الموضوع: اريد شراء سيارة مستعملة في دمياط

هو بعد اللف هنا وهنا مالقيتش اوتوماتيك ف دمياط بس لو عايزه مانيول فى عربية سوزوكى ماروتى اهى بس ممكن تزيد عن ال 30 بس لسة بحالة المصنع هو مش كاتب تمن ف الاعلان بس كاتب رقمه لو حضرتك تتصلى بيه وتشوفى عايز كام فيها
الاعلان اهه
http://egy.4sedan.com/cars/119143

ودى ف المنصورة بس ب 33 الف بس ممكن تيجى ب 31 او 30 الف بس الشاطر ف الفصال
http://egy.4sedan.com/cars/110040/

بلاش اتوماتيك بالسعر ده علشان هتكون قديمة والفتيس ممكن يضايقك عموما لو اتوماتيك بالسعر ده ممكن دايهاتسو شاريد او كيا برايد لكن الكيا ممكن تزيد شوية ==لو امنيوال يبقى سوزوكى ماروتى علشان يبقى موديل عالى او التو وبرضه لو تقدرى تزودى شوية يبقى اسبرانزا a113

شكرااااااااااااااا علي الردود المفيدة
انا دخلت علي الموقع ولقيت حاجات كتيييييييير ومختلفة يااستاذ احمد.بس مش عارفة اختار.انا كتبت السعر في حدود 25000 علي الموقع وعجبتني شكلا عربية اسمها دايهاتسو ميرا 1999 وخصوصا ان دي الاقرب لدمياط في المنصورة.بس موضوع الفتيس ده مش عارفة عنه اي حاجة.ايه الفتيس ده يااستاذ ابوعمر واثره ايه علي العربية؟
ومعلش اخر سؤال هو انا لو اشتريت عربية من بره دمياط احولها مرور دمياط ازاي؟

الميرا حلوه اوى فيها تكيف ولا لا ؟؟
هى الميرا من وجهة نظرى لو فى ميكانيكى بيفهم فيها غير حلات قطع الغيار اللى انا كاتبها لحضرتك تحت دى يبقى اشتريها على طول غير كده خليكى مع الماروتى
المميزات :
1- سحبها ممتاز
2- أقتصادية فى البنزين
3- سعر ممتاز بالنسبة لكماليتها
4- تكييف قوى رغم إنها 1000 سى سى

العيوب:
1- عدم توافر قطع الغيار
2- عدم توافر الصنايعية إللى بيفهموا فيها كويس
3- ارتفاع اسعار قطع الغيار بالنسبة لفئتها

وعلى فكرة فى ف دمياط محل قطع غيار فيه كل قطع غيار بتاعتها
هو اسمه محمد منيعم لقطع غيار السيارات
وده تليفونه جايز حضرتك تحتاجيه
01224241441
ودمياط كمان
جمال منيعم قطع غيار جديد & مستعمل تليفونه
01002618066
ياريت لو هتخلصى ف العربية الميرا دى الاول اتصلى ببتوع قطع الغيار دوول لو قالولك قطع غيارها موجوده يبقى خير وبركة ولو تساليه بالمرة على الناس اللى بتفهم فيها يبقى تمام مش موجوده يبقى بلاش منها وهاتى سوزوكى ماروتى نفس الشكل الصغير ده بس موديل حديث شوية وقطع غيارها عند البقال وكل الناس بتفهم فيها لبساطة الموتور
بالنسبة للاجراءات اللى حضرتك سالتى عليها
أولاً : افحصى السيارة جيداً ، وتأكدى من عدم وجود أية أمور خفية وده بسيط ارفعيها في بنزينة وينصح أن يكون معاكى سمكري ثقة وميكانيكي ثقة أيضاً
ثانياً : رخصة العربية إما أن تكون سارية أو منتهية .
إذا كانت سارية مفيش مشكلة ، هاتطلعى على الشهر العقاري ، وتكتبى عقد ، وتسجليه ، وهتدفعي رسوم التسجيل التي تختلف حسب الموديل وسنة الصنع وسعة الموتور
السيارة الآن أصبحت في ملكك رسمياً ، خذي الرخصة من صاحبها ، وشهادة براءة الذمة من المخالفات التي يجب أن يستخرجها ليكي قبل الاستلام
لو كان تاريخ تجديد الرخصة قريب ، ستوقعي على عقد البيع ، وبالتالي خلال شهر يجب أن تنقلي ملكيتها في المرور ، وهتدفعي رسوم المرور ، وتغييري النمر ، و هتعمل فحص فني كامل
لو كانت الرخصة باقي عليها سنة أو أكثر ، لا توقعي على عقد البيع ، وامشي بالرخصة القديمة وعقد البيع المسجل وعندما يقترب موعد التجديد هتنقلي الملكية في المرور زى ماانا كاتب فوق اهه
لو كانت الرخصة منتهية ، هنا لازم البائع يجيبلك مع شهادة براءة الذمة شهادة بيانات حتى تتمكني من التسجيل ، وعندها ينبغي أن تقومي بإجراءات الفحص الفني ونقل الملكية على الفور
مع العلم أن نقل الملكية يستلزم إبلاغ إدارة المرور التابع لها السيارة أولاً ، ثم إجراء الفحص الفني في المرور التابع له سكن حضرتك ، وينتقل الملف في حوالي يومين
وألف مبروك على العربية مقدما
نصيحة صغيره : ماتشتريش العربية بتوكيل تحت دعوى عدم دفع رسوم التسجيل ، فالتوكيل يبقي السيارة في ملكية صاحبها ، وفي كل الأحوال ستضطرى كده كده إلى دفع رسوم التسجيل مرة أخرى عند نقل الملكية ، وإذا كانت هناك ضرورة إلى التوكيل ، ينبغي أن تستلمى السيارة بورقة استلام ، كما ينبغي أن تذكرى في التوكيل عدم أحقية البائع في إلغاء التوكيل إلا بموافقة الطرفين بس كده

