موقف حصل معايا-مشكلة فى الدوارة سيفيكSi

**م/اكرم** · 18-08-2013 07:21 PM

السلام عليكم اخواتي الهونداويه.......اتمنى تكونوا بخير دايما.....انا من حوالي شهر كنت راكن الجامعه وكنت راكن العربيه ولما طلعت اشغلها....مبتدورش .... بشغل الكونتاك المارش بيلف و العربيه مش عايزة تلقط ابدا.....فضلت ع الوضع دا حوالي خمس دقايق....وبعدين افتكرت ان موقف حصل زي دا مع هونداوي ع المنتدى من شهر وقام هز العربيه والعربيه اشتغلت.....المهم اول ماهزيت العربيه اشتغلت فعلا....دي اول مرة وبعديها رحت مشوار وركنت العربيه وبعد حوالي ساعه بردو حصل نفس الموضوع....بس المرة دي قعدت اهز ف العربيه من قدام ما اشتغلتش....وبعدين جه ف بالي اهز العربيه من عند التانك...اول ما عملت كدا اشتغلت....المهم رحت لكهربائي قالي من البنزين اللي انت حاطه...وانا فعلا كنت حاطط بنزين 90 عشان الازمة اللي كانت مصر بتمر بيها.....المهم قفلت العربيه ودورتها اشتغلت عادي وروحت..... وتاني يوم جيت اشغل لقيت العربيه اول ما بدور الكهربا بتاعت العداد بتتسحب كدا مع المارش بس العربيه بتلقط واشتغلت....فضلت ع الوضع دا لحد ما عملت مشوار بورسعيد ورجعت....وطلعت مشوار ....ركنت وجيت اشغل تاني بردو طلعت عيني على اما دارت....وساعتها كنت حاطط بنزين 92... ساعتها افتكرت كلام كهربائي كنت بتعامل معاه...."اول ما تلقى العربيه مخرفه معاك ...اول حاجه تعملها اكشف ع البطاريه" ..... وبالفعل اول مشوار رحت المنصورة كشفت ع البطاريه وطلعت بايظه.....غيرتها وجبت واحده جديده...والعيب اختفى تماما...... آسف للاطاله ولكن حابب الناس تستفيد....بالاضافه ان زمايلي يحللوا معايا الموقف..وشكرا

**a_arazik** · 18-08-2013 09:23 PM

الف مبروووووووووووووووووووووك

**mopecoolboy** · 22-08-2013 04:06 PM

على فكرة انا العضو اللى بتتكلم علية و لسة المشكلة دى عندى ...بس غالبا مش هتطلع عن كتاوت طلمبة البنزين اللى تحت الدريكسون ..أو الطلمبة نفسها راجع كهربائى شاطر و قولوا على اللى بقولهولك داا

وشكراا انك بتستشهد بياا ههههههه

بس انا لسة المشكلة عندى و رفعتها تانى من كام يوم ..بس انا المشكلة عارف فين بس معالجتهاش صح عشان الكهربائى عملى كتاوت إضافية على كتاوت الطلمبة ...ف بكدة عايز اراجع على كل اللى رايح على الطلمبة و الطلمبة نفسهها قريب

**mopecoolboy** · 22-08-2013 04:07 PM

بس العيب عندى مش فى البطارية خالص

**م/اكرم** · 23-08-2013 06:40 AM

المشاركة الأصلية كتبت بواسطة a_arazik

الف مبروووووووووووووووووووووك

الله يبارك فيك يازيدي :)

**م/اكرم** · 23-08-2013 06:44 AM

المشاركة الأصلية كتبت بواسطة mopecoolboy

على فكرة انا العضو اللى بتتكلم علية و لسة المشكلة دى عندى ...بس غالبا مش هتطلع عن كتاوت طلمبة البنزين اللى تحت الدريكسون ..أو الطلمبة نفسها راجع كهربائى شاطر و قولوا على اللى بقولهولك داا

وشكراا انك بتستشهد بياا ههههههه

بس انا لسة المشكلة عندى و رفعتها تانى من كام يوم ..بس انا المشكلة عارف فين بس معالجتهاش صح عشان الكهربائى عملى كتاوت إضافية على كتاوت الطلمبة ...ف بكدة عايز اراجع على كل اللى رايح على الطلمبة و الطلمبة نفسهها قريب

ياباشا الف الف شكر على حوار الهز دا ههههههههههه....... دورلي العربيه مرتين .........كنت بدعيلك والله

**mopecoolboy** · 23-08-2013 03:23 PM

المشاركة الأصلية كتبت بواسطة م/اكرم

ياباشا الف الف شكر على حوار الهز دا ههههههههههه....... دورلي العربيه مرتين .........كنت بدعيلك والله :c_laugh[1]:

ههههههههههههه ... لا أصل انا عانيت كتير و بقيست كهربائى كمان بسبب العربية بتاعتى دى هههههههه

بس انا عندى المشكلة لسة ... لما يخلص حوار الحذر دا بقى هبقى افوق و اشوف اية الكلام بس 95 % من كتاوت الطلمبة او الطلمبة او اللى رايح للطلمبة

و تلم يا حبى و لو حصل الحوار معاك دا تانى فى كذا طريقة غير الهز هههههههه

**م/اكرم** · 24-08-2013 07:56 PM

المشاركة الأصلية كتبت بواسطة mopecoolboy

ههههههههههههه ... لا أصل انا عانيت كتير و بقيست كهربائى كمان بسبب العربية بتاعتى دى هههههههه

بس انا عندى المشكلة لسة ... لما يخلص حوار الحذر دا بقى هبقى افوق و اشوف اية الكلام بس 95 % من كتاوت الطلمبة او الطلمبة او اللى رايح للطلمبة

و تلم يا حبى و لو حصل الحوار معاك دا تانى فى كذا طريقة غير الهز هههههههه

وتلم ياحبي؟؟ ياعم انا مش ف دمافي حاجه وحشه... انت دماغك راحت لفين؟؟؟ استغفر الله العظيم..

**mopecoolboy** · 25-08-2013 03:28 PM

المشاركة الأصلية كتبت بواسطة م/اكرم

وتلم ياحبي؟؟ ياعم انا مش ف دمافي حاجه وحشه... انت دماغك راحت لفين؟؟؟ استغفر الله العظيم..

ههههههههههه لا واللة غلطة يا باشا مطبعية عشان بكتب بسرعة ...أنا مقصدش تلم دى خالص ..أنا اقصد لو حصل معاك الحوار دا فى طرق تانية غير أنك تهز العربية

معلش واللة غلطة مطبعية

**م/اكرم** · 26-08-2013 04:25 AM

المشاركة الأصلية كتبت بواسطة mopecoolboy

ههههههههههه لا والله غلطة يا باشا مطبعية عشان بكتب بسرعة ...أنا مقصدش تلم دى خالص ..أنا اقصد لو حصل معاك الحوار دا فى طرق تانية غير أنك تهز العربية

معلش والله غلطة مطبعية

ولا يهمك ياباشا..... عموما نورت الموضوع..... ومنكم نستفيد