الموضوع: أشترى إيه فى حدود 80 ألف ؟؟

المشاركة الأصلية كتبت بواسطة ahmed.elgohary

السلام عليكم أولا
ثانيا: أنا اخترت المنتدى هنا لأنى حسيت إن الأعضاء هنا متعاونة وكمان بيكون عندهم استعداد للمساعدة .
ثالثا بقى أنا معايا من 80 إلى 85 ألف وناوى إنى أشترى عربية إن شاء الله بس للأسف محتار فى النوع ، مع العلم إن كان معايا الأول جولف 95 غيرتها لهوندا سيفيك 93 واتسرقت والحمد لله ،، علشان كدا كنت عايز أشوف اقتراحات الأعضاء إيه علشان استقر بقى على حاجة معينة .

شكلك من هواه السرعه و الثبات العالي انصحك اوبل استرا 2007لحد 2009
او هوندا سيفك 2007
و لو عاوز تتحول لواحد يعشق الفخامه فحاول تجيب فكترا 2007 بس هتعلي شويه انا واحد من الناس انصحك بالالماني علشان اليباني و الكوري معدوش بيدخلو دماغي

المشاركة الأصلية كتبت بواسطة ahmed salah90

شكلك من هواه السرعه و الثبات العالي انصحك اوبل استرا 2007لحد 2009
او هوندا سيفك 2007
و لو عاوز تتحول لواحد يعشق الفخامه فحاول تجيب فكترا 2007 بس هتعلي شويه انا واحد من الناس انصحك بالالماني علشان اليباني و الكوري معدوش بيدخلو دماغي

أستاذ أحمد صلاح ،، انت جبت من الآخر ،، لأن هو دا اللى فى دماغى فعلا علشان انا كنت بدور على حاجة تكون مش مختلفة كتير عن اللى كان معايا قبل كدا وفكرت فعلا فى الأسترا بس طلعتلى مشكلة الفتيس بتاعها ، مش عارف هل كل الفتيس بتاعها ايزى ترونك ولا موجود منها أوتوماتيك كمان ؟؟

المشاركة الأصلية كتبت بواسطة ahmed.elgohary

أستاذ أحمد صلاح ،، انت جبت من الآخر ،، لأن هو دا اللى فى دماغى فعلا علشان انا كنت بدور على حاجة تكون مش مختلفة كتير عن اللى كان معايا قبل كدا وفكرت فعلا فى الأسترا بس طلعتلى مشكلة الفتيس بتاعها ، مش عارف هل كل الفتيس بتاعها ايزى ترونك ولا موجود منها أوتوماتيك كمان ؟؟

ايزي ترونك انا ركبت العربيه مع صاحبي و بالمناسبه انا موش هحكم على العربيه كتير علشان انا معايا نيسان صني 2011 و انشاء الله هبدلها قريب و احتمال كبير اجيب استرا 2008 او 2009 العربيه مافيهاش مشاكل في الفتيس العربيه اللهم صلي على النبي جميله و الفتيس الايزي ترونك غير اللي هيبقى في الكرولا علشان زي ما قولت الالماني غير اليباني فماتخافش على موضوع الفتيس و ممكن تمشي بيه اوتو على طول زي ما صاحبي عامل مخليه اوتو على طول

على فكره في بعض العيوب البسيطه اللي في الاوبل استرا اللي سمعت عنها
1- اسعار قطع الغيار عاليه بس الصراحه معمره
2- الكنبه اللي ورا موش مريحه العربيه اللي ركبتها كانت ساقطه لورا موش عارف السبب

المشاركة الأصلية كتبت بواسطة ahmed salah90

على فكره في بعض العيوب البسيطه اللي في الاوبل استرا اللي سمعت عنها
1- اسعار قطع الغيار عاليه بس الصراحه معمره
2- الكنبه اللي ورا موش مريحه العربيه اللي ركبتها كانت ساقطه لورا موش عارف السبب

لو أسعار قطع الغيار عالية بس معمرة يبقى كدا مش مشكلة
بس موضوع إن الكنبة اللى ورا مريحة ولا لأ مش عارف بصراحة ومش هاتعتبر مشكلة جامدة أوى لو جت على كدا بس ،، أنا اللى يهمنى أكتر الموتور والثبات