المشاركة الأصلية كتبت بواسطة طبيبة عيون

شكرااااااااااااااا علي الردود المفيدة
انا دخلت علي الموقع ولقيت حاجات كتيييييييير ومختلفة يااستاذ احمد.بس مش عارفة اختار.انا كتبت السعر في حدود 25000 علي الموقع وعجبتني شكلا عربية اسمها دايهاتسو ميرا 1999 وخصوصا ان دي الاقرب لدمياط في المنصورة.بس موضوع الفتيس ده مش عارفة عنه اي حاجة.ايه الفتيس ده يااستاذ ابوعمر واثره ايه علي العربية؟
ومعلش اخر سؤال هو انا لو اشتريت عربية من بره دمياط احولها مرور دمياط ازاي؟

الفتيس يا فندم ببساطة كده هو ينقل حركة الموتور لتحريك العربية بسرعات مختلفة وده اما بيكون مانيوال يعنى حضرتك بتقلى السرعات يعنى الاول -الثانى -الثالث وهكذا اما الاتوماتيك حضرتك بتنقليه مرة واحدة وهو بقى بينظم السرعات اتوماتيك يعنى حضرتك بتدوسى بنزين وفرامل بس بدون دبرياج
الفرق بينهم ان الاتوماتيك اريح طبعا ومناسب للمناطق المزدحمة لكن عيوبة تكلفة تصليحة عالية فكل العربية ما تكون قديمة بتكون حالة الفتيس مش قد كده وليه متخصصين فى صيانته ربنا يوفقك وتلاقى حاجة مناسبة واحنا مع حضرتك لحد ما تلاقى الحاجة المناسبة

بدات افهم.الحمد لله.جزاكم الله كل خير
مكتوب علي الموقع
مواصفاتها:السعر : 26,000 جنية ناقل الحركة : اوتوماتيك سعة المحرك : 900 سى سى المسافة المقطوعة : 0 الف كيلو
الدقهلية


التفاصيل : السيارة فابريكادواخل ثابتةوناعمةومريحةجدافي السفر رشة برة نظافة كاوتش جدبد التجار والوسطاء يمتنعون


ايه راي حضرتك.هو ده كل الي مكتوب عنها؟



كمان شوفت اعلان تاني بس في القاهرة عن ماروتي بس مش عارفة
السعر : 25,000 جنية ناقل الحركة : اوتوماتيك سعة المحرك : 800 سى سى المسافة المقطوعة : 50 الف كيلو المنطقة : القاهرة

التفاصيل : السيارة حالة شاذة جدا استعمال راقي رخصة باسم المالك منتظرة رد حضراتكم؟

الاتنين كوييسين بس الفتيس الاوتوماتيك بتاع الميرا لو حصله حاجة مش موجود غير ف الحرفيين ف بورسعيد وعند ناس معينين وبتاع الماروتى ده استهبال لان الماروتى مالهاش اوتوماتيك هو اكيد مركب فتيس الدايهاتسوا شاريد بس العربية بتبقى ضعيفة ف السحب وبطيئة والاوتوماتيك ف العربية دى مانزلش ف بالتالى صيانة الفتيس الاوتوماتيك اللى راكب ف الماروتى صعبة لان هى عربيات اللى تتعد على الصوابع اللى ركبت فتيس الشاريد على الماروتى