كنت عايز اعرف هل الكورولا الجديدة مبيعاتها هتقل لانها صناعة تركى و اليومين دول فى دعوات كتير لمقاطعة كل ما هو تركى بسبب موقف تركيا تجاه ما يحدث فى مصر مؤخرا ؟
عرض للطباعة
كنت عايز اعرف هل الكورولا الجديدة مبيعاتها هتقل لانها صناعة تركى و اليومين دول فى دعوات كتير لمقاطعة كل ما هو تركى بسبب موقف تركيا تجاه ما يحدث فى مصر مؤخرا ؟
ههههههههههههههههههههههههه ههههههههههههههههههههههههه ههههههههههههههههههههههههه ههه
ههههههههههههههههههههههههه ههههههههههههههههههههههههه ههههههههههههههههههههههههه ههه
ههههههههههههههههههههههههه ههههههههههههههههههههههههه ههههههههههههههههههههههههه هههه
ههههههههههههههههههههههههه ههههه
ايه الضحك ده يا جماعة
طب ردوا طيب علشان يهمنا وجهة نظركوا فعلا
عموما يا باشا ان رأي ان ده شئ بعيدا عن السياسة
والكورولا شئ وموضوع التقفيل ده شئ تاني خالــص
والكورولا الموديل ده لو عربية كويسة ومفيهاش عيوب وثفـقة فعلا هتنـجـــح رغــــم اي شـئ حتي لو تقفيل ايه
لان ده مصنع تويوتا فالنهاية وفي رقابة علي كولتي معينة لازم تخرج بيه العربية
اما لو العربية فيه عيب او غير مرضية هتبيع قليل جدا حتي لو تقفيل اليابان ولسه جيه من يومين
مجرد رأي
والله اعلم ..
انا من رأى ان اللى بتعملة تركيا حاليا , هيؤثر بشكل كامل على التعاملات مابين الدولتين , فأكيد طبعا الاستيراد والتصدير هيقل مابين الطرفين , ان ماكنش هيتوقف تماما لان الاوضاع كل يوم بتزداد سوء
ودة كمان هينعكس على السيفيك 2014 , اذا ماتمش التراجع عن بدء تجميع السيفيك فى تركيا
وطبعا التجار مالهمش دعوة بالكلام دة , والله لو العربية تقفيل اسرائيلى هيجبوها , مش هيهمهم
الدور والباقى علينا احنا , احنا اللى نجبر التوكيل ان يشوف اى دولة انظف , من تركيا نستورد منها
أكيد طبعا حيأثر، ده الستات اللى كانوا طول النهار شغالين على المسلسلات التركى مبسوطبن قوى إنها و قفت، ههههه
شخصيا العربية مش نافعة معايا لأن الفئة اللى عليها العين ب 210 ألف (الأيرباج مهم بالنسبة لى) و إرتغاع 12.5cm مش حينفع فى شوارعنا المنيلة
خلينا فى البيجو 301 او النيسان السنترا لو نزلت وكيل
عليا الطلاق ده لو صناعة اسرائيلي الناس هتشتريها
ا...............................................
يقولك اصل دة حاجة وده حاجة
يعني .................................................. ................................
................................................... ..............
................................
تم وقفك لمدة اسبوع لمخالفتك القاعدة رقم 9
مشرف أ2
اللى بيفكر في الكورولا الجديدة يروح يجيب استرا برقبتها ومش مشكلة الاوتو بارك ده :d
طلاق ايه بس ياعم والله انا عايش في الكويت وفي عرض مغري جدا على موديل 2013 بس انا مستني الموديل الجديد ينزل واقسملك بالله انه لو ارخص من القديم مش هاشتريها لو متقفلة في تركيا لكن لو تايلندي زي القديمة هاجبها اما حكاية انها يابناني اه بس المصنع واللي شغالين فيه من تركيا فخالي اردوغان يركبها هو ويغور ووالله لوكلنا عملنا كدة هايجيب نتيجة انت مش بتقاطع كيس شبسي لا دي عربية والوكيل لو فعلا حس انها مبتبعش علشان تركي هايجبها من مصنع تاني وهو جايبها من تركيا علشان اتفاقية الشراكة اللي مصر عملتها مع تركيا من 2007 وتخفيض الجمارك وانشاء الله الحكومة تلغيها ويبقى زيهم زي غيرهم وعلى راي المقولة الشهير دي مصر مصر وبجد مش بهرج بلدنا ولازم نحميها مش نكسب اللي واقف ضدها وهو بيعمل اكتر بكتييير من اللي بيتعمل عندنا
