حماية المستهلك

**horas3000** · 24-08-2013 03:16 PM

الله يكون في عونك
و ان شاء الله تطلع حاجه بسيطه

بس الغريب ان محدش اشتكي من الموضوع ده خالص في البيجو 301
و علي حد علمي انها و عربيتك واحد

هو لو ينفع كنت قولت لك روح توكيل بيجو

**islam.afifi** · 24-08-2013 07:10 PM

المشاركة الأصلية كتبت بواسطة horas3000

الله يكون في عونك
و ان شاء الله تطلع حاجه بسيطه

بس الغريب ان محدش اشتكي من الموضوع ده خالص في البيجو 301
و علي حد علمي انها و عربيتك واحد

هو لو ينفع كنت قولت لك روح توكيل بيجو

وديتها النهاردة و قولتلهم ده تالت مرة و لازم الموضوع يتحل و العربية هتبات عندهم لحد لما يحلوها
و ان شاء الله اي جديد هقوله في المنتدى اول بأول

**islam.afifi** · 24-08-2013 07:13 PM

المشاركة الأصلية كتبت بواسطة mohamed zizo

ممكن يا استاذ اسلام تتصل بيا 01111808211 ونروح مع بعض التوكيل احنا العيب الموجود زاى بعض ممكن لما نروح بعربيتين فيهم نفس العيب نحطهم فى خانه اليك وما يستهبلوش ولا يضحكوا على حد باى سبب كان يبقئ راحين جاين للتوكيل ولو مقدروش نروح انا وانت لحماية المستهلك يبقئ كده قدامهم حالتين بنفس العيب

انا اسف يا باشا لسه شايف كلامك دلوقتي
و انا وديت العربية النهاردة
لو ممكن تودي عربيتك بكرة و تقولهم عربيتي نفس مشكلة إسلام عفيفي و عربيته لونها شامبين و لازم الموضوع ده يتحل لأن مينفعش عربية جديدة و فيها مشاكل
و لو الناس اللي عندها مشاكل راحت ممكن نجبرهم على حاجة , يا يبدلوا العربيات يا يرجعوا فلوسنا.
و لو الاعضاء اللي هنا عندهم نفس العيب يا ريت نتجمع لو الموضوع ماتحلش و نروح حماية المستهلك

و نمرتي 01114440703 لو حضرتك محتاج حاجة انا موجود

**asuity** · 25-08-2013 01:00 PM

مش عايز اكون صادم ليكو بس العيب ده بلا حلول تقريبا

وممكن حضراتكم ترجعوا لكذا مشاركة ليا ولبعض الاعضاء زي engmina و bouchy.

وممكن برده حضراتكم ترجعوا لجروب ستروين على الفيس بوك وهتلاقوا عضوين هناك عندهم نفس المشاكل.

انا كده كده بعت شكوى لجهاز حماية المستهلك لو عايزين تبقوا معايا وتبقى شكوى جماعية يبقى احسن طبعا والموضوع يهتموا بيه اكتر.

والله المستعان

**Mohamed GEMY** · 25-08-2013 01:23 PM

يعني ايه المشكله دي من غير حل ليه بتقول كده؟؟؟؟؟؟

**asuity** · 25-08-2013 01:47 PM

عشان رحت 3 مرات والعيوب مش بتتحل نهائي والكلام ده من اول ما استلمت في يونيو.
وبعدين مش انا بس اللي عندي العيوب دي في كذا حد شاري وعنده المشاكل اللي هي الكركرة وضعف السحب مع التكييف (بصراحة العربية احيانا كانت بتتنح مش بتمشي الا بعد وقت كبير)

للعلم انا التكييف عندي فصل اساسا بقاله شهر ونص وسايبه كده عشان حماية المستهلك لما يعملوا الفحص الفني بتاعهم

موضوع اول دفعة بس هي اللي فيها المشكلة لا اعتقد انه صح عشان في ناس استلمت بعديا في يوليو وعندهم نفس العيوب.

اخيرا انا ندمان اني جبت الستروين وان شاء الله اعرف اخد حقوقي.

**Mohamed GEMY** · 25-08-2013 02:05 PM

بس ليه البيجو مفيهاش نفس العيوب دي..محدش اشتكي خالص من ملاك البيجو 301

**asuity** · 25-08-2013 03:05 PM

الله اعلم

**islam.afifi** · 25-08-2013 05:43 PM

المشاركة الأصلية كتبت بواسطة asuity

مش عايز اكون صادم ليكو بس العيب ده بلا حلول تقريبا

وممكن حضراتكم ترجعوا لكذا مشاركة ليا ولبعض الاعضاء زي engmina و bouchy.

وممكن برده حضراتكم ترجعوا لجروب ستروين على الفيس بوك وهتلاقوا عضوين هناك عندهم نفس المشاكل.

انا كده كده بعت شكوى لجهاز حماية المستهلك لو عايزين تبقوا معايا وتبقى شكوى جماعية يبقى احسن طبعا والموضوع يهتموا بيه اكتر.

والله المستعان

انا معاك يا باشا و بعتلك رسالة فيها رقمي
و ان شاء الله هيبقى ليها حلول يا نكسر التوكيل على اللي فيه