هل سيتم مقاطعة الكورولا الجديدة لانها صناعة تركى

**mohamed_hamdi** · 07-09-2013 11:33 AM

خالص اعتذاري لصاحب الموضوع لان الردود المتبادلة نستني خالص ان الموضوع عن التويوتا كورولا و المقاطعة و لا اراديا تحولنا لفرع من احوال الشارع المصري. اسف جدا

**Ahmed TRAVCO** · 07-09-2013 11:00 PM

المشاركة الأصلية كتبت بواسطة mohamed_hamdi

احمد باشا
وجهة نظري ببساطة ان ثورة ٢٥-١ كانت ثورة ربانية غير مخطط ليها و ارادها الله تعالى كوسيلة وحيدة جمعت الشعب للتخلص من نظام مبارك اللي خد فرصته ٣٠ سنة و سلم البلد زي ماحضرتك عارف
بينما ثورة ٣٠-٦ هي ثورة تم دفع الناس اليها دفعا للنزول و تصويرهم لاقناع العالم الخارجي ان ما حدث ليس انقلاب عسكري لاستعادة السلطة التي فقدوها في ١١ فبراير ٢٠١١.
مع كل احترامي لمن نزلوا بالملايين في ٣٠-٦ و لهم كل الحق في التعبير عن كل الضيق و الغضب و القرف من اسلوب مرسي و الاخوان في الحكم الا ان المقارنة تكون ظالمة لان مرسي و نظامه لم يتحصلوا سوى على سنة واحدة مش ٣٠ سنة لتطبيق فكرهم و ثانيا لم يفسدوا فساد مبارك مثلا بما يستدعي النزول ضدهم بترتيب حملة اسمها تمرد معروف مين وراها و مولها و يقودها محمود بانجو و اللي معاه و كانت حملة تمرد هي نهاية المخطط الشامل لاستعادة السلطة من الاخوان بعد سنة اعتمادا على حرب مؤسسات ضد الرجل من الداخلية و الحرس الجمهوري و القضاء و اكيد الاعلام.

بالمناسبة هو باسم يوسف راح فين دلوقتي يا ابو حميد و لا هو مهمته خلصت خلاص.

هولاند رئيس فرنسا المنتخب شعبيته النهاردة اقل من ٢٤ ٪ و حتى الان لم تنظم حملة تمرد فرنسا لازالة الرجل و كوادره لان ده شعب محترم و عارف يعني ايه صناديق انتخاب و معاه مؤسسات تقبض رواتبها من الدولة و ليس منه شخصيا حتى تقول احنا اجازة الاربع سنين بتوع هولاند. فاهمني يا باشا.

حضرتك ببساطة و من نزل معك بغرض عزل مرسي اهديتم السلطة ثانية لنظام مبارك و رجالته الذين اطلقوا الان على ثورة يناير انها نكسة يناير. فاهم يا باشا ده معناه ايه. طب فاهم ازاي عكاشة الاهبل بعد غلق قناته بالقانون تم فتحها ثانية و محدش عارف ازاي للنهاردة بينما القنوات الاسلامية اغلقت. طب تقدر تفسرلي ليه مات ١٠٠ انسان عند دار الحرس الجمهوري و زيهم عند المنصة و ادهم خمس مرات في رابعة ده غير كل مظاهرة للاخوان في المحافظات لازم فيها قتلى بالرصاص من بلطجية المحافظات دي التابعين للداخلية و في حمايتها. يا راجل ده حتى القتلى عند الاتحادية في ديسمبر ٢٠١٢ كلهم اخوان و معاهم ابوضيف الصحف و كله ركز مع الصحفي و ساب التانيين.

لو كرهك للاخوان مخليك مغمي عنيك عن كل ده فاسمحلي الموضوع محتاج اعادة نظر منك كمثقف.

كما قلت سابقا الاخوان سذج جدا ان يوافقوا على تسلم البلد بحالتها المزرية بعد نظام مبارك او بمعنى اخر طنطاوي شربها لهم مؤقتا لاستعادتها لاحقا. وصلت يا باشا.

احترامي يا ابو حميد

بص يا باشا شكلنا كده ممكن ندخل في سجال لا ينتهي في غير مجاله بالمرة... وانا بعتذر لصاحب الموضوع عن خروجنا ال نقاش جانبي طويل...

بس برضه ياريت تجاوب على اسئلتي اللي في اخر مشاركة ليا...

**saint2011** · 08-09-2013 01:17 AM

المشاركة الأصلية كتبت بواسطة mohamed_hamdi

الشعب المصري اقرع و نزهي يعني لما ٨٠ ٪ من السلع اللي في السوق حاليا استيراد يبقى احنا كدولة بصنع ايه و لا مؤاخذة. شوية سيراميك على سجاد مع الكثير من الشيبسي. لما نبقى دولة محترمة و عندنا انتاج و اقتصاد قوي و شعب بيحترم النظام و القانون نبقى نفرض شروطنا على العالم و نقاطع اللي مايعجبناش انما الاعلام اللي ممشي الناس وراه بدون فهم ده عايز يتولع فيه هو و اللي ممولينه علشان غسل مخ الناس و توجيههم اننا دولة عظمى قادرة على محاربة امريكا نفسها لو ماوافقتش على القبول بالانقلاب الناعم رغم ان ٨٠٪ من تسليح الجيش من امريكا نفسها بقالنا ٣٠ سنة.

. خلي ال ٣٠ مليون المزعومين بتوع كرنفال ٣٠ يونيو يقاطعوا تركيا ، من يحترمون الصناديق و لا يسمحون للاخرين بتوجيه عقولهم و لا يحترمون اسلوب الاخوان في ذات الوقت هايشتروا من تركيا و خلص الموضوع على كده.

احترامي للجميع.

30 مليون مزعومين ( على فكرة هما 33 مليون مش 30 والرقم ده خرج من وسائل الأعلام الغربية عشان محسوبة عن طريق صور القمر الصناعى وجوجل وطريقة حسابها ان المتر المربع بيقف فيه 4 أفراد فهو بيحسب المساحة بالمتر المربع وبيضرب فى 4 ) وعلى فكرة كل التوكيلات التركى فى مصر مملوكة لأخوان وده للعلم وخلص الموضوع على كده