ان شاء الله الحج هيحجزها علي الاسبوع الجاي
في الحقيقة يبقى مقدمكش غير 5 دول
السعودية ..البحرين...الامارات...الكويت ...اسرائيل
اللي ممكن تشتري منهم اي منتج
لان دول بس من كل دول العالم اللي ايدو الانقلاب
لو كانت الكورولا تركي فعلا ده لوحده سبب قوي جدا اني اجيبها ،أصلا احنا في كل تفاصيل حياتنا بنشتري حاجات من اليهود و الأمريكان و الاصدقاء والاعداء ،اللي راح تركيا يعرف كويس انهم أقرب شعب لينا في الثقافة و العاطفة و معظم تفاصيل الحياة و عندهم عاطفة قوية جدا و ترحيب شديد تجاه الشعوب الاسلامية و العربية ،اللي يعرف تاريخ تركيا يعرف اد ايه هما اتلسعوا كتير من النار من الغاء انتخابات و سيطرة الجيش و ده خط أحمر و موضوع حساس جدا جدا عند الأتراك عموما حكومة و معارضة ،اقروا كلام اردوغان عن مصر هاتعرفوا اد ايه هو فعلا بيحبها و موقفه موقف سياسي ووجهة نظر في عصر (الديمقراطية) يا بتوع الديمقراطية :) بس انا عايز اعرف بجد سعر العربية كام عشان في تضارب كتير في الأقوال و كمان لو هي تركي يبقي المفروض في ميزة في السعر من ناحية رخص الصناعة و من ناحية الاتفاقيات التجارية و تخفيض الجمارك
بالتوفيق للى حجز وربنا يقدم لكم اللى فيه الخير لكم ولاولادكم
العربية حلوة وعجبانى وليا 3 اصدقاء حجزوها بالتوفيق للجميع
ملحوظه : هى لحقت يبقى ليها اوفر فى السوق السودا
انا كنت فى التوكيل وبالفعل لاقيت اقبال عليها حجوزات بس ديه لسه نازله على طول كده اوفر برايس
حتي لو الاستيراد من تركيا اتوقف
التجار هتلاقي سكه
و اسهلهم دبي
العربيه تتصدر ليها و شهاده المنشا تتغير و شكرا
لمن الدينمارك سبت دينا ورسولنا قاطعنا الزبدة بتاعتهم ومفيش كام شهر ونزلوا عروض على الزبدة الناس رجعت تشتري زبده تاني. وجبنة مثلثات كمان ونسيت كل حاجة ... امريكا على حربها على العراق ومواقها في فلسطين. قمنا مقاطعين علبة الماربوروا وبقينا ندخن lm ازرق ههههههه ... المهم جين دلوقتي تتشطروا على توركيا الدولة المسلمة الشقيقة .
طيب عزيزي وصديقي الي بيقول نشتري استرا وبلاش كورولا طيب ماهي المانيا كمان ليها مواقف ضدد مصر يبقى ليه هنا الازدواجية في المعاير واخي وعزيزي الي بيقول هنركب بيجو طيب ماهي فرنسااا كمان ليه موقف من الي حصل في مصر .
انا من رأأيي احنا ممكن نرجع للادا والعربيات الصيني . بيقولك روسيا والصين مع مصر . ( هيا بقت كده يعني )
يالله يا جماعه كل واحد معاه عربية شاهين يقاطعها او ينزل يولع فيها والرينو الميجان كمان والفورد اقولكم ايه ولا ايه. المفروض نتكسف على دمنا دولة زي تركيا تسحب استثمرات بالملالالاين من مصر واحنا نرد على تركيا ونقول كددده طييييب واللهي ما انا شايف مسلسل تركي تاني. ههههههههههههه. ااااه يا بلد ( بلد فيستك بيستك ) . .. وتحياتي
أنا لسه قافل مع التوكيل و لغاية دلوقتي ما يعرفوش حاجة عن السينترا خالص...... بيقول لو فيه موديلات جديدة بمكن شهر 10 مع السنة المالية الجديدة
أما حتي الأن مافيش أي أخبار خالص......
اللي خلاني أتصل إني كنت ناوي علي الكورولا الجديدة و لما سمعت عن السينترا قلت اسأل
شكراً
upupup
......
