عاوز اشترى جنوط

**المنسي** · 20-08-2013 02:52 PM

المشاركة الأصلية كتبت بواسطة wael abbas

السلام عليكم
انا عندى العربية بترعش لما بجرى بيها بعد الـ80 ورحت عشان اعمل ترصيص للعجل الراجل قالى الجنوط عندك بايظة وعاوزة تتغير وقالى الجنوط الاسبور تعملها فى حدود 1200 جنيه بس حاليا المبلغ ده مش متوفر معايا فقلت اشوفلها جنوط حديد بس مش عارف اجيبهم منين وبكام فياريت لو حد يقدر يفيدنى وهل لو اشتريتهم استيراد اعرف ازاى انهم كويسين وشكرا لكل من يهتم

كنت سالت عليهم عند ابو اسلام فالوكالة من فترة كانو ب 400 جنيه وعايز اعرف اللى عندك مالهم بالظبط علشان فيه واحد بيستعدل الجنوط لو كلت بيهم مطب او حاجة وبيرجعو زى الاول

**المنسي** · 20-08-2013 03:14 PM

المشاركة الأصلية كتبت بواسطة wael abbas

شكرا على ردك يا استاذ منسى بس انا فى اول مشتريت العربية كلت بيهم مطبات كتير وياريت لو ينفعوا يتصلحوا اكون شاكر ليك لو دلتنى على حد وياترى يتكلفوا فى حدود كام

استعدال الجنوط الحديد ب حوالى من 40 ل 50 الجنط الواحد اما الاسبور بيتكلف 80 جنيه للجنط واللى بيشتغل فى الاستعدال موجودين عند نفق الملك الصالح وفى واحد فى شارع المنيل نفسه انا تعاملت معاه قبل كده كذا مرة وشغله كويس بس اللى يحدد الجنط محتاج استعدال ولا لا بتاع الترصيص لانه هيبان معاه لما يحط الجنط على الجهاز وهيبان طبعا بالنظر لو فى خبطة فى شفة الجنط شوف ولو عايز عنوانه وتليفونه ممكن ابعتهولك على الخاص