يقال والله أعلى و أعلم انهم بيخلطوا جزء من مياه غسيل العربيات بالبنزين بنسبة معينة كنوع من الغش و دى مش بتبان فى البنزين أوى زى المياه العادية....
عرض للطباعة
اشك في موضوع البنزين لأن الصوت مش بيظهر خالص و انا قافل التكييف
العربية زي الفل و التكييف مقفول
لما بشغله و يبدأ يحمل على الماتور الكركرة بتظهر ده غير ان ال rpm بيقل عن المعدل الطبيعي
المفروض ان العربية جديدة مايقلش عن حد معين
بخصوص التفويلة
انا فولت اول مرتين من امارات مصر التجمع الخامس المحطة لسه جديدة و مفيش فيها غسيل عربيات يعني اكيد البنزين نظيف
الله اعلم انا بدأت ازهق من العربية
انا اشك انها مشكلة بنزين
اول تفويلتين كانت من امارات مصر في التجمع الخامس و المحطة جديدة مفيش فيها غسيل خالص
و لما رحت التوكيل اقوله على الكتمة اللي في الزحمة غيرلي سوفت وير
و انا راجع على المحور كان فيه زحمة بدأ صوت الكركرة يظهر
ده غير اني لاحظت ان لما بشغل التكييف و يحمل على العربية الصوت بيظهر
و التكييف مقفول العربية لووز مفيش فيها حاجة
ال rpm بيقل عن المعدل الطبيعي لما بشغل التكييف و اكون في زحمة
حاجة غريبة كأن العربية قديمة بالمنظر ده
موبيل الرحاب بنزينة ممتازة وضع كمان اوكتان بوستر و شوف الاخبار
شوف
لا اعتقد انها مشكلة بنزين
عشان كدة عايز اسألك ، الكركرة بتكون على السلانسيه فقط وبداية التحرك بالعربية والتكييف شغال ، ولا الكركرة وضعف السحب موجودين طول الوقت وانت مشغل التكييف على كل السرعات وبين كل الغيارات ؟
اللى انا شايفه ان الكمبيوتر مش بيحس ان التكييف اشتغل ومش بيعوض الدروب اللى نزل في الار بي ام ، دى يا اما سوفت وير زي ما التوكيل قالك ، يا اما مثلا حساس مهزوز او فيشته مش راكبة كويس او شيء من هذا ..
بحيث ان لما التكييف بيشتغل بيحمل على الموتور (زي اي عربية ) بس الكمبيوتر مش بيعادل الدروب ده ، فـ الار بي ام ينزل والعزم على السلانسيه يضعف وتسمع الكركرة ..
الكركرة بتحصل و التكييف شغال فقط و انا على السلانسيه او حتى لو العربية بتتحرك ببطئ
و لو انا في زحمة و الجير بوكس على d
لو التكييف مقفول مفيش اي صوت بيطلع و العربية بتكون مرتاحة جدا
و طبعا لما الواحد بيكون على طريق ممكن السرعة توصل لحد 60 و يهدي و يرجع يزود السرعة تاني
لما العربية بتوصل لسرعة 60 و اشيل رجلي من البنزين و ازود بنزين بسمع الكركرة
احتمال يكون كمبيوتر و بنزين في نفس الوقت ؟؟؟؟؟؟؟؟؟؟؟؟؟؟؟
المشكلة في العربية من اول ما جبتها ؟ ولا العربية كانت مظبوطة وظهرت فجأة
اصل لو مشكلة بنزين كانت اتحلت مع اول تفويلة وخلاص ، اصل مش معقول كل البنزين اللى انت بتحطه ده مغشوش ، وكمان المشكلة بتحصل مع تشغيل التكييف بس وعلى الار بي ام المنخفض بس ، انا شايف انها مشكلة سوفت وير او حساسات بس
العربية في الاول و التكييف شغال و على السلانسيه بتترج
روحت للتوكيل و غيرلي السوفت وير
مشيت بيها و لحد ما وصلت لزحمة المحور لقيت الكركرة على السلانسيه برضه و مع تحميل التكييف على الماتور
مع العلم ان في الزحمة الار بي ام بينخفض و بيخلي صوت الكركرة يظهر
اكيد مش كل البنزين مغشوش
و المحطات اللي بمون منها في التجمع الخامس منهم امارات مصر اللي مفيش فيها غسيل عربيات و كانت اول مرتين
انا احترت جدا و هوديها التوكيل بكرة و ربنا يسهل
ما تقلقش ، خير ان شاء الله ، وهى مشكلة بسيطة مش جوهرية في العربية
وهيظهرلها حل ان عاجلا او اجلا
هى الفكرة بس ان العربية لسة جديدة والتوكيل نفسه لسة ما حفظهاش
بس هى مشكلة تافهة فعلا ان شاء الله
استمتع بعربيتك :)