تيدا 2012 ؟

**Medhat Bahgat** · 21-08-2013 10:18 AM

السلام عليكم يا شباب
النهارده هشوف تيدا 2012 سيدان هاي لاين عامله 10 الاف ك , تفتكروا السعر المناسب كام ؟ و تنصحوني بأيه و انا بشيك على العربيه , انا سألت صاحبها عالتوكيل اللي بيصين عنده علشان اروح اكشف هناك بس هو بيقول ان الفحص ده ممكن اعمله في اي بنزينه فحص شامل و نفس التقرير , الكلام ده صح فعلا ؟
تنصحوني اشيك على ايه و انا ببص عالعربيه ؟
ياريت تردوا عليه بسرعه علشان احدد السعر المناسب و موضوع الفحص ده قبل ما اروحله , تحياتي للجميع

**amr011111** · 21-08-2013 10:23 AM

هى اول فئه دلوقتى سيدان زيرو المفروض ب 120 الف
لو العربيه اللى انت هتشوفها مثلا ب 105 ولا حاجه
والفرق بين الفئتين مش كبير وسائل الامان هى هى اللى بيختلف فقط على ما تذكر الجنوط وطاره مالتى وفرش فاخر وتكييف هواء تاتش و6 سماعات بدل من 4
ومسند ذراع امامى ومكان لتخزين النضاره فى السقف وعجلة قياده مكسوه بالجلد الطبيعى ومسند يد خلفى

لو الفروق اللى فوق ديه متفرقش معاك يبقى هات اول فئه زيرو وبالتوفيق

**Medhat Bahgat** · 21-08-2013 02:52 PM

المشاركة الأصلية كتبت بواسطة amr011111

هى اول فئه دلوقتى سيدان زيرو المفروض ب 120 الف
لو العربيه اللى انت هتشوفها مثلا ب 105 ولا حاجه
والفرق بين الفئتين مش كبير وسائل الامان هى هى اللى بيختلف فقط على ما تذكر الجنوط وطاره مالتى وفرش فاخر وتكييف هواء تاتش و6 سماعات بدل من 4
ومسند ذراع امامى ومكان لتخزين النضاره فى السقف وعجلة قياده مكسوه بالجلد الطبيعى ومسند يد خلفى

لو الفروق اللى فوق ديه متفرقش معاك يبقى هات اول فئه زيرو وبالتوفيق

اولا شكرا عالرد يا باشا
الفكره ان الزيرو مش موجود دلوقتي التوكيلات كلها بطلت تجيب 2013 و مستنيين ال 2014 و غالبا سعرها هيرفع جامد ميتهيأليش ان الفئه الاولى هتقل عن 130 بأي حال , معلش بالنسبه لموضوع الفحص ده علشان مهم الافضل الفحص في التوكيل و لا اي بنزينه زي التوكيل و خلاص ؟؟؟
و لو عندك فكره اشهر العيوب اللي احتمال تكون موجوده علشان أأكد عليها و انا بفحص
تحياتي

**amr011111** · 21-08-2013 02:55 PM

المشاركة الأصلية كتبت بواسطة medhat bahgat

اولا شكرا عالرد يا باشا
الفكره ان الزيرو مش موجود دلوقتي التوكيلات كلها بطلت تجيب 2013 و مستنيين ال 2014 و غالبا سعرها هيرفع جامد ميتهيأليش ان الفئه الاولى هتقل عن 130 بأي حال , معلش بالنسبه لموضوع الفحص ده علشان مهم الافضل الفحص في التوكيل و لا اي بنزينه زي التوكيل و خلاص ؟؟؟
و لو عندك فكره اشهر العيوب اللي احتمال تكون موجوده علشان أأكد عليها و انا بفحص
تحياتي

اسال فى سمير ريان ممكن تلاقى عنده
وعلى فكره موديل 2014
هيبقى شكل مختلف تماما عن الشكل الحالى
بالنسبه للكشف التوكيل طبعا
وهتلاقى معاه كتيب الصيانه المفروض يبقى عامل الصيانات هناك ومختومه
وبالتوفيق

**Medhat Bahgat** · 21-08-2013 03:40 PM

المشاركة الأصلية كتبت بواسطة amr011111

اسال فى سمير ريان ممكن تلاقى عنده
وعلى فكره موديل 2014
هيبقى شكل مختلف تماما عن الشكل الحالى
بالنسبه للكشف التوكيل طبعا
وهتلاقى معاه كتيب الصيانه المفروض يبقى عامل الصيانات هناك ومختومه
وبالتوفيق

شكرااا

**jojojojo** · 21-08-2013 11:24 PM

زي مقلك العضو اكشف عليها في التوكيل وشوف كتيب الصيانات هتلاقيه عامل صيانه 5000 و10000 المفروض يعني بس ع فكره التيدا السيدان بتعوم علي السرعات العاليه عكس الهاتش باك نهائي انصحك تشوف واحده هاتش باك افضل وخاصه ان السيدان كمان مش محبوبه في البيع والشرا وبالتوفيق

**Medhat Bahgat** · 22-08-2013 10:02 AM

المشاركة الأصلية كتبت بواسطة jojojojo

زي مقلك العضو اكشف عليها في التوكيل وشوف كتيب الصيانات هتلاقيه عامل صيانه 5000 و10000 المفروض يعني بس ع فكره التيدا السيدان بتعوم علي السرعات العاليه عكس الهاتش باك نهائي انصحك تشوف واحده هاتش باك افضل وخاصه ان السيدان كمان مش محبوبه في البيع والشرا وبالتوفيق

شكرا عالرد , رحت فعلا امبارح و شوفتها و طلع واحد "نصاب" للأسف العربيه مغيره أكصدام امامي و الاير باج ضارب بتاع التاره و انا اللي اكتشفت من غير ما هو يقول , مش عارف ازاي الناس تقبل فلوس حرام عن طريق غش الناس !!
انا فعلا كنت عايز هاتش باك و كنت بدور بس للأسف العربيه نادره جدا شكلي كده مش هلاقيها للأسف .