يا باشا الف مبروك، ربنا يبارك لك فيها ويديك خيرها ويكفيك شرها وشر الطريق

طالما اشتريت وباقتناع، ما تتعبش نفسك وتسمع كلام ملوش لزوم
انا بعد ما اشتريت سمعت كلام كان ممكن يكرهنى فى العربية (العربية دى وحشه، قطع غيرها مش موجوده، مضحوك عليى فى رقم خزعبلى، محدش بيعرف يشتغل فيها فى اسيوط عشان انا من اسيوط)

وبعد كدا اكتشفت ان كل الكلام دا ولا ليه اساس من الصحة غير ان قطع غيارها مش متوفره فى اسيوط، وانا باسافر مره كل شهر او شهرين القاهرة، باجمع اللى عايزه واشتريه من الحرافيين او التوفيقية، مش عايز اقولك مفيش حاجه سالت عليها وملقتهاش (رغم ان عربيتى موديل اقدم E21).

الاسعار انت وشطارتك، عشان لما بيحس انك جديد او مش عارف الحاجه رنجها كام، بعضهم بيستهبل، احسن حاجه تسال حد تثق فيه، او تنزل موضوع فى المنتدى قبل ما تغير او تصلح او تشترى حاجه، الناس هنا ماشاء الله عليهم، عندهم خبره عاليه وخدمويين باخلاص، اللى بيعرف حاجه مش بيبخل يكتبها او ينصح من وجهة نظرة.

فى موضوع عن اسعار الدبانة، ممكن تاخد فكرة عن رنجات الاسعار: http://www.nilemotors.net/Nile/194894-316-91-97-a.html