أشترى إيه فى حدود 80 ألف ؟؟

**Ahmed.Elgohary** · 27-08-2013 05:07 AM

المشاركة الأصلية كتبت بواسطة hegazio

الفئة قبل اﻷخيرة
اي حاجة من 2007 و انت طالع..كلما كانت احدث و حالتها افضل كان افضل..اعتقد ممكن 2008 بحالة جيدة جدا

والله هى الميجان لما جربتها لقيتها عربية جميلة جدا ومن جوا كمان جملية والتابلوه بتاعها شيك بس المشكلة بقى الناس اللى معاها ميجان أصلا بتحذرنى منها علشان سوقها ده أولا وثانيا علشان قطع الغيار ،،

**Ahmed.Elgohary** · 27-08-2013 05:09 AM

المشاركة الأصلية كتبت بواسطة s o p h o s

ينفع معاك عربية زي الكورولا
ولا لازم عربية بامكانيات محددة

علشان أجيب كورولا بالمبلغ اللى معايا هتكون مش أكتر من 2006 وبصراحة أنا اللى بيعجبنى فى الكورولا 2007 و 2008

**Ahmed.Elgohary** · 27-08-2013 05:12 AM

المشاركة الأصلية كتبت بواسطة Ayman_Aly

فكر فى Honda Civic SIR

على حد علمى إن الـ SiR موجود فى موديلات التسعينات بس ،، أنا كنت بفكر فى حاجة على الأقل تكون 2007 ، ومن عشقى للهوندا بفكر أشوف هوندا 2006 أو 2007 بس تكون كويسة وفى حدود 90

**Abdo Taha** · 27-08-2013 08:32 PM

انا شايف انك تشوف حاجة الماني زي الفكترا 2008 لو عايز ايزيترونك لكن لو مانيوال شوف الفكترا 2007 و ابعد عن الاسترا لأن فيها مشاكل فتيس اكتر من الفكترا مع ان الاتنين ايزي ترونك بس انا لقيت الناس بتشتكي منه في الاسترا و للاسف الاسترا مفهاش مانيوال و شوف برضه السيفيك من 2008 ل 2010 عربية تحفة بمعنى الكلمة و هى متوافقة في حجات كتير مع الفكترا بس الفرق ان طابلوه الفكترا فخم بس بتاع السيفيك العدادات بتاعته احلى و السيفيك اوطى من الفكترا و شكلها رياضي اكتر و في الجري الاتنين احلى من بعض السيفيك احلى في السحب في السرعات المنخفضة و الفكترا سحبها افضل على السرعات العالية و بالنسبة لقطع الغيار الاتنين قريبيين جدا من بعض هما غليين شوية بس معمرين جدا يعني السير الكاتينة غيرته عندي في الفكترا عند 100000 ازاي سبحان الله فهما دول افضل اختيارين و الحكم لك