحب العربية
يا جماعه الي عايز يوصل لل200 وهوا ماشي علا الاتوماتيك حيوصل ل 180 بعد كده مش حتعدي معاه وانتا علا السرعه نفسها اقلب العربيه منويل وحتعدي انشاء الله
أنا مش معاك في الرأي دة فرق المانيوال من الاوتو ان انت ممكن تحرق على الغيار تدخل في red zone يعني
ودة هيفرق في التجميع مش top speed خالص فكدة هتجيب 200 اسرع
بس رأيي الشخصي انك تخليها مانيوال وتحرق علي 3 وبعد كدة واحدة واحدة على 4 هتعدي 200 دة لو الطريق نازل والهوا معاك مش عكسك
بالنسبه للناس الي بتسال على التفصيل
صديق ليا كان معاه اوتو 2006 خليجي كان جايبها من اول حد باع مازدا في مصر اسمه حاجه ثابت وكانت بتفصل تفصيله متوحشه
وليها ضمان عنده برضو تقريبا
ليا برضو صديق جابها 2007 تقريبا هيا كانت يا اما من سمارت يا اما من سوسنتا وكانت مش بتفصل كان الاربي ام ينزل على اول الريد زوون ويرجع تاني كانت مش بتفصل
بس العربيتين انا سوقتهم زي بعض بالضبط مكنش في اختلاف في العزم
وبصراحه مهما الناس اتكلمت كل المواقع العالميه بتاكد ان المازدا افضل سياره في فئتها من ناحيه الثبات مقابل الراحه مقابل العفشه الناعمه وبالتالي فهي تعتبر افضل سياره في فئتها من ناحيه كل حاجه الا الموتور وبصراحه مش هيهمني اني اجيب بيها اكتر من 180 حلو اوي اوي اوي
لكن فعلا العربيه دي الوحييده في فئتها الي بتوفر مساعدين ناعميه+ثبات عالي بفضل الاجزاء الصلبه الرائعه المستخدمه في نظام التعليق+راحه ركوب عاليه +متعه القياده الرياضيه فعلا
كل ده مش متوفر غير في مازدا ومننساش برضو ان مع بطء محركها تفضل اسرع من الالماني الاوتو ال 1.6 زي الجيتاو الاوكتافيا
Those what I got in my cars
My City 1300 auto 180kph
Lancer 1300 auto 175kph
Honda Civic SiR 235-237kph
Bmw 318 with 535 engine 240kph
Lancer 1300 manual 195kph
Seat Ibiza 2000 manual 220kph
Toyota Starlet 1300 manual 180kph
Hyundai Elantra auto 180kph
Daihatsu Mira 1000 manual 170kph
Suzuki Maruti 800 manual 140kph
انت بتتكلم على a4 manual لازم تبقى بتجري جدا والاوتو بتاعها كمان جراي جدا
بس ال a5 اتقل جدا ومش بتجري عموما وكمان الجيتا
وعامه الاتنين مازدا كان اخرهم 190 بطلوع الروح فعلا
بس هوه حلو اوي على 170 اخرك تبقى زي الفل مش محتاجه سرعه اكتر من كده
يكفي انك على السرعه دي بتبقى مستريح ثبات فرامل ملفات امان كل حاجه وعربيه اقل من 145
متهيالي معاده صعبه شويه تلاقيها في عربيات تانيه
ال a5 اسرع من الماذدا 3 على السرعات العاليه وعن تحدى
يا جماعه بالله عليكم بلاش كلام بدون تجربه
والله يابو سمره انا جربت ودي النتيجه
المازدا اسرع وارشق بكتير سواء طريق او حتى طلعات
وانا عموما مش بتكلم بدون اي تجربه كله بتجارب
والسيارتين ملك شخص واحد كمان
أنا عندي مازدا 3 أيرو موديل 2008 خليجي وجبت بيها على الطريق الدولي 197والعربيه كانت ثابته جدا بس أنا بصراحه خوفت أحسن تتصعر ومعنى كلمة تتصعر ( في عربيات زي الموستانج والمازدا همه بيكونوا عاملين ليها ليميت في السرعه يعني مش ممكن تقفل العداد لأنها في الحاله دي بتوجه كل طافتها عشان تقفل العداد وفي المقابل كل حاجه تانيه بتفصل زي الفرامل والحاجات دي ) والعربيه دي يكفي إنها عومت على سرعة 160 ولفت تلات لفات حولين نفسها وعرفت أتحكم فيها وتجاوبت معايا وماتقلبتش والله أحسن من الــ bmw
انا مقفل العداد واخرها 195 طبعا طرق الامارات رهيبه وتساعدك جدا بس بعد 3 سنين اخرها دلوقتى معايا 190 بالعافيه وانا مركب لها جنط 17 واطار 225/45/17
طبيعي بعد المقاس ده متجيبش اكتر من 190,
يا راجل 225؟؟؟؟؟؟؟؟؟عريض اوي
لو حطيت جنطها ال 205 هتجيب ال 200 و عن تجربه و تحدي
هقولك على حاجه الشركه قالت ان اخر سرعتها فعلا 176
اول ما اشتريتها جبت بيها السرعه دى وكانت عليها جنط 16 واطار 205/55/16 وجابت 195
تانى حاجه واحد صاحبى معاه نفس السياره وبدون اى تعديل على اطارات وجنوط الوكاله كان زيى بالظبط195 وكمان سرعه العداد بتختلف عن السرعه العاديه من 10 الى 12 كيلو يعنى لو انت ماشى 115 الرادار بيقرا سرعتك 100 عشان كده انا بقولك مقاس الاطار اللى انا جبته مش مأثر هو بيأثر عليه فى الطلعه بس وانا حاسس بكده وانا حاليا بفكر اخلى الاطار 215/45/17 ايه رأيك فى المقاس ده؟
يا باشا انا جبت بيها 200 و عدتها بس بحاجه بسيطه اوي يعني ممكن 205,
و المقاس 215\45 17 هو كويس بس برده عريض,
انا رايي تخليك في مقاس التوكيل و خصوصا ان عربيتك خليجي,
يعني لو اوروبي (موجوده في مصر هي و الخليجي)ممكن تركب ال 215\45 و لو عايز تتاكد من كلامي ارجع للكتالوج.
هتلاقي ان اخر مقاس للخليجي 205\55 16 موتور ال z6
و الاوروبي(ال 1600 ) 215\45 17 موتور ال z6
و الاوروبي (ال 2000 سي سي) 215\40 18 موتور ال RF
و ارجع للكتالوج و اتاكد من كلامي و انا بتحمل مسوليه الكلام ده.
و الله ثم و الله ثم والله (ان شاء الله يعني) لاجيب ال 200 و اصورها و احط صورها في كل قسم في المنتدي.
عربيتك لو مش بتجيب 200 يبقي عشان ماشيه 100 الف كيلو و علي فكره مش مهم المسافات الكتير بس اعذرني حضرتك هلكت العربيه(يعني تعبتها في ال 100 الف كيلو دول),,
مش هقول لحضرتك غير انتظرني
والله والله والله انا مصدقك
بس الجو يمكن يأثر الله اعلم
انا سألتك يا جميل بالمكيف ولا من غيره وبعدين انا جبت الـ 195 بعد شهرين من شراها مكنتش عملت فيها اى تغيير
بالتكييف ولا من غيره
تانى حاجه لازم الوكاله تكتب اخرها 205/55/16 عشان تحس فعلا ان السياره مش متأثره بالتغيير لكن اى سياره فى العالم بتقبل تركب لها جنط اكبر من اللى عليها بنمرتين
سيارتى وهى جديده جابت 195 بدون اى تعديلات
دلوقتى ممكن اجيب الـ 195 بس من غير مكيف
يا جدعان حقكم عليا
تجيب 260 عشان خاطر الحبايب
الفكرة فى الطرق والسرعات دى
ربنا يسترها
محمد بييه انا مصدق و مش لازم تثبت يعنى
عندى تعليق بالنسبة للسرعة القصوى فعلا بتعتمد على حاجات كتير اوى زى :
-----------------------------------------------------------------------
زى درجة الحرارة
الطريق مستوى ولا فيه ميل
الطريق نضيف اوى ولا عادى فيه شوية مطبات هوا
التكييف شغال ولا لا
الحمولة فى العربية
الكاوتش و مواصفاته وحالته
الموتور وحالتو وصيانته
فلتر البنزين
واكيد حاجات تانية انا مش عارفها
هيما باشا انت طبعا صح في اللي قلته,
انا مثلا بغير الزيت كل 3000 كيلو فقط(شل الترا)
و بوجيهات كل 30 الف
فلتر هوا كل 10000
فلتر بنزين كل 30000
زيت و فلتر فتيس كل 30000
و خد من ده علي كل حاجه....
,بس هو قال انه متاكد ان المازدا مش بتجيب ال 200 ؟؟
علي اي اساس بيقول كده؟
انا راكب نفس العربيه و بحيب بيها فوق ال 200(حاجه بسيطه اوي يعني ممكن 205)في طريق السخنه و الساحل
اذا كنت حضرتك يا verynuclear مجبتش غير 195 و العربيه جديده و من غير تعديل يبقي اعذرني ان دي غلطه سواق,,
حضرتك كده مش بتعرف تطلع كل قوه الموتور,,
بظبط زي اخويا..انا و اخويا الحمد لله معانا نفس العربيه و شارينها في نفس اليوم و اترخصو بنفس النمر(ما عدا اختلاف حرف واحد طبعا)
و لما بنجري مع بعض(مش غرز)مش بيعرف يجيبني خالصب بيبقي ورايا بفارق عربيه مثلا بس مش بيعرف يجيبني ولا يعديني..
و اقول لحضرتك كمان دور علي اليوتيوب هتلاقي مازدا 3 1600 ستوك و جايبه 220 !!!!! و اللي بيتكلم سعودي الجنسيه..
علي العموم اعذرني لو كنت دايقتك بس مكنش قصدي,,عشان حضرتك بتكتب كلام و في ناس كتير تانيه بتقراه و بتاخد فكره غلط (انا بتكلم بشكل عام)
اعذرني اخي الكريم,,