كلاكيت تاني مرة غربلة علي السرعات حتي بعد الترصيص

يا جماعة انا عندي مشكلة ومش لاقيلها حل لحد دلوقتي

انا معايا عربية اوبل فيكترا بي1 1996
المهم اانا مركب جنووط اسبوور مقااس 16 وكاوتش 205\55 وظهر عندي مشكلة رخمة وخنقتني
دلوقتي عندي غربلة جامدة جدا بتبتدي من سرعة 90 وكانت شغالة لحد 125 وانا معرفتش ازود في السرعة اكتر من كدة من شدة الاهتزاز قلقت بصراحة

دلوقتي انا رصصت الكاوتش كلوا وبردة نفس المشكلة وللعلم كشفت علي الجنط ومفيهوش مشاكل او عوجان

ومن باب التجربية قولت اجرب ارجع للجنوط الحديد والكاوتش القديم مقاس 15 وطلعت جربت ولقيت ان المشكلة اختفت لحد سرعة 120 ومزودتش عن كدة دلوقتي بقي انا مش عارف العييب منين
من الجنووط الاسبوور ولا من الكاوتش ال16 ولا اييييييييه مع العلم ان الكاوتش ال16 حالته يئة شويتين تلاتة

اقتباس:

---

المشاركة الأصلية كتبت بواسطة mamoud salah h

من باب التجربية قولت اجرب ارجع للجنوط الحديد والكاوتش القديم مقاس 15 وطلعت جربت ولقيت ان المشكلة اختفت لحد سرعة 120 ومزودتش عن كدة دلوقتي بقي انا مش عارف العييب منين

---

طالما قلت المشكلة راحت لما غيرت للجنط الحديد,
يبقي المشكلة من الجنوط ال 16 بتاعتك,

ومادام رصرصت وفضلت المشكلة قايمة يبقي العيب من الكاوتش ممكن يكون نشف.

اقتباس:

---

المشاركة الأصلية كتبت بواسطة leitosr

طالما قلت المشكلة راحت لما غيرت للجنط الحديد,
يبقي المشكلة من الجنوط ال 16 بتاعتك,

ومادام رصرصت وفضلت المشكلة قايمة يبقي العيب من الكاوتش ممكن يكون نشف.

---

طب ازاي اكشف علي الكاوتش واتاكد ان العيب منوا وكدة العيب في الجنط هيكون بسبب ايه وهو سليم ومفيهوش عوجان وانا كشفت عليه

اقتباس:

---

المشاركة الأصلية كتبت بواسطة mamoud salah h

طب ازاي اكشف علي الكاوتش واتاكد ان العيب منوا وكدة العيب في الجنط هيكون بسبب ايه وهو سليم ومفيهوش عوجان وانا كشفت عليه

---

الكاوتش مش هيبان إلا في السواقة معاك,
أو واحد بتاع كاوتش تكون عنيه قوية أوي عشان يلاحظ لو الفردة فيها رفا أو ملوحة ولا لأ.

والجنط لو مش سليم أو فيه عوجان المفروض كان هيبان في الترصيص,,,

أنا عندي الجنط والكاتوش نفس المقاس 205/55r16, وكان الدركسيون بيغربل بعد ال 110
ومكنتش بعرف أسوق من كتر الهزة وبضطر أهدي وأمشي تحت ال 100,
بس الكاوتش كان عندي قديم وعدي عليه 4 سنين يعني خلاص عمرة أنتهي,

لما غيرت الكاوتش المشكلة راحت,
فأنت لو جطنك سليم 100% ومفهوش رفا ولا عوجان, يبقي اللي عندك كاوتش عايز يتغير,
ولو كان فيه مشكلة في الطنابير عملة الرعشة دي كانت هتبان لما أنت غيرة لل 15
بس انت قلت مكنش فيها رعشة,,

فا دلوقتي لو كاوتشك عدي عليه 3 أو أربع سنين هات عال أقل جوز جديد وركبهم قدم, ودي اللي هيعرفك العيب من الجنط ولا الكاوتش, وكدا كدا المفروض متمشيش علي كاوتش أقدم من 3 ل 4 سنين. يعني مش هيخسر معاك.

أو شوف أنضف أتنين عندك كا نفشة وركبهم قدام وشوف كدا الفرق. بس لو كل كاوتشك قديم, دا مش هيكون مقياس تشوف بيه العيب منين,

هو فعلا الكاوتشش راييح لان انا كنت جليبة كدة مع الجنط استعماال عشان اعرف اركب الجنط بس وعارف ان هو تعباان وكنت هغيرة كدة ولا كدة
كدة انا بكرة ان شاء الله هتصرف في فردتين نضااف من اي حد صاحبي اجرب بس بيهم

تمام كدا, وأبقي عرفنا العيب طلع من أيه فيهم, ولا حاجة غيرهم.

بص
روح عند وااحد بتاع ترصييص تاني وشووف هايقلك اية
واخبار الكبالن الداخلية اية ؟

المشكلة كاوتش مش اكتر

انا كان عندى نفس المشكلة وغيرت الفردتين اللى قدام بس ومن غير ما ارصص بالترصيص القديم اللى على الجنط ومافيش اى غربله الحمد لله المشكلة ميه فى الميه من الكاوتش

اقتباس:

---

المشاركة الأصلية كتبت بواسطة magyver

بص
روح عند وااحد بتاع ترصييص تاني وشووف هايقلك اية
واخبار الكبالن الداخلية اية ؟

---

المشكلة لو كانت كبالن كانت ظهرت معاه برضه لما غير للجنوط الحديد ال 15.

الجنوط الاسبور ليها ترصيص مختلف عن الجنوط الحديد

يعنى لازم تترصص لواحدها الاول بدون كاوتش وبعد كدا تترصص بالكاوتش

هتقولى ليه

هقولك الجنط الاسبور بيبان فيه كل حاجه من الترصيص لواحده بدون كاوتش هل فيه رفه او عوجه او مكان اتقل من مكان

انا روحت لنهاردة عند محل مشهوور في شبرا عندنا وبصلي عليها وقالي الكوتش عندك تعيش انت في البطيييخ وضايع معدي ال70 الف ولما طلبت منوا ارصص تاني قالي العييب عيب كاوتش مش ترصيص وحرام ادفعك فلوس ترصيص تاني

بس الفكرة ان انا دمغي جزمة وطالبة معايا اني لازم اجرب فردتين نضاف قبل ما اشتري عشان اتاكد 100%

يبقي زي ما قلت لك هوا الكاوتش, وطالما عدي عليه 3 سنين او 4 أو دخل في كيلو متر عالي كدا,
خلاص الكاوش بيكون خلص, سواء رصرصت الجنوط أو مرصرصرتش الفردة نفسها مش هتستحمل تمشي بسرعة عالية وهترجرج لك العربية كلها حتي لو الجنط سليم,,

وطالما عارف أنهم قدام ومعديين ال70 ألف أنت مش محتاج تجرب كاوتش حد تاني عشان تتأكد,
وتجيب جوز جداد وتركبهم قدام, وتستنضف أحسن 2 من الأربعة اللي عندك وترجعهم ورا,
لأن كدا خطر تمشي علي الكاوتش دا اكتر من كدا.

تسلم يا باشا علي المتابعة والاهتمام وانا هركب بقي الطقم ال15 تاني مؤقتا لحد ما اجيب كاوتش جديد