لا حضرتك فى كاوتش بيتحمل لحد 300 بس كل واحد واللى بيدفعه :)
عرض للطباعة
طيب انا عاوزة اسالك هي العربية فى المجمل عاملة معاك ايه
مبسوط منها الحمد لله؟ و لو في حاجة ضايقتك فى المازدا 3 ممكن اعرف ايه هي ؟؟
الف شكر مقدما :)
أنا في كل اللي قلته باحسب الطريق من الكارتة للكارتة
والكاوتش بتاعي كود السرعة بتاعه W واللي ترمز لل270 كم كسرعة قصوى
http://www.carbibles.com/tyre_bible.html#speed
والطريق ده من أحلى الطرق اللي مشيت عليها في مصر وثبتت عليها سرعات بكذا عربية
يعني السوبارو كنت مثبت بيها 180-200 طول الطريق
والياريس 160-200 طول الطريق
واللي بيقول ان كله منحنيات فهي كلها منحنيات واسعة
والحمدلله موديل عربيتي معروف عته الثبات
السرعات العاليه خطر جدا يارجاله
انا جبت 210 بنيو النترا
وكانت حوالي 6200 لفه
وفاتح التكييف وشنط ومعايا واحد تاني
وبيتهيقلي انها تقفل واكتر
بس الريكورد بتاعي مش جامد قوي
3 ساعات الا ربع من مرسي مطروح
لو ممكن يا باشمهندس S H @ F T تديلنا تفاصيل أكثر عن التجارب دى علشان يبقى تصور حدوثها أسهل بالنسبة لنا،
يعنى مثلا: RPM بيكون على كام على 250 كم/ ساعة وما بعدها؟
سعة تانك البنزين تكفى وقت أد إيه مع (الثبات) على هذه السرعات؟
الوقت اللى تم فيه قطع إجراء هذه التجارب (عشان تبقى متأكد إن الطريق شبه خالى)؟
السرعة القصوى لسيارتك كام؟
أنا بصراحة مش فاهم المداخلة دي
هو حضرتك جبت بالعربية 210
و لا بتعلق على كلام حد ؟؟؟؟
على العموم تعليق بسيط
السعر ملوش أي دعوة بسرعة العربية
الجراند بونتو ب 95 ألف
و الفيرنا ب 70 الف
و الفيرنا تسبقها ........... و تعدي 200 كمان
ايه اللي دخل السعر في السرعة ؟؟؟؟؟؟؟
بالنسبة للجين 2
أيوة بتجيب 210 .......... و دي صورة للعداد
http://i32.tinypic.com/2gt1amh.jpg
و أنا جبت بيها قبل كدا 190 ............. بس بصراحة حرام
مفيش طريق في مصر و لا في العالم كله أمان أن تجيب عليه أكتر من 150 لو الطريق مليون % ممتاز
و بالنسبة لطرق مصر
أحسن سرعة من 80 لغاية 120 حسب حالة الطريق و حالة المرور
و أزيد من كدا يبقى أنتحار رسمي
أن شاء الله تكون راكب مرسيدس
أحنا كبني آدمين ......... و كمخ بشري
لا نستطيع الإلمام بكل ما يجري حولنا عند هذه السرعات
و محدش يحاول يقنعني بأي حاجة تانية علشان دي حقائق مش كلام بس
أما بالنسبة للمداخلة دي :
فالكلام دي يا أستاذ sh@ft متهيألي مستحيل ......... مستحيل
طيب زي ما الأخوة قبلي حسبوا السرعة و الزمن
طريق العين السخنة 120 كم
علشان تقطعهم في 27 دقيقة
يبقى لازم تكون سرعتك على الأقل 250 كم / س طول الطريق
بغض النظر عن منحينات الطريق
و لجان الطريق من الشرطة و الرادار و بوابات الكارتة
و السرعة دي أستحالة عربيتك تمشي عليها لمدة 120 كم بدون ما يجرلها حاجة ( ده إذا أستحملت تمشي عليها )
لأن العربية متصممة لسرعة معينة
و المسألة مش مسألة كاوتش بس
كاوتش و عفشة و فرامل و مقاومة هواء و مقاومة زجاج و كبالن
و مهما تكون ماركة العربية .......... السرعات دي لازم تقصف عمر الموتور
بالاضافة ان الطريق و المنحينات اللي فيه تجبرك متزودش عن 150 أو 170 بالكتير
أنا أصدق ان العربية تجيب 240 لمدة 5 دقائق أنما أكتر من كدا
دي هاتفكك من بعضها ........... و ده مش كلامي
ده كلام صناع السيارات
لأن زي ما قلت قبل كدا كل عربية و لها طاقة استحمال و طاقة مقاومة لعوامل الطريق
و المحرك هو كمان له طاقة
و لو قارنت الكلام ده بعربيات السباق
أولا هاتلاقيها مواتير كبيرة و تصميمها مخصص لمقاومة الهوا و الكاوتش و كل حاجة
و الأهم انها بتتمرمي في الزبالة بعد سباق أو أثنين لأن مش هاتنفع تسابق بيها تاني
معلش يا جماعة بس أنا مستغرب الأرقام دى شوية لأنى أقصى حاجة سمعتها و الله أعلم بدقتها هى 25 دقيقة من البوابة للعين السخنة و كانت بعبية جاجوار اس تايب (عربية مديرى) وانا كنت مع واحد صحبى فى بورش كايين و خدناها فى 35 دقيقة وكان ممكن اقل بس واحد صاحبنا فى العربية خاف فبطل يعدى 210 لكن الأرقام المكتوبة دى انا اسف مش قادر اصدقها مع احتامى الكامل لصاحب الرد
ممكن يكون حقيقة ياجماعة ... خلاص الموضوع قلب لحاجة تانية كدا