الموضوع: انا مش مصدق اللي حصل في العربيه ده

انا نزلت انهاردة علي صوت البواب بيقولي تعالي شيل العربيه من قدام محل السباك اللي تحت نزلت انا كنت راكن العربيه في الشارع الجانبي عشان الشارع الرئيسي محدش بيركن فيه في الايام الزفت ديه
تخيلوا لاقيت السباك ده عمال يزعق ويتخانق معايا عشان ركنت العربيه قدام المحل بتاعه
رحت عشان انقل العربيه لاقيت الاربع عجلات جايبهم علي الارض وازاز المرايا اللي في الجنب متكسر
طلعت المنفاخ وقلت انفخهم لاقيت الباشا دابب الكاوتشات بالمفك وكل كاوتش خرمين وتلاته
بقوله مين اللي عمل كدة بيقولي بكل بجاحه انا واي حاجه هتلاقيها تاني في العربيه انا اللي عملتها
مبقتش مصدق اللي اتقال وكان هاين عليا امسك حديدة واخبطه علي دماغه بس لولا ربنا هداني ومعرفش مسكت نفسي ازاي وطبعا شغلت العربيه وجيت احركها مش عايزة تتحرك لان الاربع عجلات عالارض فكيت عجله عجله واروح اصلحها وارجع اركبها معرفش ايه البلطجه ديه وانا صحيح سكت بس مضايق معرفش يمكن لو في الظروف العاديه كان ممكن اعمل محضر فالقسم مثلا اشيروا عليا اعمل ايه انا اتظلمت جامد بس حسيت سعتها ان اللي حصل حصل واي حاجه مش هتصلح اللي حصل عموما هي اتكلفت فالاخر ٣٢ جنيه
٢٧ للعجلاتي و٥ لبتاع الازاز

بص ياباشا الهدواء حلو وانت اتصرفت صح
ولكن انا اليوم راكب مع ابني وغضبان جدا من حادث مقتل الجنود وابني ركن قدام فكهاني وانا بفتح الباب لقيتة بيقولي بقلة قدب ورا شوية وعينك متشفش الا النور دغدغتلة المحل والناس اتلمت وبقت تهدي فيا وهو للعلم بقا زي الكلب وفي الاخر قلتلة شفت اخر البلطجة انت اشتريت الشارع قالي والله اخر مرة اعمل كدة وسبت السيارة امامة يجي ساعتين ورجعت اخذتها انا وابني ومشيت بص انا رغم عدم ميلي للعنف الا ان ضغوط حادث الجنود طلع علي القكهاني و حسيت انة عايز يسلبني حقي ونويت ان اي واحد زي دة او اي سايس غير مرخص معنديش غير كدة لازم البلد دي تنضف بايدينا
دي تجربتي ورغم اني سايقا كنت من ابطال مصر في التايكندو الا اني لا افضل العنف مطلقا