عربيتي للأسف مش اول دفعة
و لو تقدر تطلع بيها تجربة قبل ما تستلمها يبقى ممتاز
عرض للطباعة
متابع
العربية كانت بايتة في التوكيل من امبارح ,
النهاردة كلموني , قالي عملنا Upgrade للسوفت وير , كشفنا على العربية كلها , بوجيهات و نظفنا البوابة و كشفنا على فلتر البنزين
و يقولي في الاخر لو ظهر صوت يبقى البنزين
لا والله !!
يعني احطلها ميه بعد كدا ؟؟
هقولهم بكرة اخر امل انهم يفضوا تانك البنزين و يرفعها على ونش لحد المحطة حتى لو على حسابي و احط بنزين جديد بعد ما ينظف التانك
لو فيه صوت يبقى على التوكيل تاني اتخانق معاهم و لازم يبدلوا العربية او اطلع على حماية المستهلك لو كذا واحد عنده المشكلة اتجمعنا كلنا
متابع باهتمام جدا
متابع باهتمام جدا
طبعا قمة في الاحترام انك لما تكلم مهندس الصيانة بعد لما هو يكلمك بعد ربع ساعة عشان تقوله يفضي تانك البنزين ده لو كانت فعلا المشكلة من البنزين زي ما بيقول و ينظفه و احطها على ونش لحد المحطة اللي هي 2 كيلو بعد التوكيل , و ما يردش ولا امبارح ولا النهاردة
ليها معنى واحد , يعني الواحد لازم يروح يعمل معاه السليمة
و برضه هنرجع نقول , اننا في مصر
فعلاً احنا فى مصر ، و عشان احنا فى مصر يبقى لازم تزعق عشان تاخد حقك ، لازم تقل أدبك عشان متاخدش على قفاك ، انما لما تكون محترم و ذوق معاهم يطمعوا فيك عشان يعرفوا يرجعوا حق اللى بيزعق ، سمة جميع الأماكن فى مصر فى جميع القطاعات و على مستوى جميع الخدمات ، يعنى عربية جديدة و يحصل فيها مشكلة زى دى ؟؟ ، خليك وراهم و صعد الموضوع لأعلى مستوى...
فعلا ده اللي هيحصل ان شاء الله
طبعا انا كلمت عضو اخر اسه في المنتدى أسيوطي ( أحمد ) قمة في الاحترام , قدم شكوى فعلية في حماية المستهلك
بكرة ان شاء الله هشوف العربية ايه الكلام , لو لسه يبقى انا هنضم للأستاذ / أحمد و نروح حماية المستهلك
عربية جديدة و فيها مشاكل و التوكيل بيقول اي كلام , يبقى الحل نتجمع و نعمل شكوى جماعية
لو جهاز حماية المستهلك جاب حقنا , يبقى ده اول حاجة في مصر فعلا ليها سلطة و قوة في البلد
انا اعرف ان جهاز حماية المستهلك مبيهرجش فى الحاجات دي وفعلا بينفخ التوكيلات لو الحاجات بايظة
من فضلكم يا جماعة الموضوع اللي الاستاذ اسلام عامله هنا "وقفة ضد عيوب الإليزيه "
http://www.nilemotors.net/Nile/375147-a.html
عايزين نجمع كل المتضررين فيه
انا بالفعل عامل شكوى في حماية المستهلك عشان مش عارف اخد فلوسي.
ولازم نتجمع كلنا وتبقى شكوى جماعية ضد التهريج ده لان موضوع السوفت وير ده مش بيجيب نتيجة نهائي على الاقل في حالتي
حسبي الله ونعم الوكيل ولا حولا ولا قوة الا بالله