العربية الحلتي بازت

**zxcv38** · 21-08-2013 07:29 PM

السلام عليكم
انا شاري الفليشيا مكملتش شهر
رحت امبارح ابس علي دورة التبريد كان في خرم فى الريداتير المهم عملته وغيرت الثرمو ثتات بتاع المروحة
الميه بتناس المهم انا اليوم رحت اتمشه بيه ميته تمام كله تمام مكملتش 2 كيلو لقيت الحرار 110 وقفت وبسيت علي الميه مفيش قلت ادور وازود ميه العربية مش بدور اعت احول المتور دار بس المتور صوته وحش اوي بيسقف المهم حبه الصوت راح رجعت بيه ال2 كيلو دول طبعا السحب مفيش بعد كده وقفت خالص والشكمان جاب ميه حولت ادور مفيش والمرش صوت راح يدوبك تك تك مش عارف جوان ولا وش السلندر مش عارف اعمل ايه تنصحوني اعمل ايه

**sakr_skoda** · 21-08-2013 07:52 PM

دا جوان وش السلندر ضرب روح لميكانيكى محترم وياريت تقف على ايدة يعنى ممكن تخلية يفك الوش واتروح انتا بيه للمخرطة علشان تعمل الصح الناهى وهو....

اولى تزويد المونيون مكان التنقير اللى فى الوش....

ثانيا مسح الوش على ابوه يعنى ياخد الزيادات اللى فى لحامت التنقير....

ثالثا خليهم يعملولك روديه للصبابات بالمرة فى المخرطة....

رابعا اشترى طقم جلد صباب جديد

خامسا اشترى جوان وش سليندر دوبل....

خلى بالك بقى من المهم خليك واقف على راس الميكانيكى علشان ميستخدم السيلكون فى لذق الجوان لأن دى الطامة الكبرى السيلكون دا بيقفل على مراوح الوس ويكتم ممرات المياه والزيت وبالتالى يضرب معاك الجوان فى خلال اسبوع بالكتير....

على فكرة انا ممكن تعمل كل الحوارات دى بنفسك متستغربش اه والله فى ناس كتير بتعمل الحجات الهايفة دة بنفسها!!!!!

عاوز تعرف ازاى تعملها بنفسل روح للموضوع اللى فى الرابط وشوف عملية تغيير جوان وش السلندر بتم ازاى....

http://www.nilemotors.net/Nile/337585-a.html

**aw2100** · 22-08-2013 12:09 AM

واضح ان اللى صلح الرادياتير خربة وخلى المية راحت من العربية ودى روح الفليشيا مجرد ما المية تروح الوش بيضرب منه لله ومتنساش بعد ماتصلح الموتور تخلى الميكانيكى يبص على الرادياتير لو وحش غيرة بواحد جديد صينى افضل ليك وربنا يقويك !!