طبعا تعمله محضر وتدفعه.
عرض للطباعة
طبعا تعمله محضر وتدفعه.
ربنا يعوض عليك
متهيألي المحاضر في الوقت دا ولا ليها أي لازمة,, لحد ما جهاز الشرطة يرجع زي الأول.
أنا كنت عامل حادثة من سنة ونص, عربيتي بيجو 307 واللي خبطني كان لانسر بومة.
واللي خبطني كان خابطني في حارتي في طريق رايح جاي, كان بياخد غورزة من أتوبيس قدام ودخل في حارتي, وضرب فرامل مجابتش وانا حاولت أفادية بس ملحقتش لانو كان محدوف, وأنا لما أتخبطت كان الكاوتش بتاعي كله ك
وأسمع بقي الحاجات الحلوة دي
مكنش معاه رخصة سواقة
ومكنش معاه رخصة
وأخر حاجة مكنتش معاة بطاقة شخصية, وكان عنده شلل أطفال,,
يعني مينفعش يسوق عربية. وعنده 22 سنة, مينفعش يمشي من غير بطاقة,
المهم كلمت النجدة وجات ورحنا عال قسم وعملنا محضر,
وف الاخر الظابط قال يا تباتو انتو الأتنين عشان تتعرضو علي النيابة يوم السبت
يا تتصالحو وتتنازلو عن المحضر,, :oh:
شوفت أهمال وقلة أدب أكتر من كدا ؟ يعني انا متضرر, وجايب له الغلطان علي طبق من دهب,
خابطني في حارتي, ولا معاه رخصة شخصية ولا رخصة عربية ولا بطاقة شخصية.
ويقولي أبيتكم أنتو الأتين في القسم ليوم السبت عشان نتعرض علي النيابة من يوم الخميس بليل.! :oh:
وفي الأخر لما بتكلم مع الراجل أبو الواد اللي خبطني وبقوله نتصالح بس تصلح لي العربية لان أبنك خبطني في حارتي, يقولي هما 500 جنيه اللي معايا ومش هدفع أكتر من كدا.
طيب أعمل المحضر يا عم ونبات سوا, يقول طب والله مانا دافع حاجة وبات في القسم أنت والللل اللي خبطك.!! أكنه مش ابنة
وفي الأخر أخدت ال 500 جنيه وانا الحادثة ضرتني بأكتر من 5 الاف جنية,
وأستعوضت ربنا وأنها مجاتش في حاجة أكبر من كدا.
الحمدلله علي كل شئ.
كنت عامل موضوع عن اللي حصل, من سنتين إلا 3 شهور بالظبط.
http://www.nilemotors.net/Nile/258898-307.html
وبالنسبة لصاحب الموضوع من رأيي لو كان عمل محضر مع واحد متخلف زي دا,
وباين من تصرفة أنو يا يا معقد يا مريض نفسياً أو مش متعلم ولا متزن,,
كان ممكن يحطة في دماغة ويفكر ينقتم منه,, ودا اللي احنا كلنا مش عايزنه يحصل أكيد.
الشرطة مابتجبش حق حد صدقنى
وحصلت معايا كنت شارى عربية وصاحبها جابلى شهادة مخالفات ماعلهاش حاجة وبعد شهرين روحت اشوف لاقيت مخالفة 1500 الف ونص باسمه وبتاريخ قبل ماشترى العربية بشهر
روحت لصحبها قالى ماليش دعوة هنا وهناك قالك لازم هو اللى يجى يعارض فيها
صاحبها بقى يتهرب ومش عارف ارخص العربية
روحت عملتله محضر وادى لده عشر جنيه * عشر جنيه علشان يروحوله ويكلموه
رايح جاى كل يوم على المحضر فى القسم بيقولولى احنا كلمناه وقال هايروحولك لول وماحدش سال
امين الشرطة كتبلى ورقة اخش بيها لوكيل نيابة المرور طبعا روحت المرور جى اطلع لوكيل النيابة ناس واقفة على الباب منعونى وريته الورقة طلعنى دخلت لوكيل النيابة حكيتلوه الحكاية وجبتله كمان رقم عربية ملاكى بتاعة الولد بحيس يرحل المخالفة من عندى على عربيته
عارفين وكيل النيابة فى الاخر يقول ايه والله العظيم قالى احنا لينا صاحب العربية الحالى اعصابى باظت ونزلت مخنوق وادى ياعم حكومة بلدنا:01964e~163: