الموضوع: مشكلة فى سكودا فابيا 2004 - 1200 cc

المشاركة الأصلية كتبت بواسطة engahmedsayed

اولا اهلا بيك هنا فى القسم
ثانيا السيارة الفابيا قليل من يفهم فيها و هى عربية جميلة ربنا يباركلك فيها و يكفيك شرها
سياتك من قرأتى للموضوع
الصوت تكتكتة مش طقطقه علشان تفرق
اخبار الكوبلن الداخلى اية مش الخارجى
و الكوبلن الداخلى بيعمل ربط من الفتيس الى الكوبلن الخارجى
وذيادة و تأكيد لكلامى صح ام خطاء و انتا طالع مطب و مدى غيار التانى بتسمع التكتكة وهى بتطلع المطب
و بعدين الصوت بيختفى و عاوزك عند ظهور صوت التكتكة و انتا ماشى تخلى الفتيس على وضع الموووور فى لاحظتها وشوف الصوت اختفى فى الوقت و الحظة وله لالالالالا
راجع و انا متابع بأهمية ودى شغلة ميكانيكى مش عفشجى فى حالة الكوبلن الداخلى

ربك المستعان
تحياتى لك بالتوفيق

اولا اانا بشكرك على التفاعل وسرعة الرد انا كشفت فعلا على الكوبلن الداخلى سليم مفيهوش حاجة عند اكثر من شخص وفعلا ميكانيكى وعفشجى

المظبات لو مدى غيار التانى او الاولانى مفيش تكتكة بالعكس لو خت مطب شديد الصوت بيروح بعد ما باخد المطب لكن اثناء طلوعى المطب ونزولى منه مفيش صوت
الصوت بيتحول من اليمين للشمال وسعات فى الكبالن الداخلية بردو يمين وشمال

والاول من 5 شهور لما كانت بتكتك كنت امور العربية او ادوش على الدبرياج الصوت يروح
لكن بعد ظهرت المشكلة تانى اليومين دول
اوقات لما يكون المشكلة فى الكوبلن الشمال ادوس دبرياج او امور الكتكة ممكن تزيد وممكن تمنع وعلى شرط فى الطريق لما التكتكة بتشتغل العربية مش بترعش بقى ولا بتغربل لا دى تحس انها بتتزلزل ومقدرش اجيب اكثر من 60 او 80 انا باخد طريق مصر السويس يوميا لانى ساكن فى مدينة بدر وشغلى فى القاهرة فى مطب عند اول باب المدينة لو الصوت شغال طول الطريق وانا جاى والعربية بتغربل اول ما ادخل المدينة واخد المطب على ما بوصل للبيت حوالى 3 كيلو مبيبقاش فى صوت خالص بيتمنع بمعنى اصح
ونسيت اقولك كمان لو العربية مثلا داست على طوبة او على مطب بسمع صوت زى ما يكون ان تيل الفرامل مش ممسوك كويس بس هو ممسوك كويس فى الماسك بتاعو على الناحيتين يمين وشمال الصوت دا كنت بسمعو لما التيل اللى قبليه خلص ولما غيرت تيل جديد راح الصوت لكن التيل مليان الان لسا جديد وبسمع الصوت فى المطبات
انا حبيت اذكر كل حاجة بتفصيل لان اقل التفاصيل ممكن تفيد
والله المستعان
وتحياتى ليك