مشكلة فى سكودا فابيا 2004 - 1200 cc
السلام عليكم انا راجع لوكم انهاردا بموضوع جديد مشكلة حاصلة فى عربيتى اللى بعتز بيها
مشكلتى عبارة عن تكتكة فى الكبالن على العدل بس ومبتكتكش فى الملفات
والتكتكة دى لما بتشتغل على الطريقث العربية كلها بتترج مقدرش اجيب حتى ال 80
انا مشيت بالعربية شهر وفكيت الكبالن وكشفت عاليها لاقيتها سليمة
وفركت العربية بعديها بمعنى كلمة فركتها
لما باجى اعمل الامريكانى فى دبة على الجمب اليمين تحت
سالت ناس قالو قواعد الماتور بصينا عاليها هى فى قعدة طرية لكن مش مقطوعة اللى تحت البطارية
لكن الدبة بتيجى فى الجمب اليمين من تحت كان حد بيضربك بمرزبة من تحت
بصيت على العفشة عن متخصيصين مفيهاش حاجة انا مش مقتنع ان قعدة الماتور لان القاعدة اللى بيقولو بايظة فى الشمال والدبة فى اليمين من تحت
المهم فكرت العربية قوى صوت التكتة راح لمدة 4 شهور والعربية بقت تمام
لكن اليومين اللى فاتو رجعت تانى
وعلى فكرة لما بتبدا تتكتك
مرة تكون فى الكوبلن اليمين ووممكن تنقل على الكوبلن الشمال وانا بجرى ومبتكتكش فى الملفات خالص حتى لو كسرت الدركسيون وامركت بيها وهى مكسور الدركسيون خالص
شوية تشتغل التكتكة وشوية تروح وشوية بحس ان الكبالن هتخرج من العربية خالص من شدة التكتكة والنفض
المشكلة محيرانى جدا
طيب سوال هل لو قاعدة الماتور لو هبطط تكون ريحت الماتور لتحت وبيضغط على الكبالن
وعلى فكرة العربية وانا بظبطلها زوايا قالى انها عايزة زرجين وعملتها طبعا وظبط الزوايا لكن فضلت ترمى شمال بعد ما ظبط الزوايا والزارجين مرتين
فا ايه رائيكو تفكرو معايا شوية ولو حد قابلتو حاجة شبه كدة ياريت يقولى على تجربتو
انا متاكد ان فى حاجة بعيدة عن الكبالن بتاثر على اداء الكبالن
اللى عاندو سكودا فابيا موديل 2004 - 1200 سىسى ياريت يخلع العمة اللى فيها فلتر الهواء
ويصورلى شكل الماتور لانى حاسس ان فى هبوط للماتور سنة صغيرة من ناحية القاعدة اللى تحت البطارية عايز اتاكد دا طبيعى ولا الهبوط دا اللى بياثر على الكبالن
هو هبوط ممكن يكون لا يلاحظ
فى انتظار مشاركتكم العربية دى ممتازة وبحبها جدا ومش عايز اغيرها بس المشكلة دى عجز عنها اكتر من عفشجى وميكانيكى منهم واحد شغال الصبح فى توكيل سكودا
كرم