اقتباس المشاركة الأصلية كتبت بواسطة kmatshooo مشاهدة المشاركة
ياجماعة انا جبت بالجين 2 210 وكنت حاسس انى ممكن اجيب اكتر وشديت فى طريق العين السخنة مع سيفك ومعرفش يعدينى الا لما نزلت السرعة وخفت من كتر الجرى وسمعت ان فى حد جاب بالجين 2 220 و230 بس بصراحة مشفتش يعنى الجين 2 بتجرى اكتر من المازدا والسيفك مش معقول ابدا اكيد فى حاجة غلط عربية ب84 الف تجرى اكتر من عربية ب145 الف مش معقول لو الكلام ده صح يبقى لو مؤاخذة السعر الى بتتباع بيه المازدا فى مصر سرقة ومش منطقى ابدا ويعنى هى جت على المازدا ماكله بيسرق العربية الانسر الى ب55 الف ريال فى السعودية لو حطيت عليهم 60% جمرك هتلاقيها 80 الف بالكتير بتتباع هنا ب120 الف وكمان ده وكيل يعنى شريها باقل من سعرها الى بتتباع بيه للافراد فى السعودية دى سرقة علنى
أنا بصراحة مش فاهم المداخلة دي
هو حضرتك جبت بالعربية 210
و لا بتعلق على كلام حد ؟؟؟؟

على العموم تعليق بسيط
السعر ملوش أي دعوة بسرعة العربية
الجراند بونتو ب 95 ألف
و الفيرنا ب 70 الف
و الفيرنا تسبقها ........... و تعدي 200 كمان

ايه اللي دخل السعر في السرعة ؟؟؟؟؟؟؟


بالنسبة للجين 2
أيوة بتجيب 210 .......... و دي صورة للعداد



و أنا جبت بيها قبل كدا 190 ............. بس بصراحة حرام
مفيش طريق في مصر و لا في العالم كله أمان أن تجيب عليه أكتر من 150 لو الطريق مليون % ممتاز
و بالنسبة لطرق مصر
أحسن سرعة من 80 لغاية 120 حسب حالة الطريق و حالة المرور
و أزيد من كدا يبقى أنتحار رسمي
أن شاء الله تكون راكب مرسيدس
أحنا كبني آدمين ......... و كمخ بشري
لا نستطيع الإلمام بكل ما يجري حولنا عند هذه السرعات
و محدش يحاول يقنعني بأي حاجة تانية علشان دي حقائق مش كلام بس

أما بالنسبة للمداخلة دي :

اقتباس المشاركة الأصلية كتبت بواسطة S H @ F T مشاهدة المشاركة
القاهرة -اسكندرية 46 دقيقة
القاهرة - مارينا 63 دقيقة
القاهرة - العين السخنة 27 دقيقة

هوندا SiR 93

فالكلام دي يا أستاذ sh@ft متهيألي مستحيل ......... مستحيل

طيب زي ما الأخوة قبلي حسبوا السرعة و الزمن
طريق العين السخنة 120 كم
علشان تقطعهم في 27 دقيقة
يبقى لازم تكون سرعتك على الأقل 250 كم / س طول الطريق
بغض النظر عن منحينات الطريق
و لجان الطريق من الشرطة و الرادار و بوابات الكارتة

و السرعة دي أستحالة عربيتك تمشي عليها لمدة 120 كم بدون ما يجرلها حاجة ( ده إذا أستحملت تمشي عليها )

لأن العربية متصممة لسرعة معينة
و المسألة مش مسألة كاوتش بس
كاوتش و عفشة و فرامل و مقاومة هواء و مقاومة زجاج و كبالن

و مهما تكون ماركة العربية .......... السرعات دي لازم تقصف عمر الموتور

بالاضافة ان الطريق و المنحينات اللي فيه تجبرك متزودش عن 150 أو 170 بالكتير

أنا أصدق ان العربية تجيب 240 لمدة 5 دقائق أنما أكتر من كدا
دي هاتفكك من بعضها ........... و ده مش كلامي
ده كلام صناع السيارات
لأن زي ما قلت قبل كدا كل عربية و لها طاقة استحمال و طاقة مقاومة لعوامل الطريق
و المحرك هو كمان له طاقة

و لو قارنت الكلام ده بعربيات السباق
أولا هاتلاقيها مواتير كبيرة و تصميمها مخصص لمقاومة الهوا و الكاوتش و كل حاجة
و الأهم انها بتتمرمي في الزبالة بعد سباق أو أثنين لأن مش هاتنفع تسابق بيها تاني