احنا شعب مابنعرفش نقاطع حاجه للاسف
والله فعلا يا عمدة انا مع رايك وراي الناس
اننا بنفضل نقول هنقاطع ومش بنقاطع شئ
مش عارف تقصد مقاطعه شعبيه ولا مقاطعه رسميه؟
اكيد مش هيحصل مقاطعه شعبيه محدش هيفرط فى عربيه عاجباه عشان من تركيا(تركيا بقت كخه) بغض النظر عن قناعتى الشخصيه ان تركيا شعبيتها زادت مش نقصت :d
ههههههههههههههههههههههههه ههههههههههههههههههههههههه
يقاطعو ايه بس احنا شعب بيقاطع بالكلام بس مش بالفعل
ياجماعة شعب ايه اللي يقاطع وميقدرش وبالكلام بس هو احنا بنتكلم عن نوع ااكل والا شيبسي احنا بنتكلم عن عربية تمانها تقريبا 200 الف جنيه ياعني بالكتييير الوكيل بيبيع من 2000 لحد 3000 عربية في السنة ياعني الموضوع لو 300 او 500 واحد بس بيحبو بلادهم اللي بتتهاجم كل يوم من اردوغان هايتوجع التوكيل ومش معنى تقاطع انك متركبش كرولا لكن نجبر الوكيل يجبها من بلد تاني تايوان او اليابان وااااكيد هاتكون افضل وكان الغرف التجارية بدءت اجراءات ضد تركيا كفاية غلطه على شيخ الازهر واللي متردد في الكورولا عانده النيسان سنترا اتفرجو عليها وشوفو الفرق وبردو نيسان وياباني واللي بيحب الكورولا تمام بس نجبر الوكيل يجبها من مكان تاني واشتريها لكن واحد يضحك ويقولك هاهاهاهاهاه نقاطع والتاني يقول منقدرش والتالت يقولك الشعب مبقدرش هو الشعب بقى بيشتري كورولا دلوقتي طب خلى بس اعضاء منتدانا العظيم بس يبلغوا الوكيل انهم مش هايشتروها الا من مصنع تاني وشوفو النتيجة 100 واحد بس وعموما كل واحد حر وله قناعاته الخاصة انا اقسم بالله حجزت 2013 ورجعت انتظر الشكل الجديد ولسة منزلش في الكويت ولو نزل تركي مش هاشتريها عندي بديل ليها كتييير وشكرا
انا كنت بفكر فيها بس كدا عمرى ما هشتريها لانها تركى تغور من وش اردوغان
يجب مقاطعة السيارات التركية حبا فى مصر وانا هبدا بنفسى ومش هشترى كوروﻻ
المثل القديم بيقول : يغور اللبن من وش القرد............... تغور الكورولا من وش اردوغان
-شعب لطيف قوي هتقاطعوا أية و لا أيه لا تنسوا المسلسلات :Oc_sun1[1]:
و الله لو معايا فلوسها كنت جبتها عشان من تركيا بس
تغوووووور لو جاية من تركيا
السيفيك برقبتها
يعني تغور عشان جايه من تركيا وبس
طب ما احنا بنركب عربيات من ناس بتعبد البقر زي الهند والتوك التوك في كل مصر هندي
وبنركب عربيات ناس بتعبد بوذا زي كل هيونداي وكيا
وبنركب عربيات ناس بتعبد خمسين حاجه زي العربيات الياباني
المشكلة يعني على تركيا عشان دمها تقيل على قلبنا اليومين دول
دا ربنا قال في كتابه : بسم الله الرحمن الرحيم
غُلِبَتِ الرُّومُ ﴿2﴾ فِي أَدْنَى الْأَرْضِ وَهُمْ مِنْ بَعْدِ غَلَبِهِمْ سَيَغْلِبُونَ ﴿3﴾فِي بِضْعِ سِنِينَ لِلَّهِ الْأَمْرُ مِنْ قَبْلُ وَمِنْ بَعْدُ وَيَوْمَئِذٍ يَفْرَحُ الْمُؤْمِنُونَ ﴿4﴾
صدق الله العظيم
يعني حتى الروم (اللي كان المسلمون ساعتها حيحاربوهم قريب) كانوا اقرب من الفرس المشركين لانهم اهل كتاب
فالمؤمنون فرحوا لان عندهم نصر اهل الكتاب احلى من انتصار الفرس المشركين
تفسير ابن كثير:
ذكر بن كثير( يرحمه الله) قول بن عباس( رضي الله عنهما) حيث قال: كان المشركون يحبون أن تظهر فارس علي الروم لأنهم أصحاب أوثان, وكان المسلمون يحبون أن تظهر الروم علي فارس, لأنهم كانوا من أهل الكتاب, فذكر ذلك لأبي بكر( رضي الله عنه), فذكره أبو بكر لرسول الله( صلي الله عليه وسلم), فقال رسول الله( صلي الله عليه وسلم):[ أما إنهم سيغلبون], فذكره أبو بكر للمشركين, فقالوا: اجعل بيننا وبينك أجلا, فإن ظهرنا كان لنا كذا وكذا, وإن ظهرتم كان لكم كذا وكذا, فجعل أجل خمس سنين, فلم يظهروا, فذكر ذلك أبو بكر لرسول الله( صلي الله عليه وسلم) فقال:[ ألا جعلتها إلي دون العشر؟], ثم ظهرت الروم بعد, قال فذلك قوله تعالي:[ ألم. غلبت الروم. في أدني الأرض وهم من بعد غلبهم سيغلبون].