قطع غيار للدركسيون

**K_E** · 20-08-2013 12:17 PM

السلام عليكم

انا عندي الدركسيون بتاع الكيا سول من العرق وكده الوانه جيرت والزراير اتمسحت وحتى الجزء الجلد الي ملفوف حواليه تلف وبقا شكل الدركسيون بشع

المهم وانا بلف عالنت كده لاقيت عال ebay قطع غيار اصلية للجزء ده

Parts Steering Wheel Assy Kit with Faddle Shift for Kia Soul 2010 | eBay

شامل الزراير والجزء البلاستيك وسعره حوالي 70$

هل ده ممكن الاقيه في مصر في مراكز الخدمة المعتمده ؟ وهل لو جبته من بره ينفع اركبه بسهوله ومفيش تأثير عالاير باج ؟

ده شكل الدركسيون الكامل والاير باج فالنص طبعا

كمان سؤال
هل الجزء الكاوتش الي حوالين الدركسيون ده ممكن اغيره ؟ وازاي !

ياريت اي حد عنده فكره مايبخلش عليا

**ALKareem** · 20-08-2013 04:01 PM

دة Housing للدركسيون و موجود عن الوكيل بس سعرة غالي هتلاقية في الحرفيين في حدود 300 جنية في منطقة العربيات الكوري استيراد بس الوان مش عارف بقى و حظك على حسب :)

**K_E** · 20-08-2013 07:33 PM

المشاركة الأصلية كتبت بواسطة alkareem

دة housing للدركسيون و موجود عن الوكيل بس سعرة غالي هتلاقية في الحرفيين في حدود 300 جنية في منطقة العربيات الكوري استيراد بس الوان مش عارف بقى و حظك على حسب :)

تسلم ياباشا

طب بالنسبة للجزء الجلد الي حوالين الدركسيون ده مقلتليش لو بيتغير هو كمان ولا لا ؟

**ALKareem** · 21-08-2013 06:44 PM

لأ الجلد المدور دة لو هتغيرة لازم تغير الطارة كلها ممكن تجيب طارة استيراد في حدود 600 لي 900 شاملة الملتي فنكشن و كدة او في سروجي في السيدة زينب حلو قوي ممكن تروحلة اشتري Housing و هو يعملك الحتة الجلد دي بي 30 جنية انا عملتها عندي غلفلي الطارة كلها جلد